خواتى شخباركم اتمنى انكم تكونوا بخير ..
اولا كلكم تعرفون سالفه تلفونات بوكاميرا ..وكثره الناس ضعيفه القلوب اللى تصور في الاعراس خاصه في دوله الخليج واستغلال الموبايل في اغراض سلبيه ..
عندي لكم الحل ..
في شركه فاتحه من سنه تقريبا لسوالف الأمن وغيره مادري اذا مسموح اقول اسمها ولا لأ
يعنى في اكثر عن شركه .. تقدم خدمه امنيه في الاعراس
.. تاخذ التلفون من الاشخاص وتعطيهم رقم .. ويوم يطلعون ترجعه لهم .. مع تحمل كافه المسؤوليات في حاله ضياع التلفون ولا غيره ..
وفي اجهزه بعده عندهم تكشف التلفونات اذا مخشوشه .. غير جى تقدرين توكلين وحده منهم تلف في العرس ووتراقب بطريقه غير مباشره ..
انا عن نفسى سويت حق عرسى .. ان شا ءالله..
واتمنى انى اكون قدمت حل للجميع .. او من هم في حالتى وكان يدور حل لهل الموضوع ..
.. اذا في اي سؤال انا جاهزه ..
تحياتى لكم ..
بس كلنا نسوي هالموضوع
مشكورين
بس عيايزنا ما يتفاهمون
مرة سرت عرس وكانو حاطين فلبينة على الباب تمنع اليهال
اتخيلي وحدة من العيايز صفعتها كـــــــــــــــــــف محترم
والله غمضتني الفلبينية تمت اتصيييييييييح
صراحه سالفة التصوير في الاعراس صارت اتزيغ .. عسب جذه الوحده لا تعزم كل من هب ودب
بس هذي ما تنفع في حاله..
جوال الكاميرا إذا كان مو مشغل… ما يدق الجهاز…
وهم عاد تعرفون وين يخشونه.. ويكون مطفي… ولما يفتشوهم مايدق الجهاز وعادي يدخلون به…
أنا جبتهم في عرسي ب 500 ريال ثنتين جاوا يفتشوا..