تخطى إلى المحتوى
الرئيسية » بنات الامارات الله يوفقكم وينولكم اللي فبالكم

بنات الامارات الله يوفقكم وينولكم اللي فبالكم

السلام عليكم ورحمه الله وبركاته….
.
.
.

ساعدوني بنات ما بقى على ملجتي الا شهر وانا بعدني ما سويت شي…

ما اعرف من وين اخذ فستان لاني ما بفصل ماشي وقت وابا استاجر الفستان ومب عارفه من وين..

لو ممكن تعطوني ارقام حريم ياجرون فساتين بس تكون حلوه وتعطوني افكار حق الملجه ووين اسوي الكيكه وافكار حق التوزيعات …..

يعني حق كل شي لاني للحين ما سويت شي ومختبصه خبصه…

اتريا مساعدتكم وادريبكم ما بتقصرون وياي..

على فكره انا من راس الخيمه .

مبرووك مقدمااا اختي

بالنسبة للفستان ممكن تدورين في محلات بيع الفساتين

في الميغامول او صحارى سنتر وايضاا في البستان سنتر او عند محل الجعيدي

وعلى مااذكر وحده ذكرت محل الاوقات الذهبية لتاجير الفساتين لو تبين الرقم وتتصلين فيهم

وايضااا شارع ابوبكر في دبي بتحصلين محلات لتاجير الفساتين

وبالنسبة للتوزيعات ماعندي اي فكرة بس احسن توزعين شيء يتم ذكرى وماينرمي اخر شيء بجانب توزيع قطع

الشوكولا اللذيذه مثل بيستاش او باتشي او فوالة لانه شكلها حلو بس الطعم بالنسبة لي مب وايد حلو مثل الشكل

والكيك ممكن تطلبينها من اي مخبز حلو او احيانا من الفنادق يطلبونها او محلات الكعك

واللي يحضرني اللحين محل مستر بيكر

مرحباا.. جربي ليلي فالي Lilly Valley في دبي.. أنا خذت فستان الملجة من هناك.. عروس
هلا أختي ثعلوبه شقية انا عندي عناوين حريم يأجرون فساتين وبعطيج ارقامهم من راس الخيمة و غيرها
راسليني عالخاص
اختي بالنسبه للتوزيعات ……….. في عندك محلات حلويات تسوي هي الاشياء مثلا محل اوركيد في شارع واسط في الشارقه وبعد عندكم في راس الخيمه محل فواله عنده حلويات حلوه

وبعد محل في مركز التعاون اسمه مناسبتي صاحبته بنت مواطنه تسوي هذي الاشياء

عندي رقم وحده في الشارجه … فساتينها وااايد حلوه ..

راسليني على الخاص جان تبين رقمها ..

صح محل مناسبتي في مركز التعاون يسوون توزيعات
مثل ما قالولج البنات باتشي وفوالة حلوين كلهم لكن اذا تبين فستان حق الملجة في فساتين حلو واااااااااااايد في مركز صحارى ما اعرف شوة اسمة بس هوه عند المدخل للباركنات
والف مبروك
هلا الغاليه
اعرف وحده اتسوي توزيعات وايد حلوه للعرس واللمواليد واسعارها حلو ه
واتسوي لج على حسب ميزانيتج

اذا تبين رقمها راسليني على الخاص

مرحباااااااا بناااااااااااات

شي وحده ويانا في المنتدى .. إسمها ثيقلة الروز

هي أصلا مصممه جرافيك … راح تسويلج كروووت رووووووعه واتم للذكرى

توزعينها مع التوزيعات .. أو تحطينها على كل طاااوله … عندها أفكاار رهيبه ..

راسيلها عالخاص .. وهي ماراح تقصر وياااااااااج ..

وبالتوفيق ان شاااء الله ..

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.