تخطى إلى المحتوى
الرئيسية » بحرينيات اللي راحت قاعة فندق اليت تدخل بليز

بحرينيات اللي راحت قاعة فندق اليت تدخل بليز

السلام عليكم ورحمة الله وبركاته

الموضوع مبين من العنوان انا حابه استفسر عن قاعه فندق اليت من كل النواحي الحجم و الشكل و الخدمات و سعرها .

اللي يعرف اي شي عن هالقاعه بلييز يساعدني

وينكم يابنات

شكله اجازة العيد وايد أثر عليكم

و لا محد يعرف هالقاعه ؟

هلا أختي الغالية

و الله بصراحة ما عندي فكرة عن الصالة ،، لأني منزمان برة البحرين

بس سمعت انها صغيرة ،، يعني تكفي 150 – 200 شخص ،، و خدمات فندق اليت ممتازة

بس انشالله البنات يفيدونج أكثر مني

تحياتي

وعليكم السلام ورحمة الله وبركاته

هلا والله أم أسووله

الصراحة عن الخدمات يقولون تمام والسعر هم زين بس مو متذكرة جم

بس حسب القائمة إللي تختارينها.. لكن القاعة ما عجبتني وما أحسها تنفع حق عرس

احسها زينة حق عيد ميلاد لليهال عروس

وايد ظلمة المكان وحضرت عرس بهالقاعة الصراحة وايد وايد كان ضيق :down:

ويمكن باقي البنات لهم راي ثاني

هلا حبيبتي,,

توني من كم يوم رايحة مع خطيبي نشوفها وما عجبتني كلش,,صغيرة وخنقة واضاءتها مو لهناك ,,حتى الديزاين مو حلوو وايد,,وحجمها يكفي لمعازيم عددهم قليل,,بس اعتقد ان سعرها زين,,

هذا اللي اعرفه عنها وان شاء الله باقي البنات يفيدونج..

تحياتي..

والله حضرت فيها عرسين هي تصلح حق زواج عايلي ضيجة شوي والتهوية وايد حارة سعرها تقريبا غالية بنسبة لحجمها 1000 دينار وحتى مكان الرقص وايد صغير حق خطوبة او حنة بس اوكي ومن ناحية الديكور على مستوى حتى حماماتها كشخة والاكل عادي
صح مثل ما قالوا البنات القاعة وايد صغيرة انا حضرت فيها مؤتمر صحفي وما كانت تكفي وايد ناس فما بالج بعرس

اما عن الاسعار ما اعرف والله

بس ليش ما تختارين قاعة فندق السفير كبيرة وحلوة وبرة الفندق .. وبعد ما اعرف الاسعار

اللي اذطره اني مرة رحت وما عجبتني لنه ضغنونه وما تشيل ناس وايد ومكانها غريب ويوم نروح ضيعنه
هههههههههههههههه

ومسامحه ما اعرف السعر

تسلمون بنات ديرتي على المشاركه في الموضوع و التفاعل

انا بس حبيت اعرف هالمكان من باب الفضول لان سمعت جم وحده يمدحون هالمكان بس و لا وحده منكم مدحت هالمكان و انا الصراحه كلش مافكر اسوي في هالمكان .

الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.