تخطى إلى المحتوى
الرئيسية » اللي لازم تسوينه قبل عرسج بيومين

اللي لازم تسوينه قبل عرسج بيومين

السلام عليكم ورحمة الله وبركاته
اي طبعا في اشياء لازم تسوينها قبل عرسج بيومين يعني قبل الحنه(هذا اذا زوجج يحب الحنه وماتلوع جبده منها)
شوفي الحجوز يعني حجز الشعر والميك اب هذا اهم شي لازم تأكدينه وتأكدينه 3 مرات بعد تقولين للي تمكيجج اكييييييييييييييد؟بأي ساعه وحتى السعر تتفاهمين عليه موتسوين مثل بعض الناس اللي اعرفها ومشتركه بالمنتدى ودت معاها مبلغ واطلبت مبلغ توهقت بالفندق
وثاني شي طبعا ثيابج قبل يومين تبرزينها تفكرين من راسج لين ساسج شتحطين بشنطتج
مثل نبدي حق العرس يعني حفلة العرس
اكسسوار شعرج وطبعا اول ماتفكرين تحطينه موتقولين بتذكر لا اكتبيهم هالاشياء
الملابس الداخليه لتحت فستان عرسج
فستانج ولازم تحطين في بالج انه مكوي ومحطوط بالبلاستيك
جوتيج (حذائج)
الالماس او الاكسسوار كامل او شبكتج على حسب اللي تبين تلبسينه
دبلتج طبعا ولاتنسين تشيكين على طرحتج موجوده او لا مرات ينسون المصصمين يحطونها
وشنطة الممكان اللي تتمكيجين فيه وتلبسين طبعا غير الغرفه اللي بتكونين فيها مع زوجج
ف لازم تكونين حاطه اغراضج بالسويت او غرفتج وحاطه
قميص نوم الدخله معطر ومدخن اللي تبين
ثياب الصابحيه مكويه بالكبت
عطوراتج وعبايتج مالة اليوم الثاني
وبدله للطلعه يعني العصر او المسا تبين تطلعين او تزوين هله وهلج او للضروره
واذا بتباتين يوم ثاني لازم تحطين عالاقل 3 قمصان نوم
ولاتنسين الملابس الداخليه مهمه وتحملي تسوين نفس ما النسوان مال اول يسوون يحطون دهن العود بالملابس الداخليه على بالهم زين ترا اول يومين مهمين وخطرين تحملي وخاصه اذا صار شي بين الزوجين يصير التهاب من العطور تجنبي الروايح القويه والنفاثه للمنطقه الحساسه
ولاتنسين انج عروس اول يوم مع زوجج ف لاتنسين تودين كلللللللللللللللللللللل شي تبينه
واهم شي منظفات البشره ترا في بنات يضحكوني يتمون بالمكياج لاتقولين زوجي ماشافني بدون مكياج او ان المكياج دفعتي عليه وايد ف خليه ليله كامله لا عوديه انج تشيلينه صدقيني لو انج ابشع وحده والمكياج يحليج من وجهة نظرج ووجهة نظر الناس الرجال مايحب المكياج وخاصه وانه اول يوم محروم ف يبي شي طبيعي مش صناعي اول شي تسوينه اغسلي ويهج وصير نظيفه ياحلات العروس بقميص النوم الابيض ووجهها نظيف يلق اوكي تبين مكياج حطي شي خفيف بعد ماتشيلين مكياج العرس الطبقات اللي حق تصوير وناس يشوفونه وحطي في بالج الصلاه بتصلينها اول يوم فلازم تشيلينه عاجلا ام اجلا حطي بعد ماتصلين ماسكارا وروج خفيف تصيرين قمر ترا مكياج العرس بيكون مجرثم خاصه والناس يحببون فيج طول العرس ماتعرفين شفيهم مافيهم كل من هب ودب باسج!!!!@@

ادري شي صعب بس تأكدي ان ليلة عرسج مهمه ف لازم تحطين جدول لج وتتذكرين كل شي حتى مسكتج تذكريها ووكلي ناس يجيبونها لج خاصه وان المحلات مرات يتأخرون واخرتها مب حلوه راكضي ورا اشياء عرسج ترا محد بيركض ورا شغلج لازم تخلصينه بيدج
واسفه عالاطاله

مشكوره على النصيحه

الله يوفقك

الله يعطيك العافية
ومشكورة ياعمري على النصايح
الله يوفقك
مشكورة عالنصيحةةة ..
مشكوره وماقصرتي
مشكوورة على هالنصايح الذهب

والله واانا اقرا اتوترت اعصابي لوووووووووووووول

المشكلة لبس ثاني يوم محتارة شو البس لانه بنكون بروحنا مادري جلابية فخمة ولا شو !؟!؟!؟!

ألف شكر وماعليج قصور
تسلمين الغاليه الله يعين العرايس وادعولي الله ييسر اموري في الزواج
الله يوفقج يارب يادلوعة دبي يارب ويسخر لج ريلج ويرزقج بالذرية الصالحة
ماشاء الله عليج بصراحة ما قصرتي

اللي اعرفه ان الوحدة تكون مرتبكة فاول يومين بعد العرس وما تعرف شوتسوي ويمكن تنسى اشيا كثيرة من اغراضها

وانتي اتحفتينا بالنصايح القيمة اللي لازم العروس تتبعها………………مشكووووووورة

الله يرزقنا بالزوج الصالح والذرية الصالحة………..امين

يحفظج المولى

الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.