بجامات كذا تدرون بجامات من اول ماجبته لي عمر 6شهور واني ماغيرتهم لانه ضعيف واني استحي كل مره اقوله يبي للولد ملابس يبي له مشابك يبيله بجامات….
يعني كل شهر او شهرين او كم المده المفروض الي انزل فيها السوق اقضي فيها؟
وعن الوقت اللي لازم نشتري فيه للبيبي انا ماعندي وقت محدد اي وقت انزل للسوق اخذلها كم بدله
بس بالنسبة للاطفال على طول يحتاجون ملابس ولا هو شرط في وقت معين
يعني مثل الشباحات الا هي الملابس الداخلية على طول يحتاجها الطفل
وملابس البيت والبيجامات
يعني كل مره تطلعين السوق وتشوفين شي يعجبش اخديه عادي
يعني عمره الان 6 شهور خذيله 9 شهور راح يجلس معاااه فتره
واستغلي اوقااات التخفيضاااات واشترييييله اكبر من مقاااااسه الحالي شويا مو كثييير
بالنسبة ليا اسوي الطرييييقه هذي لو شي عجبني وكااان كبير حبتين اخذه واخليه فتره وماشااااءالله يكبروا بسرعه وماتلحقي تلبسيه يكون صغر اذا نسيتيه خليه قدااااام عيونك افضل
وكل فتره وفتره اسوي شوبينق مافيه وقت معين احياااانا يومين ورا بعض او ثلاثه بس شرا لاطفاااالي
انا كل 3 شهور اتقضى لبناتي،،وكمان اشتري اكبر من عمرهم//يعني بنتي الصغيره مقاسها 9 شهور اشتري لها 12 شهر//
كذا اضمن اني البسها اكبر وقت ممكن//وبنتي الكبيره عمرها 3 سنوات اشتري لها مقاس اكبر وكمان على حسب جسم الطفل//
تروحين السوق وتاخذين له ملابس مكتوب عليها من الخلف من 6 لين 9 الملابس الي
تشترينها ييج كامل يغطي رجول الياهل يسمونه اوفر اول , بما أن اللبسه مكتوب عليها من 0
لين 3 , معناته كل 3 شهور تروحين السوق تاخذين حق البيبي , اوفر اول ويجيج 3 مع بعض
في منه في مذر كير , اخذي 6 قطع , يكفيه , يعني كل 3 شهور تاخذين له 6 فنايل ابو طقق
من الأسفل عشان البول الله يعزج ما يتسرب , و6 اوفر اول , وعندج بعد في منه في بيبي شب
بس ما يتم 3 شهور شهرين ويصغر , هذي ملابس البيت , بالنسبة لملابس الزيارات يعني
مكان جمعتكم يبي له تكشخينه , مثلا 3 عل الأقل كل 3 شهور , اذا غالي عندج خيارات بيبي
شب ارخص واهني تقدرين بدل ما تاخذين 3 تاخذين 4 لأن هالنوعية من الملابس غالية في
مذر كير , يعني يعتمد عل الميزانية وولدج يستاهل , وبالمره خذي له مع البدلات حذاء يناسب
اللبس , خذي الألوان تناسب كل الملابس الي خذتيها , مثال كحلي او بيج .