السلام عليكم والرحمة على الجميع
بنات الامارات من وين خذتوا بدل للعيد انا اطري تنانير قمصان شي جي جاهزة وغاوية
يعني شي فخم في نفس الوقت
اتمنى تفيدونا
بس خذت فستان كامل لونه وردي من تشكيلة زهير مراد إلي نازله في Mango
هذي صورته بس اسمحيلي مب وايد عدله لأنها من الكاتلوج وعدلتها شوي بالفوتوشوب
إلي انا خذته لونه وردي كريمي .. على اللبس وايد احلى من الصوره
أول ما شفته ما عيبني في الكاتلوج .. لأن العارضه إلي في الصوره وايد ضعيفه
بس اختي اصرت اني اجربه .. طلع وايد حلو
لأني مليانه .. والفستان أحلى عالمليانات
خصوصاً لأنه قطعته سترج ويكون مخصر عالجسم ومن الصدر كله مفتوح
ومن تحت ايي كلوش وطويل شوي
والفستان فيه منه مقاسات إلين XL
وخذت تنورة جينز مشكوكه بالفضي إلي راد عالبنفسجي من Motivi
وسويت عباه-طقم عند محل Sweety إلي في بوهيل
وأول مره اجرب عنده .. بس العبي ماله روعه وراقيه
بنفس مستوى عبي ام عبدالله إلي فجميرا
شي محل بضاعته حلوة اسمه coton في مول الإمارات
بس مقاساته إلين 14 UK بس
عنده قمصان ناعمه
ان شاءالله هالويك اند 
سأوافيكم بالجديد في القريب العاجل
بس للأسف خربهن وما سوا الي انا اباه ….. والحين مب عارفة شو اسوي ….. ماحب الجاهز
هو العزم على مول الامارات لانه جريب البيت بسس …. بس الصحة ما كانت ولا بد هالفترة
ان شاء الله اخر السبوع باخذلي لفة الصبح في المول لانه بالليل ما ادري ما ارتاح والمول
يكون مليان …. باخذ بنصيحتج وبحاوط في مول الامارات …..
غيرهم بناات ماشاء الله هالكثر من الامارات ونصكم هب جااهز ؟؟؟