اولادي يمرضون كثير ، هل أنا السبب ؟ ؟ 2024.

انا حاسة روحي عايشة في دوامة من بدا الشتا يدخل للحين :confused: اولادي هذي المرة الثانية اللي يمرضون فيها :sick: هم الثلاثة ، مع اني نادرا جدا اذا طلعت وياهم من البيت ، ما أطلع غير مرتين في الاسبوع والوقت ما يكون في الليل ، قبل كنت أخاف كثير وابالغ من ناحية الملابس في حمايتهم من البرد بس عرفت اني غلطانة وقمت ألبسهم باعتدال يعني الحين البسهم فانيلات بكم طويل وفانيلتين ( اقصد الملابس الداخلية 2 فوق بعض ) او فانيلة بأكمام طويلة مع فانيلة داخلية واحدة وجاكيت خفيف :!!: ودائما افتح قليل من النوافذ قبل الخروج ب5 داقائق عشان ما يصير في تغير مفاجيء من مكان محكم الاغلاق الى مكان مفتوح أكثر برودة ، ياترى هل اللي قاعدة اسويه :thumbs_up: ولا غلط وهل تشوفون اني مبالغة في ناحية الملابس على فكرة انا من فترة بسيطة جدا يمكن اربعة ايام قمت البسهم داخليتين حتى داخل البيت لأن شقتي باردة جدا بس في وقت النوم يكونون لابسين داخلية وحدة وبيجامة بأكمام طويلة على اساس انهم بيكونون متغطين بلحاف سميك شوي :confused::| بس احتررررررت في البداية اصيبت بنتي بكحة خفيفة بس لما شفتها استمرت وياها شوي قمت امسح رجلها بفكس وصارت أحسن شوي مالحقت يومين ولقيت اخوها تابعنها بس هو كان مرضه اشد بدون مقدمات كحة قوية جدا مع زكام شديد :badly: وولدي هذا هو الطامة الكبيرة بالنسبة لي وقت مرضه، اعاني وياه معاااااناة شديدة طبعا بالكلام والهدوء ما يستجيب ابدا لأن أحب هواية على قلبه العناد ، اتركه هو بنفسه يمسك جرعة الدواء ويشربها يرفض احاول اعطيها ما يفتح فمه ابدا واضطر اني امسك ايدينه وابوه يعطيه الدواء ومافي فايدة بكاء وترفس ومقاومة بالأيدي والأرجل والنتيجة كلشي يشرب الا فمه :badly:حووووسة تصير من غير فايدة فما قمت اتعامل وياه غير عن طريق العيادة ياخذ ابرة مضاد او التحاميل وبعد معاناااااة من قلب بس الحمد لله باقي يومين واخلص من التحاميل والله يعطيني عليه الصبر .

:badly::badly::badly: مالحقت أقول ياكريم الا امس ولدي الكبير مرض بشدة اعياء واضح ، طول الوقت متغطي ونايم او يصحى نص ساعة ساعة بالكثير ويرجع ينام ورافض الأكل تماما وكحة شديييييدة ، مالحقت قريب أذان المغرب الا بنتي الصغيرة مشتدة عليها الكحة وزايد عليها الزكام ( سيلان انف مستمر ) وهي من اربعة ايام رافضة الأكل ، تاكل شي خفيف كلش أو ما تاكل وامس ما أكلت شي بالمرة وديتهم البارحة المستشفى ورجعة بكومة ادوية 8o| كأني بفتح صيدلية ( يعني مضاد ودوا واحد مضاد للهستامين ما يؤدون الغرض ؟ ؟ بالنسبة للكحة والزكام ! ! الطفل وقت المرض يرفض الأكل تماما أعبي معدته بثلاثة او اربعة ادوية ؟ ؟ يدور راسي وانا انسق بين توقيتهم بس مراعاة الى سالفة الاستفراغ عشان يفصل بين الدوا والثاني وقت مناسب .

طولت عليكم كثييييير مامات بس تعبببببببببت :badly: . وعندي سؤالين أخيرين وين تحفظون المضاد ( أو المعلق البودرة بعد اضافة الماء ؟ ؟ ) هو مكتوب عليه يحفظ بعد تحضيره في الثلاجة بس الجو الحين بارد وانا اساسا معودتنهم من وهم صغار ما يتناولون اي سوائل من الثلاجة عصيراتهم والماي كله اعطيهم اياه بدرجة حرارة الغرفة او اني اطلعهم برى قبل ما ياخذونهم بفترة مناسبة والايسكريم ممنووووع شنو السبب في اصابتهم في التهاب الحلق ما أدري .
المهم هل لو تركت المضاد الحين في هذا الجو برى الثلاجة يخرب ؟ ؟

ولدي الكبير الدكتور عاطنه جرعة دواء الكحة 7 ونص مل :!!: اول مرة تصادفني بالنسبة لأدوية الكحة عادة 2 ونص او 5 مل بالكثير ، تأكدت من موظفة الصيدلية قالت ان الدكتور فعلا كاتب 7 ونص مل ؟ ؟ مر عليكم جدي ؟ ؟ متخوفة اعطيه هالجرعة احسها كبيرة والبارحة اساسا عطيتها اياه واستفرغ مباشرة .

عبرووووووووني وادعوا لأولادي بالشفاء العاجل واعذرووووووووني على الاطالة .

ما يشوووفوون شر الكتاكيت
حاسه لش من قلللب

الله يساعد قلبش

بناتي مرضو هالاسبوع وتوني اليوم مخلصه وياهم المضاد

خذيت لهم مضاد مره وحده في اليوم لان تلوع جبدهم من الادويه

وبالنسبه حق الكحه م اتخف بسرررعه يبه ليها طولة بال بس حاولي تمسحينهم بزيت زيتون ساخن وفكس وتدفينهم واذا عندج جهاز البخار واااااجد يفيد..

أحس لبسهم مو مبالغ فيه لان الجو باااارد

والمرض من تقلبات الجو

أني أكره الشتاء والسبب مرض الجهال

وبالنسبه حق المضاد عاااادي اني اخليه بره في هالجو ما يحتاج ثلاجه

وممكن تكتبين اسم دواء الكحه؟؟لان غريبه 7 مل وكم عمرج ولدش؟؟

اقتباس

المشاركة الأساسية كتبها C̸h̸o̸c̸o̸ l̸♥v̸e̸

	هلا هلا أختي بوح ما يشوووفوون شر الكتاكيت حاسه لش من قلللب الله يساعد قلبش بناتي مرضو هالاسبوع وتوني اليوم مخلصه وياهم المضاد خذيت لهم مضاد مره وحده في اليوم لان تلوع جبدهم من الادويه وبالنسبه حق الكحه م اتخف بسرررعه يبه ليها طولة بال بس حاولي تمسحينهم بزيت زيتون ساخن وفكس وتدفينهم واذا عندج جهاز البخار واااااجد يفيد.. أحس لبسهم مو مبالغ فيه لان الجو باااارد والمرض من تقلبات الجو أني أكره الشتاء والسبب مرض الجهال وبالنسبه حق المضاد عاااادي اني اخليه بره في هالجو ما يحتاج ثلاجه وممكن تكتبين اسم دواء الكحه؟؟لان غريبه 7 مل وكم عمرج ولدش؟؟

اجر وعافية للحلوات انشالله ، بالنسبة للمضاد انا ودي آخذ مضاد ابو مرة وحدة بس كذامرة آخذ وما يتقبلونه ثلاثتهم ، جربت انواع ما شاء الله ما يرتاحون غير على مضاد المركز ( ريموكس ) احس طعمهه جدا مقبول وحتى ريحته ، أغلب أدوية المضاد ريحتها تقلب الجبد قبل لا الواحد ياخذها :worn_out: وبالنسبة للفكس دائما ابدأ فيه وعقب اجرب العلاجات الثانية وللأسف زيت الزيتون مخلص من عندي باخذ لي وباشوف اما عن جهاز البخار موجود عندي في البيت وغفراني قالي الدكتورة محتاجة حق بخار يقطع ابليسه هالدكتور خلاني أضحك واني ماليي خلق يقول ( هي مال سدرها معفن كدة ليه ) معفن عااااد !! قال لينا لاتعطرون او تبخرون البيت لأن يأثر عليها وانشالله باسوي ليها بخار .

اسم دواء الكحة : ايزيبكت ezipect مذيب للبلغم . وعمر ولدي ست سنوات

مشكووورة على تفاعلش السريع مع الموضوع وعجبتني الرسمة اللي في توقيعش واجد ، لهدرجة مو حابة النك نيم يلا الأيام بتركض سريع وخلاص عرفناش برعد الورود .

يمكن لانهم مو متعودين على الطلعات والجو البارد يمرضون
وممكن لان جسمهم تعود على المضاد فمايطيبون الا به

نصيحة قد ماتقدري ابتعدي عن المضادات بتشوفي مناعتهم اقوى
نصيحة سمعتها من الوالدة واستخدمتها لاولادي
واحس مرتاحة يمرضوا زكام سخونة اخفف حرارتهم بخافض حرارة واعمل جهدي اني ماعطيهم المضاد ولو كتبه الدكتور ولو اشتراه ابوهم ولو عارضني واختلفنا بسبب هالموضوع بس لو حسيت الحرارة ماتنزل ابداً بخافض الحرارة وبالكمادات معناها التهاب ولازم المضاد !!

عموماً قوي مناعتهم بشياء طبيعية عسل على الريق تمر
ضيفي الليمون والبرتقال بصورة اكبر في فصل الشتاء لاكلهم
ومايشوفوا شر

انا براي قوي مناعتهم مثل ماقالت نور بالعسل عند الصبح وكثري من فيتامين سي لهم يقوي مناعتهم ويحميهم ان شالله
والسوائل السخنة تريحهم
وبخصوص الكحة اعطيهم ملعقة طحينة صبح ومسا قبل النوم والله تريح الصدر وتهديه
والف لا باس عليهم

اه بوح دقيتي على الجرح
اسبوع وترك يمرضون
البارحة طول الليل وولدي يسعل ما قعدت الصبح الا انتقلت العدوى اليي لانه حضرته منيمنه البابا في وسط السرير عشان يدفى لان سريره براده واجد عليه
الله يعدي هاليومين على خير

وبس
سلامتهم

الله يعينج يا بوح بالنسبة للملابس حق الطلعة أحس عادي بس حق النوم ما أدري يعتمد على حرارة شقتكم يعني بالنسبة لحرارة غرفتنا أحس بس بيجامة بدون داخلية يكفي لأن غرفتنا حارة أو بالنسبة للمرض بنتي الله يحفظها على طول بلاعيمها تتأثر وإذا كتب لها الدكتور أدوية حق جهاز البخار أحزب ما تبيه اضطر أنطرها لحد ما تنام استخدمه لها أو طبعا هي ما عندها شي اسمه قيلولة في النهار فالدواء المفروض تاخذه ثلاث مرات في اليوم استخدمه لها بس مرة وحدة