تخطى إلى المحتوى
الرئيسية » الشعر اللي بالوجه

الشعر اللي بالوجه

  • بواسطة
السلام عليكم ورحمة الله وبركاته

بنات ابي نصيحه قبل العرس اشيل شعر وجهي بالخيط ولا اشقره لاني ولا مره طلعت شعر وجهي ولا شقرته واخافه لما اشقره يزيد ولما اطلعه بالخيط بعد ويمكن يطلع لي حبوب لانها اول مره لي وراح تتحسس بشرتي بعد الخيط واتوهج:cry: ليله العرس شو اسوي كل وحده تقول لي تجربتها

(f)

شكثر باقي على عرسج؟ وايد في شعر بالوجه؟
المفروض عرسي يكون بنهايه الشهر بس الحمد لله تأجل لنهايه شهر سته والشعر اللي بوجهي مو كثير يعني على الخفيف بس انا ابي اعرف مثلا لو شلته بالخيط شو الطريقه اللي تخلي نموه بطي؟؟
الحمدلله مافي شعر وايد سوي مثلي
شهر اشيله خيط و الشهر اللي بعده اشقره
لأنه يكون بطيء في النمو و مو كل مرة تقدرين تشيلينه بالخيط فالتشقير يكون احسن و اذا شلتيه بالخيط في خلطات طبيعية وكريمات وايد تأخر نموه
بدور لج الروابط
بس انا سامعة عن كريم من ماركة MATIS فرنسية يقولون وايد يتأخر نمو الشعر بس ماجربته
تسلمين اختي والله يخليكي ويحفظك اشكرك دوووووووم على مساعدتك لي راح اسوي اللي قلتي عليه مره اشيله ومره اشقره اوكي اختي

ارق التحيات مني لك(f)(f)(f)

ترى أنا نفس الشي بشرتي حساااااااااااااااسة
وكنت أشقر فقط..
بس مليت لأنه كان لسه يبان.. فآخر شي قلت حأشيله خلاص..
ورحت الصالون وشالته لي بالشمع وكانت شاااااااااااطرة من جد..
وبعدها رحت للصيدلية وأخذت كريم ضد البكتيريا عشان ما يحبب وجهي.. واللي شالت لي حطت لي زيت جونسون للأطفال على وجهي وقالت لي لا تغسلي وجهك بالصابون لين بكرة.. قلت لها أوكي..
المهم الحمدلله ما طلعت لي حبوووووووووب وتغير شكلي 180 درجة بعد ما شلت..! عروس
وخلاص حأصير أشيله دايما كذا إن شاء الله..
والحين رجع طلع بس ترى خفيييف مو مثل أول الحمدلله..
واستخدموا يا بنات كريم جونسون لتقليل الشعر صديقتي تمدحه والله.. بس أنا للحين ما استخدمته بس بستخدمه بإذن الله..

بااااااي عروس

سوي جلسة ليزر علشان ياخر طلعو الشعر

وتقدرين تشيلين بالشمع والافضل الاصلي اللي عند السوريات والمغربيات

لانه بعض الصالونات شمعهم مغشوش ويطلع حبوب

السلام عليكم ورحمة الله وبركاته

هلا اختى

اختى شوفى الرابط ده بفيدك كتير ان شاء الله

والف مبروووك مقدماا وربى يكملك ويتمملك على خيررر يارب

الرابــــــطـ

حبـــيبـــــــــه ,,,

اذا شعرك خفيف لاتشيلي بالليزر مايسوى صراحة وقولي الحمدلله
واانا مع الاخوات اللي قالو استخدمي الشمع بس روحي عند وحده مجربه في ديرتك انا جربت الشمع والخيط والليزر

الخيط حبوب ويطلع بسرعه وساعات يسوي جروح على الوجه ماتشوفينها الا بعد ماتنظفين وجهك

الشمع مريح ولا يعور مثل الخيط ويبطي نمو الشعر وغير كذا ينظف لك البشره لانه بيشيل الخلايا الميته على السطح مثل مفعول الحلاوه على الجسم بس بعدها خطي عليه زبادي اذا كان وجهك متهيج واحمر يهدي ويبرد عليك واشتري كريم من الصيدليه اسمه فيسودين مرهم صغير مررره راائع ادهني فيه وجهك بعد ماتغسلين الزبادي واجلسي اطول وقت ممكن فيه يعني حطيه مسيان ونامي فيه واذا قمتي بكره برضه اغسلي وجهك وحطي عليه بعد يومين او ثلاثه بالكثير بتلاقين وجهك صافي ان شالله
وعلى فكره هالكريم ممكن تستخدميه على البثور او الجروح عشان مايطلع ندبات او اثر لها

الليزر مريح بس انسدحي على السرير وثلث ساعه ووجهك يلمع بس اااخ من الالم وهو يضرب على وجهك والخوف اللي يصير تخافين يحترق ولازم تقعدين اكثر من 3 ايام بعيده تماما عن الشمس وتحطين واقي وكريم وبهذله
بس حلاته انه يطول تقعدين شهر وزياده وماطلع

فكري زين واستخيري والله يوفقك ان شالله

تحياتي ولاتنسيني من دعائك

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.