سامحوني باخذ من وقتكم شوي بس انتن قدها وقدوووود
عندي استفسارات رجاءً تردوون على لأن زوجي مسافر من شهر وبيرجع خلال اسبوع وتعرفون الوحده منا تخلي نفسها لووووعه إلين يرجع الزوووج و يلاقيها قمر
ابغي استفسر .. انا حامل فالشهر الثاني ….
1/ أقدر اصبغ شعري و اميشه وإلا الصبغه مضره بالجنين ؟؟؟
2/ ابغي اشقر جسمي … عادي و إلا لا ؟؟؟
3/ يقولون الحمام المغربي مب زين حق الحامل في شهورها الثلاث الاولى … صدق وإلا اشاعه ؟؟؟
4/ عندكن شي يقضي على الحبوب والبقع فالوجه ويكون سريع وسهل تراني احس بلوعه ومعدتي تجلب من اي ريحه ؟؟؟
ارجوكم فيدوني يالعرايس قبل لايرجع ويلقاني لوووووعه:cry: بدل الرووعه:sad:
و مشكوراااااات مقدمـــــــًا
اختكم …..
ام سلوووم79
لاني بس اعرف جواب اول سؤال
1/ طبعا ماتقدرين
بس لو تبين تغيير في شكلج ,,, قصة الشعر وايد تغير الشكل
اذا طويل وماتبين تقصيرنه وايد ,, بس درجييه من جدام ,, خلي طوله وشكله ورا ,,,
اتمنى البنات يفيدونج اكثر وان شالله لين اخر الاسبوع تصيرين قمر 
4/
مدامج حامل ,, جربي ماسك طبيعي
مثل :
زبادي + عسل
زبادي+خيار
زبادي+شوفان+نشا
اختاري واحد منهم بشكل يومي ,, لمدة نصف ساعه
لمدة اسبوع وشوفي النتيجه كيف حلوه باذن الله
اختج ام سلوووم79
الله يسامحكم ياللي دخلتو وقريتو وما رديتو
🙁 🙁 🙁 🙁 🙁 🙁 🙁
ღالســــــــــــــــلام عليــــــكم ورحمــــــــــــة الله وبركــــــــــــــــــاتهღ
عزيزتي لا للصبغ والتمليس والاكسجين والمواد الكيماويه الاخرى.. لانه تشوه الجنين وخاصه في الاشهر الاولى.. فيفضل انج تتجنبينه..
اذا بغيتي قصي اسهل شي او حنيه بيكون افضل وايد..
وعن الماسكات تقدرين تستخدمين ماسكات طبيعيه من الثلاجه لعلاج الحبوب مثلا قناع الروب+ الليمون+ الخميره ممتاز كل 3 ايام مره.. وعندج صابونات طبيه من ماركة سيباميد من الصيدليه..
وعن الحمام المغربي ابتعدي عنه لانه في فرك وبخار بيخنقج.. فاستخدمي صابونه مغربيه اسمها طاوووووووووووس ممتاز استخدميه يوميا يوم تستحمين..
وربي يرزقج بالذريه الصالحه آمين..
اعذروني ان قلت مشاركاتي وردودي في المنتدى..
باذن الله سوف ارجعلكم كم كنت سابقا..
ادعولي بان ربي يسهلها علي وارزق بالذريه الصالحه..
§*)§®¤*~ˆ°مواضيع اهديها لكم قبل ذهابي هديه من قلبي لكم جميعكم§*)§®¤*~ˆ°
ركن العناية بالبشره والجسم
قناع ممتاز لكل أنواع البشره وخاصه قبل المكياج مع الصور
خلطه حلوه وسهله لتغذية البشره+ تنقيتها+ تنظيفها تحت حرارة هذا الصيف رووووووووعه
طريقه سهله تخلي الوجه منور ومورد ومشدود والشفايف مورده ومشدوده (مجرب)
ركن الماكياج والعطــــور
BoOoOom خطوه خطوه لتوزيع مكياج العيون سموكي+أبيض مع الصوره (حصريا في عروس)
صور ماكياج (طاووووسي) للمناسبات اعمليها بنفسك+ خطوات+ اسماء الكولكشن
1_ في الواقع ليست هناك في الوقت الحالي أبحاث معتمدة وموثوقة تؤكد سلامة صبغات الشعر أو المواد الكيميائية في فترة الحمل بالنسبة للجنين, ولذا ينبغي الاحتياط في ذلك بتجنب استخدامها نهائيا أثناء فترة الحمل.
2_ الحمام المغربي يضر الحامل لأنها تضطر للجلوس لفترة طويلة في البخار بالتالي يعيق وصول الاكسجين الى الجنين اذن عليك تأجيل كل شئ لما بعد الولادة حرصاً عليك وعلى جنينك
3 _ اما بخصوص البقع والحبوب ..
قومي بخلط ملعقة عسل + ملعقة هيل مطحون + عصير نصف ليمونة + بياض بيضة
وادهني وجهك كل يوم ساعة واحدة على الاقل لمدة شهر
4_ او قومي بخلط ملعقة سدر مطحون مع ملعقتين من الزبادي (الروب )
وادهني وجهك كل يوم لمدة ساعة
وان شاء الله تلاحظين الفرق بس شرط الاستمرارية على الخلطة
ربي يسعدكم ولايفرقكم ويعطيكم الذرية الصالحة و تكونون مع بعض بالدنيا والاخرة
تقبلي شكري وتقديري
ام عدول
مشكوره على المرور
تحياتي القلبيه
مشكوره وماقصرتي وعسى ربي يسهلها عليج ويرزقج الذريه الصالحه وتفرحين بالمولود بصحته وخلقة ربه الكامله
مع ارق التحيات
ام سلووووم
