ابا استفسر عن احلى مكيب ف الامارات ويقدرون اييون لين راس الخيمه
وانا ماحب الميكب اللي يكون وايد ثجيل يعني اباه يكون حلو وومرتب
لان عرسي شهر 10 ومب عارفه اسوي ميكب عند منو ربيعتي دلتني على صالون تفانين بس لما شفت صور العرس الميكيب عيبني وحلو بس كان سو متش يعني اوفر وايد ثجيل
اتمنى انكم ادلوني على اسم ماكيرات اوك وبنفس الوقت تسريحاتهم اوك واذا في صور لميكابهم اتمنى تدرجوها
اتريا ردكم
انا بعد من راس الخيمة وعرسي شهر 11
حجزت عند ندى اللي كانت اتمكيج في مورا..لبنانية ومكياجها ناعم ويمدحونها البنات
واتيي لي راس الخيمة
اذا تبين رقمها خبريني
حتى هيفا صفر مكياجها روعه واللي اتسوي التسريحات عندها اروع وكذلك هند الاميري مكياجها وتسريحاتها روعه ،،،
اذا تبون ارقامهن انا موجووده،،وثاانكس
صح يوم الخميس عندنا عرس واللي بتمكيج العروووس شمس من بوظبي بشووف مكياجها وبخبركم
بباي
^^ ومشكورين ويزاكم الله الخير يارب
والحب لك اتريا رايج بمكياج شمس
انا اختي معرسه 8-8 -2008
وحاجزة عنده شو تخبلو عليها والله من حلات المكياج
صح كان وايد بس الالوان الي داخله في المكياج روعه وبعدين انتي قوليلها انج تبين خفيف
والتسريحه بعد شي خيال يعني شي في قمه الروعه والله
انتي تقدرين تقوليلها شو تبين وهي تسويلج
سوي بروفه مكياج ب 300 درهم بس
لكن اذا عيبج شغلها تاخذهن من السعر الكامل
والله يوفقج الغلا
انا شفت البلاشر وايد قوي ورسمة العيون يعني انا عيوني كبار فاذا رسمت لي عيوني وايد بتكبرها اكثر ؟؟؟
انا وايد متردده مب عارفه احجز عند منو واللي سمعته ان معظم الماكيرات مايضبطون رسمة العين الكبيره يكبروها اكثر ><
 |
اقتباس |  |
 |
المشاركة الأساسية كتبها الشحيهــ  |
 |
 |
| شمعة البحر فديتج اول شي مبروك وبغيت اعرف اسعار مورا اذا بتيي راس الخيمه للعروس ولخواتها وهل تييب معاها وحده للشعر ولا لازم احجز وحد للشعر؟؟ | ||
 |
 |
ندى اللي اتكلم عنها مب في صالون مورا الحينه…هي كانت في صالون مورا وظهرت عنهم الحينه تشتغل روحها.. واتيي راس الخيمة
وعن الاسعار ..قالت لي 6000درهم شعر ومكياج بس للعروس..وانا ما سالتها عن المرافقات
و الشعر هي اتييب وياها وحده اتسوي الشعر
و نوعيه المكياج وكريم الاساس ما يسيح ولا يخترب لي اخر الحفله واتسوي لج تنظيف للبشره من عندها قبل المكياج
اذا بغيتيها احجزي عندها بسرعه لان زحمه عندها
ولا تنسين تعزمينا دام اني من راك 😉