تخطى إلى المحتوى
الرئيسية » البنات المتزوجات والمخطوبات هيلب مي

البنات المتزوجات والمخطوبات هيلب مي

السلام عليكم ورحمة الله وبركاته

شحالكم ان شاءالله كلكم بخير

سالفه متوهقه فيها …

اذا حد تقدم لك وامه تبي تشوفك وش تلبسين ؟؟

احط مكياج . او اكون طبيعية ؟؟

او اطلع بكشتخي اليوميه …

+

تقدم لك واحد برا ديترك وين يكون العرس بقطر او برا ؟؟

يعطيكم الف عافيه ….

وعليكم السلام ورحمة الله وبركاته

هلا والله أختي ترانيم قطر

الله يوفقج إن شاء الله ويتمم كل شي على خير

شوفي بخصوص إللي تسوينه إذا جات أمه..

أكيد لازم تكشخين وتلبسين أحسن ما عندج، تحطين مكياج

بس حاولي ما يكون ثقيل، حطي مكياج حلو وناعم

يعني خليها تشوف كشختج وتشوف ذوقج من خلال لبسج ومكياجج

لأن أول إنطباع ياخذه الإنسان عن أي شخص يكون من أول لقاء..

أما بخصوص العرس وين يكون، أنا أفضل وأكيد الكل بأيدني

إنج تسوين العرس بديرتج صدقيني بيكون أفضل لج أنتي

ومن رايي ننقل موضوعج إلى ركن العروس لأنه المكان الأنسب عروس

والله يوفقج إن شاء الله

و السلام عليكم ورحمة الله وبركاته

تكشخين طبعا بس لاتبالغين يعني اذا شعرج طويل اتسشورينه وتفتحينه وتتمكيجين هادي وتتكحلين والدخون والعطر لاتنسينه واهم شي تكونين مبتسمه ومستحيه وبينيلها انج راعية واجب ترى الامهات يحبون هالسوالف …….. والبسي اكسسوارات خفيفه او ذهب

بالنسبه للسؤال الثاني اللي اعرفه ان العرس دايما يكون في بلد العروس طبعا ……………….ز

الله يوفقك قلبي

وييسر لك امرك دنيا واخرة ياااارب

شوفي قلبي

انا لما جوو اهله يشوفوني طلعت بكشختي للناس

يعني مك اب خفيف مو الوان صارخه

يعني كنت لابسه وردي

وحطيت شدوو وردي وروج وردي

ومسكرة وحكل وبسسسسس

وكنت لافه شعري

اما بالنسبه للزواج وين

يكون بديرتك احلىىىىىىىى

السلام عليكم ورحمة الله وبركاته
العرس أكيد ببلدك ولازم أكيد تكشخين بس مو كثير لاتفكر انك تصرفين فلوس كثير
هلا أختي

We will helP U

أضيف على كلام الصبايا ركزي على تصرفاتج كثر اهتمامج بطلتج جدام أمه ،،، يعني انفعالاتج (أي شعور أو تصرف يطلق عليه انفعال سواء بالسلب أو الإيجاب) ،،، لا تبالغين وايد لأن الأهالي ما يحبون البنت تتصبغ وايد على حد قولهم ،، والكل بهالشيء عارف

البسي اللي يظهر أنوثتج دون تعري ، يعني فستان أو بدلة تخفي وتظهر عروس وابرزي بثقة ولا تتوترين

دعواتي الصادقة لج بالسعادة

خالص تحياتي

:cool2:see my dear..

put somr make up that is very natural.. thae one that peaple cannot think that this is make up;)

about the weddig.. bel-2tefag!!

easier for u in ur country,, for him in his country!!
so be a good girl and do what ever but without being angry!!!

be very deplomatis

all the best enshalla

اطلعي لهم بكشختك اليوميه

بس لا تبالغين خليك نعومه

وانتبهي لتصرفاتك

وبالتوفيق

السلام عليكم

اول شي مبروك حبيبتي والله ييسر لك كل امور الزواج

عن المظهر انصحك تكوني كاشخة بس بحدود المعقول الحريم الكبار يحبوا الكشخة

لبسي شي رقيق وبناتي ومكياجك خليه ناعم وبناتي بالمرة وطبيعي

الحريم ما يحبوا المكياج الثقيل بتقول مو حلوة بس تارسة وجهها مكياج لووووووووووول حتى لو حلوة المكياج مسوي للكبار عقدة

وكوني مبتسمة وخجولة عشان ما تقول عينها قوية وطبيعية بالمرة

وعن العرس سويه ببلدك طبعا بيكون اكشخ لك انتي وحتى نفسيتك وقت العرس بتكون احلى بمكان انتي متعودة عليه

وانا من رائيي مثل كلام الاخوات

حلو المكياج الخفيف ولازم طبعا تكشخين وتكوني طبيعيه قد ماتقدري :shy:

لانه هذي اول مره يشوفوكي فيها واذا ما تكشختي بيقولو هذي من اولها ما تكشخ اجل كيف بتصير بعد الزواج :bigsmile:

اما مكان العرس هذا يعتمد على الاتفاق الي بينكم

والف الف الف مبروك مقدما :clap:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.