تخطى إلى المحتوى
الرئيسية » بعد الزواج شنو مصير غرفتج؟

بعد الزواج شنو مصير غرفتج؟

  • بواسطة
سلام احلى عرايس..

سؤالي مبين.. بعد زواجج شنو سووا اهلج في غرفتج؟ اخذها احد من اخوانج او خواتج؟ خليتيها مخزن لج ولأغراضج؟ او شنو سووا غير؟؟ عروس2

بالنسبة لي تميت 6 شهور وانا مخلية ثياب العزوبية واغراضي هناك مالي بارض اشوف اللي ابيه واللي ما ابيه. بعدين امي هددتني اما تشيلينهم خلال يومين او بينرمون كلهم اللي تبيه او ما تبينه..

عروس2
<<<< طبعاً الاخت ما تمشي الا بالتهديد .. شفت اللي ابيه واللي ما ابيه .. وبعد ما خلصت امي طلبت من ابوي يعدل فيها ويفتح لها باب خارجي وصبغوها وعدلوها ويابوا فرش جديد .. وحولتها امي مجلس حريم له بابه المنفصل عن البيت…

عني انا اختي كانت تتغشمر معاي و تقول لي باخذ غرفتك وبفتحها على غرفتي ويصير عندي بيت منفصل هههههههه

بس الحمدلله تقريباً مرت سنتين و غرفتي على حالها ،، بالعكس الا الوالده فديتها عدلتها لي و غيرت اثاثها و حطت لي غرفة نوم جديده

لأن اذا زوجي يسافر اروح بيت امي

والحين بعد ناوية تغير لي غرفة النوم ،، على قولتها عشان الولاده

و حتى مع اختي ناويه تسوي نفس الشي ،، تقول غرفكم تبقى لكم محد يتدخل فيها

انا غرفتي نفس ماهي محد احتلها لاني كل مده اجي انام فيها

<—- تغير جو يعني لوووول

و كل شي موجود على حطته من ملابس واغراض خاصه

بس شوي عدلت باماكن الاثاث … (:

انا لسا ماتزوجت 😥

لكن اكيد حتبقى ليه ….

{…همسه

من وثق بالله أغناه,, ومن توكل عليه كفاه,,
ومن خافه قلت مخافته,, ومن عرفه تمت معرفته }….

شكراً خواتي الغاليات على الردود فرحتوني والله..

الله يهنيكم بغرفكم .. تستعيدون فيها ذكريات العزوبية هههههههههههه

أختي راح تاخذ غرفتي
اشوف اختي غرفتها على حالها ماحد لمسها لانها اذا جت تسكن فيها عروس
مشكوره وايـــــد حبيبتي جمــــانه على الموضوع الحلو

انا اختــــي دايماً تقولي بتفتحها على غرفتهـــا وتسويها مثـــــل شقه
بس طبعــــاً ما راح احد يلمسها بخليها لي ولزوجي نستخدمها اذا يينا بيت اهلي
ناويه حتى الحين اغيـــــر الاثاث واحط سرير كبير علشان يكفي هههههه
ونعيــــد ذكريات الخطوبه الحلوه ونغيــــر جو فيها عروس

شكراً على الردود العسل مثلكم..
وبانتظار الباقيات..!
.

والله انا بحس ان غرفتى دى مليئة بكل ذكرياتى الحلوة والصعبة واحب انى اخليها زى ما هى ما اغير فيها حاجة عشان تذكرنى دايما بذكرياتى ان شاء الله

.

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.