أبغي حد يساعدني؟؟؟؟

السلام عليكم ياعرااايس المنتدي:9_28:

انا بنتي عمرها 4 شهور ابغيها ترضع من صدري مش راضيه لاني في رمضان كنت اعطيها الصناعي اكثر بس مدت ارمضان ومن فترة احاول معها مش راضيت شو اسوي ساعدوني ؟؟؟

هلا اختي وعليكم السلام

انا صار لي مثلج اختي لين استغنى عن الطبيعي ولدي

واعتمد على الصناعي بسسسسسسس وهالشي سبب لي أزمة في البداية

بس بعدين خلاص شنو اقدر اسوي اللي علي سويته والباقي على رب العالمين

وطبيعة الطفل يفضل الصناعي اذا تقبل طعمه من البداية ليش انه أسهل في الرضاعة

ويشبع بسرعة فاذا اعتاد الطفل عليه مشكلة كبيرة ما يحب يرضع من حليب الأم

والله يعين

لا تيئسي معها واقطعي عنها الصناعي شي ويوم وجربي معها الطبيعي الله يكون بالعون يارب

جوعييها لاتعطيها صناعي بتصيح وبترد ترضع منج انا جي استوالى

قللي الصناعي شوي شوي وجبيلها مصاصه ما فيها خرق وانت اعمليه بالابرة يكون صغير كتير ودايما اعرضي عليها صدرك والله يهديلك اياه

حبيبتي

لا تياسيين حاولي .. لو الامر اطلب منج اشهر بس انصحج لا تقطعين

مع اني رضعت ولدي 8 شهور بس للاسف كنت جاهله لانه اول ياهل لي فطم نفسه بنفسه وانا ما حاولت تعالي شوفيه الحين من مرض لمرض وموول ما عنده مناعه ..

خذت درس بنتي الحمدلله الحين عمرها سنه وشهر احمد ربي انها ترضع الين الحين .. والحمدلله ما تمرض وايد واكلها احسن عن حمود وصحتها الحمدلله تمام ..

حاولي عشان مستقبل بنتج

شكرا على الردود الحلوه وانا مازلت احاول معها ان شاء الله ترضع مني

أنصحك إذا كنتي غير عامله إقطعي عنها الصناعي أو خففيه ومثل ما قالوا لك البنات جوعيها وتاليها بتحتاج لصدرك .. وطول الليل وهي نايمة نشيها أكيد بتنش تبا ترضع ، على طول قدمي لها صدرك وإن شاء الله تتحسن رضاعتها الطبيعية مع مرور الوقت .

طمنينا عليك