مرحبــــــا خواتي الغاليات
شو أخباركم إنشالله بخير وعافيه
حبيت أخبركم إني بديت رجيم علشان أنزل 7 كيلو وإذا أكثر يكون زين
بس أنا محتاجه بس 7 كيلو لأن جسمي الحمدالله هب مليان وايد بس محتاجه أنزل بعض من الوزن
وحبيت أقولكم عن الرجيم إالي مستخدمتنه وكل أسبوع راح أخبركم بالنتيجه إنشالله
وإالي حابه تنزل كم كيلو تقدر تبدأ معايه وإنشالله راح تنزل
أنا بديت الأسبوع الماضي وبكره راح أحطلكم النتيجه
أول شي خواتي الغاليات لزم تعرفون إن في أمور لازم تتبعونها عشان تحصلون على أفضل النتايج……وفي أسرع وقت….
وقبل كل شي خذي دفتر وخذي قياس وزنج وطولج…وقياسات جسمج (الصدر والأيد أقصد الزند والبطن والأوراك) وتكتبينها في الدفتر عشان كل أخر إسبوع تكتبون قياساتكم
(1) المشي ساعه على الأقل يوميا
(2) الأكثار من شرب الماء حوالي 7 أو 8 أكواب في اليوم
(3) وشرب الماء قبل أو بعد الأكل نصف ساعه
(3) عدم إستخدام السكر العادي…يمكنك فقط إستخدام (المحلى) سكر رجيم مثل كندريال أو سويت لو وغيره كثير ينباع في الجمعيات
(4) شرب 3 أكواب رويال للرجيم بعد كل وجبه (وايد مفيد بنات) راح تحصلون على نتيجه سريعه
(5) عدم الأكل والنوم بعدها مباشره
(6) عدم الوزن خلال فترة الرجيم إالا كل أخر أسبوع تقيسين وزن وتاخذي مقاسات خصرك وزندك(إيدج) وصدرج
الأسبوع الأول
الفطور:-
الخيار الأول:
2 توست أسمر / مع بيضه مسلوقه أو شريحة جبن قليل الدسم أو 3 ملاعق فول من دون زيت + كوب حليب قليل الدسم (يمكن إستخدام الشاي مع الحليب أو النسكافي)
الخيار الثاني:
أو براون فليكس مع حليب قليل الدسم
الغداء:
الخيار الأول:
مشاوي مشكله (مشويه ومنزوعة الجلد) + سلطة أو خضار مسلوقه
الخيار الثاني:
شوربة أي نوع بدون لحوم + سلطة أو خضار مسلوقه
العشاء:
الخيار الأول:
2 شريحة توست أسمر + جبن قليل الدسم
الخيار الثاني:
شريحة توست أسمر + بيضه مسلوقه أو أومليت بدون زيت
بين فترة الفترات إذا حسيتو بجوع تقدرون تاكلون فواكه وحبذا لو تفاح أخضر لأنه مفيد للرجيم
أو أي صنف أخر مثل ( البطيخ – البرتقال- فراوله-نصف موزه-تفاح)
أو شابورة مع شاي (تباع في قسم الحميه في أي جمعيه أو سوبرماركت أسمها شابورة الرشاقه)
هذا هوه برنامجي وأتمنى أني فدتكم وتستفيدون منه معاي
راح أخبركم بالنتايج أول بأول
الصراحه انا محتاجه انقص عشر كيلوات حاليا …. بس انا الحين مشترركه في نادي بعد النادي يساعد علشان ما يترهل الجسم +مشي لمدة ربع ساعه بعد الرياضه مع تخفيف الاكل …
بس تبين الصدق اذا سويت ريجيم بتبين النتيجه اسرع …
شيخه المزايين الغاليه بتخبرج عن شاي رويال … مب وايد ثلاث اكواب با اليوم ؟؟؟
يمكن مرتين معقوووول او مره …. خبرينا عن تجربتج مع الرويال والمقاسات ..
ننتظرررر …
مع تحيات
الوهـــــــــــــــم
أنور المكان بردج الحلو…..
أنا أنصحج إجربين هالرجيم….لأن دامج إسوين رياضه وتمشين ربع ساعه هالشي وايد
زين لج…..وبيكون أكثر أحسن لو نظمتي وجباتج وأتبعتي حميه مناسبه هب تقطعين الأكل بالمره
هالرجيم يشبعج لأنه ما فيه حرمان وهذا أحسن شي لأنج ما راح ترجعين الكيلوات الي راح تفقدينها
عكس إذا ؟إتبعتي حميه ممنوع فيها وايد لأن مع الوقت راح تاكلين بشراهه…..كل إسبوع راح أحط
برنامج…..حبيت أقولج والله والله يالغاليه إن رويال وايد وااااااااااااااااااااااااايد أوكي
فادني من زمان في نقص وزني وين كنت وشو صرت…..مع الوقت راح تحسين فرق في جسمج
وأنا أقصد 3 أكواب في اليوم……فترة الضحى وبعد الغداء وبعد العشاء….تحسين عمرج وايد
خفيفه……وكبدايه تقدرين 2 في اليوم وعقبها إبتدي 3…..
وأي أستفسار أنا موجوده
يعطيج العافية وان شاء الله باتبع وياج هالحمية خطوة خطوة باقي لي جم كيلو لازم انزلهم وانا مصممة
ان شاءا الله ينظمون لنا البات
حبوبه ممكن تحطين صورة رويال للرجيم اللي تستخدميه لو سمحتي
تحياتي
بنت العلي
الله يخفف من اوزانكم بدون شر ان شاء الله و كل وحده توصل للي تبيه..
انا يبي لي كم كيلو بس ببدا الاسبوع الجاي ان شاء الله على دايت معين صحي عندي…
و للحين ما استقريت اذا ما عجبني جيت و سويت معاكم…
بس مشكلتي ما فيه مكان امشي فيه هههههه
لا تقولون البيت بدوخ ههههههههههههه
يعطيكم العافيه
يا حي إالي شارك معانا بردودهم الحلوه…..
تسلمون وما قصرتوااااااااااااااااااا
وإنشالله باجر راح أقولكم كم نزلت…….
وعن صورة شاي رويال….راح أدور صورته وأحطها لكم……..
حلو كل وحده إشجع الثانيه…………….
يالله إنشالله كلكم تنزلون وزنكم
بس ما قلتيلنا كم مدته؟
وكم ينحف بالاسبوع؟
شكلي ببتدي معكم
بس عني ما احتاج رجيم الله يعطيك العافيه
والريجيمات القاسيه ترا ما منها فايده …
اهم شي انه الواحد تسوي ريجيم صحي ..
والريجيم اللي حطيتيه حللللو ووايد صحي …
انشاء الله اليوم ببدأ بنفس الريوق …بس بغير شويه با الغدا والعشا شي بسيط بس …
وبشرب شاي رويال لكن المشكله اخاف ما اطلع من البيت والسبه الشاي هههههههخ