تحبين ترتبين أفكارج لزواجج تعالي عندي 2024.

أعرف إن كل عروسة مقبلة على الزواج .. تكون ترتيبات الزواج مرهقة جداً بالنسبة لها ..

لأني الحين أعيش هالمعاناة ..

بس فكرت في فكرة أضمن فيها إن شغلي يكون مرتب ومضبوط وفي نفس الوقت أفكاري منظمة

فاشتغلت على هالفكرة ..

الفكرة عبارة عن ملف

وبداخله يكون كذا
نسخ الرابط للصفحات

ومقسم بنفس الطريقة اللي المعروضة لكم

القسم الأول
الفواتير
طبعاً كل الفواتير وحسب تسلسل الدفع .. يعني دفعتي مقدم وبعدها يكون تاريخ دفع المبلغ بالكامل اللي مقارب لحفلتك خليه بالأخير وهكذا ..

القسم الثاني
أنا عندي العناية بالجسم خليته بالقسم الثاني .. كل ما يتعلق بالعناية بالجسم موضوع عجبني لقطه وحطيته في الملف كمرجع .. ابتديت الحين استخدم الخلطات اللي لشعر واعتني بالبشرة وهكذا ..

القسم الثالث
جدول بالميزانية

مجموع الميزانية
ومقسم إلى القاعة – التصوير – البطاقات – الكوشة والزهور والفرقة والكيك وهدايا الضيوف ومكياج والشعر وشهر العسل والفستان

وجنب كل واحد من اللي فوق وضعت مبلغ متوقع وجنب المتوقع حطيت المبلغ الحقيقي وبعده المبلغ المدفوع وبعد المبلغ المتبقي

وبعدين المجموع الكلي

القسم الرابع
جدول المعازيم
الاسم المعزوم
عدد المعزومين المرافقين
ارسلت دعوة له أو لا
التلفون

وبعدها مجموع المعازيم

القسم الخامس
كل ما يتعلق بأغراض شهر العسل لزوج والزوجة كتبي كل شيء تحتاجينه وتأكدي من كل شيء يحتاجه زوجج

القسم السادس
ادق التفاصيل
قبل الحفلة باسبوع (أنا مثلا مسويه جلوة – مولد )
قبل المولد
قبل الحنة
وقبل حفل الزواج بيومين
وقبل حفل الزواج بيوم
ويوم حفل الزواج
اروح الصالون
أشيل حلاوة
اسوي حمام مغربي
رقم الحناية
اسم الصالون .. اسعار كل شيء مانيكر باديكر والحمام المغربي والحلاوة
والخ

حتى حركة دخول القاعة مسجلة
قائمة بالاحتياجات المتبقية من التجهيز لزواج ..

القسم السادس
فستان زواجي
تصميمه ورسم المصمم
حتى الكارد موجود عروس
ومجموعة فساتين مختارة من الانترنت

القسم السابع
صور جلابيات وبلوزات
لأني لازلت ما اخترت شيء لصباحية

القسم الثامن
الباقات
صور لمجموعة من الباقات انتقيتها من الانترنت .. عشان احدد الباقة اللي راح اختارها

القسم التاسع
التسريحات
كل التسريحات اللي عاجبتني اخذته وخليتها بالملف عشان اختار اللي يناسبني ويعجبني

وممكن اي وقت اضيف قسم جديد ..
بس لتنظيم أعمالي لحفلة زواجي وأتمنى تكون حفلة مميزة

ودعائكم يا بنات لوالدي ولزوجي ولي عروس

والحقوق محفوظة لأثير الهمس (بذمتكم في حالة نقل الموضوع )

السلام عليكم
فكرة حلوة واكيد تساعد العروس بترتب كل الاشياء وبهذه الحالة متنسة شيء
وتكون مسعدة لكل شيء
موضوع رائع مشكورة اختي الغالية
ويارب يستفيد منه كل العرايس

تحياتي
بغدادية

مشكورة اخت بغدادية صراحة رفعتي معنوياتي عروس

وإن شاء الله الكل يستفيد

تسلم ايدك الغاليه وانشاااء الله تتوفقين في كل شي
انا عاد امرتبه كل شي في ملف بس في الكمبيوتر في اقسام خاصه و في باور بوينت بعد
مشكوره اختي أثير الهمس عالفكره الحلوه

ان شاء اطبق الملف للأختي الله يرزقها ويرزق جميع البنات بالزوج الصالح

أختج الدانه

مشكوووره ،، انا عندي كتاب تقريباً بنفس فكرتج
مره كانوا مسوين معرض عندنا بالجامعه وشريته
عروس
مشكوره فكره جد روعه

يا سلااااااام على الأفكار

الحــــــلوة

(.•´
×´¨) تحياتي القلبية (¨`×
¸.•´¸.•´¨) (¨`•.¸`•.¸
(¸.•´ ( * رومانسية للأبد * ) `•.¸)

السلام عليكم ورحمة الله وبركاته
مشكووووووووووووووووووووووورة
:clap: وتستاهلين صفقة ع المجهووووووووود
ويزاج الله خير
مشكورة اختي.. انا ابتديت بفكرة مشابهة تقريبا.. ممكن يعني تنظاف الى فكرتج.. انا سويت ملف احط فيه كا موضوع يخص الزواج.. نصائح نواهي.. الحكم الشرعي.. يعني ملف شاامل.. يفيدني ويفيد غيري بعد.. بظيف عليه هالتجهيزات ما قبل الحفلة .. حلو.. الله يعطيك العافية!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top