أفيدوني لو سمحتم 2024.

بنات .. بليز ساعدوني..

أنا من الشارقة .. و خطيبي من أبوظبي.. لكنه ساكن في دبي.. الملجه بعد شهر إن شاء الله.. خطيبي ما يبغي يقدم على صندوق الزواج.. هل عندكم فكرة إذا لازم نسوي فحص طبي قبل العرس ولا لأ؟؟ و السبب اللي خلاني أذكر من أي إمارات نحن .. هو إني من قريب و بحكم شغلي في قسم الموارد البشرية .. شفت وثيقة عقد زواج من محكمة الشارقة كتب فيها القاضي إنه اطلع على أوراق الفحص الطبي.. و غالبا القاضي اللي بيزوجنا بيكون من دبي.. هل فيه اختلافات في محاكم كل إمارة عن الثانية؟؟ و الأهم .. هل لازم نسوي فحص طبي إذا ما بنقدم على صندوق الزواج؟؟ بليييييز ساعدوني و طمنوني..

أنا مب خايفة من نتيجة الفحص الحمدلله لأن فصيلة دمي و دمه متوافقات.. بس أبغي أعرف إذا بدون الفحص يتم عقد الزواج و لا لأ؟؟

هلا اختي بس حبيت اقولج عادي تملجون بعدين اتقدمون على صندوق الزواج

انا ملجت وبعد سنتين قدمنا في صندوق الزواج عادي

والحين ان شاء الله في الصيف بعرس:o:o:o:o:o

والله ما عندي فكره عن الموضوع بس نصيحتي عشان تاخذين الجواب الاكيد اتصلي على محكمة دبي الشرعية واسئلي بيعطوكي كل المعلومات ميه بالميه صحيحة عروس
هلا اختي الغالية ا نصيحة مني سوي تحليل دم بس لان صندوق الزواج بس دم

احسن وان شا الله بالتوفيق عروسعروسعروس

وشوفي هذا الموضوع

http://www.3roos.com/forums/showthre…threadid=80006

شكرا على ردودكم.. بس خطيبي ما يبغي يقدم على صندوق الزواج ابدا..

مشكورين و ما قصرتوا .. و شكلي بتصل في المحكمة.. 🙂

طيب انتي لو تبغين تسوين الفحوصات عادي ممكن تسوين الفحوصات في اي مستشفى في الطب الوقائي او اي مستشفى ثاني معتمد يعني مو بالضرورة عن طريق صندوق الزواج

وما ادري هل هو الزامي او لا بالنسبة لكل عقد ينعقد احسن شي المحكمة وتسألينهم عروس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top