تخطى إلى المحتوى
الرئيسية » أحساس غريب

أحساس غريب

السلام عليكم أخواتي شلونكم شخباركم …

تحية للكل وان شاء الله للعرايس مباركين والي بيعرسون موفقين والي ما عرسو الله يرزقكم امين .

طيب انا ان شاء الله طوبتي باقي عليها 10 ايام اقصد العقد وطبعا خطوبتي في شعر تسعه بس ابي اقولكم شي قولولي هل هو الاحساس هذا طبيعي او لا

اول شي انا خطيبي انا كنت اعرفه .. بس الصراحه الحين يوم صار كل شي جد وماباقي شي على العقد أحس اني ابي افركش كل شي صادني خوف مو طبعي احس اني قاعده اقدم على خطوه غبيه اني بطلع من الدلال إلى المسؤوليه وبتحمل وبشيل مسؤوليه شخص وحياه انا اصلا ماكنت عارفه كيف اشيل مسؤوليه نفسي ؟؟ هل هذا الاحساس طبيعي .. بالعكس خطيبي انسان محترم ومصلي والحمدالله والله مافيه عيب ….. والكامل الله بس هذا الشعور الي يروح ويجي أستعيذ بالله واقرى القرأن وارتاح ولمه افكر في حساناته انسى بس من اواجه صعوبه في ترتيبات حفلتي او شي او من اقعد بروحي افكار تجي وسواس على بالي ان الزواج ما ينفع لي وماراح يجيب لي غير عوار الراس ……
انا ماني عارفه كيف اوصف لكم مشاعري من خوف وأني بطلع من بيت اهلي ……….انتو عارفين بالحال … بس هل شعور اني ابي اكنسل كل شي شعور وارد ولا في شي غلط فيني ؟؟؟؟

تحياتي
اتمنى الرد بالسرعه الله يخليكم
ملاحظه انا صليت استخاره وكل شي تمام ..

يعني ماكو جواب ؟؟ 😥

وعليكم السلام ورحمة الله وبركاته

مرحبا أختي نور

ألف مبروك حبيبتي ويا رب الله يتمم لج على خير

والله يسعدج ويهنيج ويرزقج بالذرية الصالحة..

بالنسبة لحالتج حبيبتي أنا أقول هذا شعور طبيعي..

لأن كل البنات في بيت أهلهم يعيشون بدلال وما يحاتون شي

بس لما بيتزوجون أكيد بتكون عندهم رهبة من الحياة اليديدة إللي راح يدخلون فيها

وخصوصا أن مسؤوليات كبيرة راح تواجه كل بنت.. تعوذي من ابليس عزيزتي

هاذي كلها وساوس الشيطان وأدعي دايم في صلاتج أن الله يبارك لج في حياتج

وإن الله يعطيج الصبر علشان تتحملين المسؤولية الجديدة..

تأكدي أن حياتج راح تختلف عن حياتج في بيت أهلج فلازم من الحين

تهيئين نفسج على كل شي بيمر عليج وكل شي بيواجهج..

ولا تحاتين إن شاء الله كل شي بيكون سهل عليج وراح تعرفين شلون تسيرين حياتج الجديدة

بطريقة سهلة ومريحة تكونين أنتي مرتاحة منها وزوجج بعد..

وعليج بصلاة الحاجة ، تطلبين من الله فيها أن يبارك لج في زواجج وحياتج مع

شريك المستقبل عروس

ربي يسعدج ولج أطيب تحية

كل حالة تمر عليج تمر علينا كلنا

هذا حالة طبيعية بالمرة وماهي احساس غريب

واهم شي فكري بالشي الزين وخلي عنج الوساويس وستانسي

وتهني

والله يبارك لج ويتمم عليج على خير وبس

أختي[movet=up] همس القلوب يزاج الله خير وماقصرتي والحمدالله طمنتيني والله ظنيت ان في شي غلط بالموضوع او شي انا كنت متصوره ان الخوف الي اسمع عنه ويوقلون عنه البنات ما هو الا شعور مصطنع او دلع بس والله لا هو دلع ولا شي الا خوف ما تقدرين انتي تتفادينه بس ان شاء الله راح اكثف دعائي ان شاء الله خير ومشكوره وما قصرتي [/movet]

اخني مرايم السعوديه تسلمين ويزاج الله خير … على ردك الكريم والله خبرك كل واحده فينا تحس ان مشكلتها مافي اكبر منها بس ان شاء الله خير ……. وتسلمين مره ثانيه

هلا نونوووووو

هذا الشعور طبيعي واي وحده في مكانج راح تحس نفس الاحساس وحتى في الزواج يصيدج جذي لانج خلاص بتطلعين من بيت اهلج وراح تعيشين مع ناس غير

اني الحين بتزوج ويصيدني هالشي بين فترة وفترة واحس روحي متضايقه مو حابه اطلع من بيتنا

بس توكلي على الله والله يبارك لج ان شاء الله

100% طبيعي
اسأل مجرب عروس

انا قبل ملكتي بيوم قعدت اصيح واقول لهم ماابي اتزوج خلاص
لوووووووووووووووووووووووووووووووول

تسلمون والله على ردودكم الطيبه والله ريحتوني الحمدالله والله كنت احس أن فيني شي غلط او شي بس الحمدالله ربك المسهل عروس

عروس
حبيبتي اظنه شعور طبيعي
انا ما جربت
الله يوفقك و يسعدك امين
حبيبتي هادا شعور طبيعي جداااااااااااااااااااااااااااااااااااااااااااااااا ااااااااااااااا…………………….. تصدقي انو انا و زوجي اخذنا بعض عن حب بس و قت عقد القران انتابني خوف مو طبيعي وقمت قلتله خلاص ما ابي اتزوج خلينا كذا احسن ههههههههههههههههههه

عروس2عروس2عروس2 …………………………. عادي الخوف في مواضيع متل هيك عادي حبيتبي يعدين كل شئ رح يصير عادي و تتعودي على الوضع

و الله يوفقك يارب و يهنيك و يسعدك و يتتملك على خير حبيبتي ……………………….

الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.