احتاج نصايجكم وتشجيعكم عشان ينزل وزني لا تطنشوني بليز

السلام عليكم ورحمة الله وبركاته

هلا بنات ؟ علومكن ؟ إن شاء الله تمام

لوووول .. ابا شوي اقولكم عن نفسي

انا وحدة ما عندي ارادة .. عشان جي احتاج لتشجيع .. والصراحة اول ناس فكرت فيهم انتوو

أنا وزني كان 98 .. و طولي 151 <<<< يعني مضغوطة .. قصيرة ودبة :tongue:

المهم .. وطبعا الكل يعرف السمنة شو من امراض اتييب .. والصراحة عانيت من القلب لفترة .. وغير الأمراض النسائية مثل تلخبط الهرمونات .. وسالفة الدورة الشهرية .. وفوق ها كان في احتمال اني اصاب بالسكري .. قلت خلاص لازم اخسر وزني .. وسويت تمارين سويت رجيم وعفسة .. وصدق مااشي فايدة .. ينزل وزني بس يرد عقب دبل .. طبعا كله كان غلط في غلط

المهم .. سرت سويت لي عملية البالون في البطن .. اذا سامعين عنها لانها يديدة .. و شو ما تعذبت وياها.. عوااار سم في البطن والله وكرهت حياتي .. لا تقدرين تاكلين شي ولا تشربين .. وطبعا اول اسبوع لازم ليكيويد ( يعني يكون ماي وعصير وروب وشوربة من هالسوالف .. ما شي أكلات يبالها مضغ وهضم في المعدة ) .. وذبلت أول اسبوووع .. ونقصت 5 كيلو .. في اول اسبوع .. طبعا ويا هالبالون في البطن كله ارجع اللي ببطني وعفسة .. المهم .. المفروض اني كل اسبوع انقص 2.5 او 3 كيلو .. بس مر شهر ونص و وزني ثابت .. مع اني امشي وايد واركب السلم وجي .. بس ما شي فايدة وزني واقف عند 92 ومرات 93 .. وجي .. أنا في سكن الجامعة .. وطبعا الأكلات كلها دهون وعفسة ما في كلات رجيم .. فبطلت اروح المطعم .. بس اغش الصراحة مرات اقص ع عمري اقول انزين جبس واحد ما بيأثر .. علبة بيبسي وحدة ما تأثر وجي .. فأكيد عشان جي .. للعلم أني في اليوم لازم آكل بس 1200 كالوري .. والجبس الواحد تقريبا فيه 550 كالوري اذا مو اكثر ..

فييب منكم ابا نصايحكم حبيباتي .. وابا بعد تشجيع اذا شي بنات يسوون رجيم يحطون اوزانهم هنيه .. وكل اسبوع بنوزن وبنحطي بنجوف كم خسرنا .. عشان نشجع بعض وننقص ويا بعض .. يمكن هالشي يشجعني ويشجع غيري أنه صدق ننحف .. وشي بعد .. ترا التمارين اللي حاطتنها بنت عذاري الله يحفظها صدق صدق اتفييييد .. أنا سويته اسبوع مرتين مرة صبح ومرة ليل .. وصدق تخصر جسمي .. واستوى انحف وأحلى ..

أتمنى أنكم ما تطنشوني بنات لأني طلبتكم .. ابا هالويكند يوم ارجع البيت الكل يقول لي الله ضعفتي زيادة .. ابا عالاقل نهاية الأسبوع يوصل وزني 90 ..

محتاجة لنصايحكم .. لا تبخلو بها علي .. في الأطعمة في التمارين والحركات .. وحتى في اللبس ..

تسلمون وما تقصرون والله ..

ربي لا هانكم ^^

حبيبتي انا بأشجعك اذا تبين! انا طولي 163 ووزني 68 حاليا و يبيلي انقص مع انه شكل جسمي زين.
انا ما اكل الا الي اهلي ياكلونه، و ما اخربط ولاشيء جانبي بس مشكلتي الببسي x_x كنت احب اشرب الببسي كثير! مرتين او ثلاث بالاسبوع

و بعدين الي نفخني الكورتزون لاني كنت استخدم علاج من زمان T_T

بس ان شاء الله بننحف

انا البيبسي سوالي أزمة الصراحة فترة .. كنت ادمان عليه يووصل يمكن فوق 10 علب في اليوم .. وطبعا كنت اطنش الأكل

وانتي اختي جسمج ما شاء الله عليه متناسق مبين من طولج و وزنج .. بس تنقصين ثلاث اربع كيلوات و تطلعين موودل .. لووول

يلا حبيبتي ان شاء الله تنزلينه وتوصلين للوزن اللي تبينه ..

مشكورة عالتواصل حبيبتي ..

ربي لا هانج

آلماسهـ انا بشجعك طبعا لاني ما عندي عزيمة قوية بس اتمني انزل من وزني اكثر من 30 كيلو لان وزني 94 وطولي 168 وبخاول انزل الوزن خلال الشهرين الجاين
انا من بكره ببدأ بتقليل الاكل واشرب المسحوق العجيب بتاعي واشوف هنزل ولا ايه ونفسي موت استمر علي الرياضة اسبوع وما نقطعش عنها خالص:BOUNCE8:

خلاص تم حبيبتي .. انا بعد ببدا وياج .. وبنجوف كم بنقص على نهاية الاسبوع ..

تسلمين عالتواصل غلاي ^^

[FRAME="8 70"]والله استانست يوم قريت الموضوع…

لأني ابي انزل وزني معاكم..

انا وزني كان 104 وطولي 164

وبعد ما مارست الرياضة شهرين صار وزني88

ابي وزني يصير 70 او على الاقل 75

لان انا ما احب الجسم الضعيف كلش..

احب الجسم الضعيف ومليان خصوصا صوب الفخوذ

واللحين يبيلي انزل 18 كيلو..

يلا خنشد حيلنا[/FRAME]

ما شاء الله علييييج فديتج … نقصتي شي حلوو في شهرين ..

وان شاء الله نستمر عشان نوصل للوزن المطلوب ..

أنا يبالي انزل تقريبا 40 كيلو .. يعني بعده وااااااااااايد يبالي .. وان شاء الله بوزن للوزن اللي ابااه

تسلمين حبيبتي عالتواصل معناا ^^

ربي لا هانج

انا وياج قلبي
عمري 21
وزني 94
طولي 165
ابي اوصل 65 ع الاقل
يعني اخسر 29 و نص
في اسبوع و نص نقصت كيلو و نص
عندي ارادة و اسوي تمارين غيرت حياتي وايد
غازات من شهر و نص او شهرين ما اشرب
و اكلي دايت
توست اسمر حليب قليل الدسم او خالي و كورن فليكس مال ريجيم
و اكثر سوائل
امشي يوميا
انام بدري و اصحى بدري بدون سهر و ع الاقل 6 – 8 ساعات انام
شكلي متغير و الكل يقول
بس صار لي يومين من بعد دورتي و انتوا بكرامة اشتاق للسويت
بس اكل قطعة و امشي يعني احرقهم ^,^

السلام علييكم ورحمة الله وبركاته

الصراحه هالشي مب صعب ما يباله غير اراده
وكل وحده لازم تشد حيلها وتحط الهدف جدامها
انا ابى انقص وزني ولااااازم انقصه
لاعت جبدي من عمري كل يوم اقول ببدا اسوي ريجيم وبعدين اخرب كل شي !!
الحين لازم نبدا ونوعد بعضنا انه محد يتكاسل و يتعايز .. واللي تتعايز بنزعل منها وبتصير دبه ومحد بيشوفها والملابس بتطلع مب حلوه عليها وما بتلاقي شي قياسها
كييفكم عاااد انا خبرتكم
خخخ بعقدبكم بس صبرو عليه

انا بصراحه اشتركت ف وايد مواضيع فهالركن
بس ما استمريت معاهم !! للاسف وان شا الله يعذرني
وايد يهمني انه البنات اللي اكون معاهن يكونن متعاونات وعندهن عزيمه عشان يشجعني واشجعهن

الحين انا بخبركم طولي ووزني
ههههههههه
طولي : 170 قولو ماشا الله هههههه
وزني : 75
ابى انقص مب اقل عن عشره كيلو
يعني ابى وزني يصير بين ال60 وال65 بس ما يزيد عن هالوزن
عرس اخويه ف بداية سبعه وابى اطلع حلوه ف العرس عاد لا تتحروني خسفه هههههههههه

انزييين شو رايكم
كل وحده اتحطلها هدف
يعني مثلا خلال شهر كم تبين تنقصين ؟ مثلا خل نقول خمسه او سبعه كيلو
كتبو هالشي فورقة وعلقوها ف مكان بارز يعني مثلا ف المنظرة ( المرايا ) مالت التسريحه عشان كل يوم تشوفين هدفج .. وهذا وايد بيزيد العزيمه عندج وبيجددها كل ما قلت
كتبي امور تشجيعيه يعني مثلا بصير حلوه رشيقه سمبتيك
حطي صورة وحده رشيقة جدامج ..
وروحي اشتريلج لبس عايبنج ويكون اصغر من مقاسج الحالي ويوديه عندج وكل اسبوع قيسيه
الين ما ايوزلج اللبس .. عشان تحسين انج ضعفتي صدق

شي ثاني :- تذكرو انه اللي يروح بسرعه يرد بسرعه اضعاف ما كان
واعتقد وايدين جربو هالشي .. فلا تطمعون وايد وارضو بالقليل .. سبحان الله هذا احسن من انج تخسرين وايد وبعدين تردينه الدبل

ثالث شي : حاولو كثر ما تقدرون ما تاكلون فاست فود ولا تشربون غازيات
رابع شي : اهتمو بالرياضه وخاصه للي اوزانهم كبيره .. لانه اذا ضعفتو من دون رياضه بتترهل اجسامكم وبتطلعون من مشكله وبتدخلون ف مشكله ثانيه اصعب

خامس شي : كثرو من شرب الماي واكل الروب لانه يساعد ف التخسيس

هذا اللي عندي
وشو رايكم نبدا من باجر
اشكرج حبوبه وان شا الله من هالمووضوع بنوصل للاجسام اللي نباها

هلا حبيبتي ** فعلاً الدعم النفسي والتشجيع من الغير على الاستمرار في الدايت مهم جداً لكن مو اهم من دعمك انتي الداخلي وإرادتك انتي وإصرارك انتي لإن الغير بيجيه فتره ويبرد ويمل لكن اذا كان هالشي صادر منك انتي ومن داخلك عمرك ماراح تحسي بالملل ابداً وعندي شويه نصائح مهمه ومفيده انشاء الله تساعدك على النحف بسرعه وبطريقه صحيه بعد :

أولاً : نظامك الغذائي لازم يتكون من 5 وجبات خلال اليوم يعني (3وجبات رئيسية و2 سناكات بين الوجبات الرئيسيه عباره عن فاكهه او عصير فاكهه طبيعي بدون سكر ) .

ثانياً : الإستيقاظ المبكر وعدم السهر لوقت متأخر لإن السهر يجوووع ويخلي الواحد يفتح الثلاجات وأيش ماحصل ياكل وبس .

ثالثاً: اشربي الكثير من الماء خلال اليوم يعني 8 كاسات باليوم او اكثر شويه برضه ممتاز وخاصه الصبح على الريق 2 كاس ماء فاتر بعدها بساعه او ساعتين تقدرين تاكلين فطورك اليومي .

رابعاً : حاولي يكون الشاي الاخضر من ضمن نظامك اليومي كوبين إلى ثلاثه اذا قدرتي باليوم ممتاز جداً لمساعده حرق الدهووون ويصفي الذهن .

خامساً : امشي على الاقل نصف ساعه يومياً او ساعه اذا قدرتي بالوزن اللي انتي فيه راح يفيدك المشي كثيررررررر ويختصر مشوار الدايت عليك فمعروووف فالحركه بركه ونصيحه لاتبدئي بالتمارين الرياضيه الا بعد ماتكوني نزلتي من 7 إلى 10 كيلو .

سادساً : اضيفي ملعقه من خل التفاح إلى السلطات اليوميه اللي تاكلينها وخليها عاده بالنسبه لك ولو تضيفي شويه بذر كتان مع السلطه ممتاز برضه .

سابعاً : حطي لنفسك نهايه الاسبوع (وجبه أوف) من الاشياء اللي تحبيها ويفضل ماتكون عشاء واذا لازم عشاء تكون بدري شويه على 8 أو 9 مساءً .

ثامناً : كل يوم صباحاً اشربي منقوع الليمون والكموووووون معروف انه ممتاز لحرق الدهووون على الريق وهو عباره عن نصف ليمونه مقطعه شرائح مع نصف ملعقه صغيره حبوب كمون توضع بكوب ويصب عليها ماء مغلي وتترك ربع ساعه بعدها اشربيها على الريق ممتاززززه جربيها اسبوعين وراح تلاحظين فرق .

تاسعاً : لاتقسي على نفسك وتحبطي اذا مانقصتي في احد الاسابيع الا كيلو او حتى نصف كيلو مادامك لازلتي تنزلين خير وبركه والنززووول المبالغ فيه غير مرغوب ابدا يعني لو نزلتي 2.5 في الاسبوع ممتاز عشان ماتجيك ترهلات كبيره بعدين .

عاشراً وآخراً : الله الله بالإلتزام وعدم الغش كثيراً لان تذكري عندك يوم اوف تقدري تاكلي اللي تحبيه وخلي هذا شي يدفعك للمواصله ونقطه مهمه لاتوزني الا كل 10 ايام مره صباحاً بعد الخروج من الحمام فهو الوزن الصحيح لكل جسم .

اتمنى مااكوووون طولت عليك بس تحمست معك ذكرتيني بصاحبتي انا اجلس انصح فيها واحمسها وهي مطنشه طولها ووزنها مقارب لك جداً .