عندي ولدي الله يهديه مجنني بالمدرسه
حفظه بطئ بطئ بطئ ابطأ واحد بالعالم ياربي
عليه حفظ قران سوره اليل ولهلحين لي اسبوعين احفظ فيه مو راضي يحفظها هو لسانه ثقيل شوي وانا مراعيه هذا الشئ فيه بس خلاااص تعبت منه المشكله خلاص يسمعها لي اوكي يجي ثاني يوم الاستاذ كاتب لي لم يحفظ الرجاء تحفيظ الطالب
وكل الدروس بهالشكل ما يسمع عند الاستاذ
اخر شي اليوم عليه توحيد الاستنجاء والاستجمار خلاص حفظها اوكي
اليوم الاستاذ كاتب الرجاء تحفيظ الطالب
لما سألته بالبيت اش معناها قالي ؟؟
قلت طيب ليه ماقلت عند الاستاذ قال هاه هاه انا انا انا ماعرف اتكلم ؟؟؟:-o:-o
قلت ياسلام بس عندي تتكلم8o|
والمشكله انو عليه تقييم كل يوم
والاستاذ طيب معاه وكلمناه وهو عارف حالته انو خجول ولسانه ثقيل
بس خلاص طفشنييييييي
والله العظيم اني هلحين اكتب وهو جنبي بيكتب قرأه له 4 ساعات ماخلص وهي بس 5 سطور ياربيييييييييي
وتوني خلاااص عصبت حدي:mad::mad: اعطيته ضربه بالعصا على كيفكم :mad::mad:ياويلي من ربي بس والله اني خلاص ماني قادره امسك اعصابي طفشنييييي
حتى كمبيوتر تعليم القران وترديد شريت له ياربي وش اسوي بعد :hysterical::hysterical::hysterical::hysterical:
شورو علي اذا عندكم حاله مثله وكيف تتعاملون معهم ؟؟؟:|:|:thumbs_down:
هو عمره 7 سنوات في الصف الثاني ابتدائي :celebrate:
وكيف اعلمه يكتب املاء عنده اختبار الثلاثاء وانتم تعرفون كيف حالته كيف ادربه هذا الولد ياربي بس :hysterical::hysterical:
سااااعدوني ياخواتي تكفون تكفون تكفون
الي تقراء موضوعي وترد جعلها الجنه يارب عرضها السموات والارض والله اني جالسه ابكي
ساعدوني
حبيبتي لاتبجين ولاتضربين ولدج وهدي حالج معليش بما أني معلمة يمكن حد يقول أني أتفلسف شوي بس بقولج إللي عندي أحسن شي لحالة ولدج أنج تنقلينه مدرسة فيها صفوف صعوبات تعلم شنو صف صعوبات تعلم ؟؟ ممكن تقرأين أكثر بالنت عن هذه الصفوف بس أنا بقولج بإختصار الصفوف هذه يوجد بها معلم متخصص للأطفال إللي تعليمهم بطيء ويحتاجون إلى عناية أكثر فمهمة هذا المعلم أأنو يدرس الطالب لوحده وبصف لحاله في حصص معينة وباقي الحصص يكون مع زملائه بالصف يعني ياخذ الدرس الأساسي مع المعلم بالصف ويروح لصف صعوبات التعلم لمتابعة الدرس مع معلم صف صعوبات التعلم والمتابعة بتكون أكثر شي بالقراءة والرياضيات والإملاء
سألي عن المدراس إللي فيها مثل هذه الصفوف ونقلي ولدج لها وهي مدارس حكومية ولاحد يفهمج غلط أنو هذه الصفوف للمعاقين أو شي من هذا القبيل
أنا معلمة ومدرستي يوجد فيها صفوف صعوبات تعلم وأدخل هذه الصفوف وأشوف الطالبات وطريقة التعليم
والله يعطيهم العافية معلمات صفوف التعلم يبذلون جهد كبير لتوصيل المعلومة للطالبة وبعدة طرق
وإذا لسانه ثقيل وديه للطبيب وشوفي إذا لسانه مربوط أو فيه شي وحاولي تحلينه إذا هو شي بسيط ويارب ماعليه إلا العافيه
توكلي على الله ولاتترددين حتى لو كانت المدرسة بعيده عن بيتج مصلحة ولدج أهم وبإذن الله بيكون أفضل والله يوفقه وتشوفينه بأعلى المراتب
وماتنسينا من الدعاء
اختي اهم شي لا اتعصبين وترى الضرب ما يفيد حاولي اتشجعينه بأي شي خلك هادئة معاه
لان اذا بيحفظ بالخوف ما بيفيد حاولي ترابطين اليه الكلمات او اتغيرين نبرة الصوت وهو يحفظ في السورة
وسوي معاه اسلوب المكافئات وترى حتى لو شي بسيط يعني قبلة طويلة او حضنة كبيرة يعني ما يكون المكافئات شي كبير
بالنسبة الى حفظ السورة جربي معاه يحفظها بالكتابة يمكن تركز اكثر من الحفظ الشفهي واربطي بين كل آية باللي وراها
الغريب انه على قولتك 4 ساعات يكتب كم سطر يعني هل انه يمسح كل حين او شلون يعني ؟ هل هو يكتب حرف ويترك شوي ؟
شلون كان مستواه لما كان بالاول هل نفس الشي؟
عوديه على النسخ شوي يعني خلي اليه دفتر في البيت كل يوم ينسخ جملة يمكن تقوى عضلاته ويسرع شوي
ما ادري الله يساعدك بس بعد بيكون افضل لو تتكلمين مع المدرس بطريقة مطولة يمكن يعطيك افكار احسن
واذا بس على السانه ثقيل ما اتوقع بيكن مشكلة كبيرة اهم شي الاستيعاب اختي اذا اتحسين انه عنده مشكلة لا تسكتين وديه تبع التدخل المبكر يمكن يساعدونك
الله يساعدك ويهون عليك ويهديه ان شاء الله
ممكن انتي تضغطين على الولد عشان جذي هو ما يستوعب ولا يحفظ بسرعه
غيري من طريقة الحفظ و التدريس يعني 4 ساعات متواصله اكيد ما بيحفظ شي لانه ضغط
عطي بين كل ساعه و ساعه استراحه مثلا يروح يشرب عصير او ياكل كيكة
انا يوم احفظ بناتي بس اول يوم احفظهم و ثاني يوم اقول لهم امس انا حفظتكم
اليوم انتوا حفظوني نفس الدرس والله يتحمسون و يقعدون يحفظوني و مرات اتعمد اغلط
عشان اشوفه تصدقين انهم يصححون لي
من باجر جربي هذي الطريقه حفظي اي درس و عقب اطلبي منه يحفظج و شوفي
اذا في تغيير ولا و عن السور القرانيه لا تحفظينه سوره كامله مره وحده اقسمي الايات
اول يوم مثلا 4 ايات و ثاني يوم 4 و اذا السوره طويله اقسميها 3 ايام
و الاملاء اقري له الدرس 4 مرات او 5 مرات و عقب خلي ينسخا لدرس 3 مرات مع قرائه
و بعدين يكتب من غير ما يشوف و اذا نسى اي كلمه ولا اي حرف تذكرينه بالاحرف او تراوينه
الكلمه و تشيلين الكتاب اعرف الطريقه متعبه لج وله بس شو نسوي و مع الايام بيتحسن
و لا تحسسينه انه هو ما يستوعب حسسيه انه هو شاطر و ذكي بس ما يركز
قول لي حبيبي انت شاطر و ذكي و تعرف تكتب بس انت ما مركز ركز اشويه بتصير اشطر من
جذي دايما حمسي و امدحي و ان حفظ شي امدحي جدام ابوه او اخوانه
و ان شاء الله يتحسن و ربي يوفقه و لا تتعاملين بالضرب حرااااااام
والله الله يعني عليه بس بكلمهم مره ثانيه علشان الصف خليهم يدخلونه عندهم بالصعوبات
الله يرزقك الفردوس الاعلى من الجنه يارب
 |
اقتباس |  |
 |
المشاركة الأساسية كتبها *بنت النوخذة*  |
 |
 |
| الله يساعدك حبيبتي والله عورني قلبي عليك وعليه بعد
اختي اهم شي لا اتعصبين وترى الضرب ما يفيد حاولي اتشجعينه بأي شي خلك هادئة معاه وسوي معاه اسلوب المكافئات وترى حتى لو شي بسيط يعني قبلة طويلة او حضنة كبيرة يعني ما يكون المكافئات شي كبير بالنسبة الى حفظ السورة جربي معاه يحفظها بالكتابة يمكن تركز اكثر من الحفظ الشفهي واربطي بين كل آية باللي وراها الغريب انه على قولتك 4 ساعات يكتب كم سطر يعني هل انه يمسح كل حين او شلون يعني ؟ هل هو يكتب حرف ويترك شوي ؟ شلون كان مستواه لما كان بالاول هل نفس الشي؟ ما ادري الله يساعدك بس بعد بيكون افضل لو تتكلمين مع المدرس بطريقة مطولة يمكن يعطيك افكار احسن واذا بس على السانه ثقيل ما اتوقع بيكن مشكلة كبيرة اهم شي الاستيعاب اختي اذا اتحسين انه عنده مشكلة لا تسكتين وديه تبع التدخل المبكر يمكن يساعدونك الله يساعدك ويهون عليك ويهديه ان شاء الله |
||
 |
 |
امين يارب الله يعطيك العافيه يارب ماقصرتي ع الرد الحلو
والله مستواه بالاول ممتاز
هذاك الاستاذ تمام كان الحين هاذي مدرسه جديده عشان نقلت لحي ثاني
بس ماعليه بطول بالي ان شاء الله
والله ماقصرتي
الله يرزقك الفرردوس الاعلى من الجنه يارب
طولي بالك عليه وحاولي تشجعيه ..يعني قولي له إذا حفظت وكان تقييمك ممتاز لك مفاجئه ..واشتري له أي شي بيحبه حتى لو كان شي بسيط كتير ..
أنا لما بدرس بنتي الإملاء مثلا بقولها رح ندرس مع بعض أنا وإنت ونعمل مسابقة واللي بيسبق وبيحفظ قبل له جائزة ..
الأملاء خلي يكتبها ثلاث مرات وبعدين خلي يكتبها غيبا ..
ولا تضربيه عشان يحفظ لأنه بيعاند وبيغلبك أكتر ..
الله يساعدك أكتر شي ممل التدريس للأطفال بس بالتشجيع والمسايرة بيصيروا أفضل ..
|
اقتباس | |
|
المشاركة الأساسية كتبها ام هنـد |
|
|
| الله يصبرج و الله يهديه ان شاء الله
ممكن انتي تضغطين على الولد عشان جذي هو ما يستوعب ولا يحفظ بسرعه غيري من طريقة الحفظ و التدريس يعني 4 ساعات متواصله اكيد ما بيحفظ شي لانه ضغط عطي بين كل ساعه و ساعه استراحه مثلا يروح يشرب عصير او ياكل كيكة انا يوم احفظ بناتي بس اول يوم احفظهم و ثاني يوم اقول لهم امس انا حفظتكم اليوم انتوا حفظوني نفس الدرس والله يتحمسون و يقعدون يحفظوني و مرات اتعمد اغلط عشان اشوفه تصدقين انهم يصححون لي من باجر جربي هذي الطريقه حفظي اي درس و عقب اطلبي منه يحفظج و شوفي اذا في تغيير ولا و عن السور القرانيه لا تحفظينه سوره كامله مره وحده اقسمي الايات اول يوم مثلا 4 ايات و ثاني يوم 4 و اذا السوره طويله اقسميها 3 ايام و الاملاء اقري له الدرس 4 مرات او 5 مرات و عقب خلي ينسخا لدرس 3 مرات مع قرائه و بعدين يكتب من غير ما يشوف و اذا نسى اي كلمه ولا اي حرف تذكرينه بالاحرف او تراوينه الكلمه و تشيلين الكتاب اعرف الطريقه متعبه لج وله بس شو نسوي و مع الايام بيتحسن و لا تحسسينه انه هو ما يستوعب حسسيه انه هو شاطر و ذكي بس ما يركز قول لي حبيبي انت شاطر و ذكي و تعرف تكتب بس انت ما مركز ركز اشويه بتصير اشطر من جذي دايما حمسي و امدحي و ان حفظ شي امدحي جدام ابوه او اخوانه و ان شاء الله يتحسن و ربي يوفقه و لا تتعاملين بالضرب حرااااااام |
||
|
|
الله يعطيك العافيه يارب ماقصرتي ام هند طريقتك حلوه الله يخلي لك اولادك يارب
والله يمكن اطول عليه بس اعطيه فتره راحه يروح يشرب ياكل ويرجع وهو والله احسه بس يبي يلعب ماينعطي وجهه صراحه:celebrate: يكتب حرف ويتمغط ويحك يده ويقول اروح الغرفه الثانيه اكتب شفتي يبي يلعب:rolleyes:
هذا الي خلاني احمق عليه واعطيه الي يحبها قلبك بالعصا لمن عصا
والله انه جنني
بس شفتي بعد الضربه كتبها كلها بربع ساعه وراني وفرحان واعطيته شكولاته وبوسه قويه وانبسط بس والله جنني ف الحفظ بطئ بس ابي اسوي طريقتك وان شاء الله ربي يهديه
جزاك الجنه والفردوس الاعلى من الجنه يارب ماقصرتووو
والله الله يجبر بخاطركم يارب:thumbs_up::thumbs_up
: