أنا جايه لكم بخبر وايد حلو
بالأخص للي ساكنين بسوريا وللي يسافرون سوريا وايد …..
أولا" أنا عروس جديده دعواتكم خواتي إن الله يبارك لي بعقدي ويتممه على خير وصلاح ..
ثاني شيء أنا دخت السبع دوخات وأنا أدور أغراض تبع العرس من وين أهزها
ماتم مكان ما رحت له بالبحرين
هذا الموضوع خاص للفتيات إلي بعافية شوي…
مثلي يعني
أنا رحت المحلات إلي في البحرين
سوتيان عدل حق الفستان ما لقيت
روبات نوم هم مالقيت
سوالف مني مناك مالقيت ما أدري ليش كله للضعاف أغراضهم .. وينسون إن فيه متان بيعرسون بعد …!!!
المهم
الله من علي ورحت زرت السيدة زينب "ع" حفيدةالرسول "ص"
ومنها رحت تسوقت لعرسي
راح أقول لكم شغلات تلاقونها بالمحلات الموجوده هناك
اولا" أنا رحت سوق السيدة زينب :- المحلات كلش عادية ما فيها شيء مميز غير صناعة الجواتي والشنط … بعد مب هاي كلاس
الجواتي بتلاقين هاي كلاس في الصالحية ….فيه عندهم محلات روعه هناك وآخر الموضوات والصرعات وجد عجبتني شغلاتهم
والمكياج :- أخذته من محلات في السيدة في شارع الحسنين او الحسين أفضل وأشرف محل شفته هناك الصراحة ومكياج ترى سوريا روعة وأنا خليت بنات من السعودية يجربونه أنا جربته بكذا عرس أحطه وطلع فعلا" روعه وما يطير .. وعلى ضمانتي
أنا رحت شريت آي شدو من محل ثاني بس كلش عادي لا وغشني بعد
أنصحكم تروحون لمحل "سامو جين " ولو قلتوا له أم علي دازتنا راح يسوي لكم سبيشل أوفر بعد لا وماركات يوازيها لكم ويعطيكم حتى أفضل من ماكس فكتر .. أنا أثق فيه الصراحة وما نددمت من إلي شريته
خالاتي كلهم شروا من هناك وجيرانا عملاء عندهم بعد
بس جد بدون مجاملة إنسان عنده ضمير .. ألبقية حرامية
رحت باب توما أتسوق بس أخت لأختي الصغيره ملابسهم مالت الأطفال روعه هناك …. ومحلات الميك آب شحيحه نوعا" ما.. وعادية مافيها تنوع بس ذاك المحل بالسيده متنوع فعلا" وبضاعته ما تم لأكثر من 4 أيام..
الملابس الداخلية:- أفضل ماركة أسيل … بس فيها مشكله إلي تلبس بالإنجليزي 42سي لازم تاخذ أكبر برقم … لأن قياسات أسيل صغيره شوي عن المقاس الحقيقي …
راعية المحل نصحتنا بماركة ثانية بس الصراحة أحسها مب أوكي وايد قد أسيل … فأفضل ما أذكرها … متوفره أسيل بكل المحلات تبع الملابس الداخلية وأخذت بعد ضاغط فضيع معاهم وقوي
وتبع النوم بعدي ما أخذتهم لأن ما عرست ليمن الحين .. بشهر 7 أو 8 بروح أشتري الباقي
في الحمراء فيه محل تبع تفصيل جلابيات خالتي راحت له فصل ليها شغلات مرتبة …
وهم تبع شراشف بعد إنسان عنده ضمير بس للأسف ما أعرف في وين بالضبط بتأكد ليكم يا عرايس وبجيب ليكم الخبر الأكيد..
لحد هني أخليكم ولنا عوده
