تخطى إلى المحتوى
الرئيسية » دامج عرستي أو خططتي لعرسج ليش تبخلين بمشاركتج بس 3 دقايق من وقتج

دامج عرستي أو خططتي لعرسج ليش تبخلين بمشاركتج بس 3 دقايق من وقتج

السلام عليكم الكثير من البنات المقبلات على الزواج يتمنون الحصول على معلومات كافية عن تزهيبات ليلة العمر …
ليتكم تشاركونا خبراتكم … لو كل وحدة من اللي تزوجوا أو اللي خلصوا ترتيبات العرس تكتب:

وين كان عرسها؟ (فندق… البوم .. المركز التجاري….)

منو مكيجتها؟ و سرحتها؟ (اسم الصالون أو اسم اللي مكيجتج و سرحتج.. لون المكياج و طريقته… لبناني أو هندي)

الاكسسوار اللي لبسته؟ (الماس و لا ذهب أبيض أو اكسسوار مميز)

الباقة و مكان تنسيقها؟ (لون الورد و اسم المحل و مكانه)

الكوشة و مكان تصميمها؟ (شكل الكوشة….اسم المحل و مكانه)

و أخيرا أي شي كان بارز في العرس نتمنى تذكرينه…

تأكدي اختي المشاركة أن افادتج بخبرتج سبب لنيلج الأجر أولا و من ثم هو سبب لسعادة القلبية (حب لأخيك ما تحب لنفسك)….

مع خاالص الشكر و المحبة و بانتظار مشاركاتكم الحلوة و المفيد…
مس تيولب…

مرحباااااااا مليووون بالعرااايس المشاركاات
هذاي المشاركه الاولي بنسبه لي واتمنى ما تكون الاخيره
واحب اشاارك بمسااه يمكن حد غيري ينتفع فيهااا (من العرايس طبعاا)
واتمنى من كل وحده مقبله على العرس لا تهتم بامووور دنيويه مثل هاشي وتهتم كيف بترضي ربهاا وطيع زوجهاا ولكم خالص معزتي واتمنى لكم حياااة سعيده ….
اول شي العرس كان في خيمه طبعاا انا افضل انه العرس يكون في خيمه اكثر من فندق وغيره بس كان الترتيب فيهاا وايد منظم وحلووو ومرتب ..اللحين بتقوولون هاذي عرووس شدرااه شو يستوي في الخيمه بس انا فهمت هالشي من كلام الناااس ……؟؟؟
اللي سوتلي المكياج وحده من بوظبي جويـــل..
وكنت لابسه الله يسلمك عقد الماس انا من النوع اللي لا احب الذهب ولا الاكسسوار …وكنت شاله في يديه كرستاله مع ارووارق كرستااال وشوي مزنه بالورد على بسيط …والكوووشه عباااره عن ورده جوري لها مثل الفرووع متفرعه اورااقه وممر طويل ومايل ياي على شكل ورده في نهايته طبعا على الطبيعه احلى من الوصف كان الشي المميز في الحفل الطله او الزفه كان الجوو هادي في الخيمه والحظوور ما كان متوقع اني بطلع اللحين بس الزفه كانت في بدايتها كانت نااعمه وهاديه وبعدين يوم وصلت تقريباا نص الستيج بدى شويه يعلى الصووت وكانت تزفني احلام الشي اللي انا ما انتبهت له انه انا طلعت من يمب واليمب الثاني طلعت احلام يعني اللحين النااس بتشوفها هيه وبيتحروونها العروووس بس اللي خلاهم يفرقوون اني انا كنت لابسه ابيض وهيه اسوود ..
بس الزفه ما خذت اكثر 25 دقيق اظن كافيه لعووار القلب لاني كنت خااااايفه وبمووت وانا واااقفه ….
وسلامتكم ……
تسلمين يا بنت محمد و لج مني الشكر البالغ على المشاركة ….
هلا عزيزتي موضوع حلو ومفيد اتمنى الكل يشارك وحبيت اشارك وياج

**عرسي كان في البوم

**المكياج في صالون مورا (طريقته لبناني طبعا)اللي مكيجتني اسمها

ندى واللي سوتلي التسريحة :think: نسيتها بس هي اردنية وكلهم

شاطرات ووايد تغير شكلي بالعرس بشهادة الكل…

**لبست ألماس ابيض

**الباقة كان لونها وردي وابيض من محل المناسبات

**الكوشة كانت عبارة عن مغارة علي بابا وكانت عبارة عن كوشه متحركه

والموسيقى كانت من نفس محل الكوش (غاردينيا)بالشارجه

بالنسبة للشيء المميز بالعرس كان ترتيب وتنسيق الطاولات كل حد

شكر في التنسيق وكنت مسوية نص الطاولات فيها فوانيس وشموع

وورد والنص الثاني صندوق خشب مفتوح وداخله ورد روز باللون البرتقالي

ومزين بطريقة حلوة من نفس المحل اللي مسويه عنده الكوش …

وبالأخير انصح كل وحدة تكون ريلاكس وما تعصب بنفسها يعني انا

كنت متوترة عشان مالت المكياج تأخرت بس خلصنا من وقت فما في داعي

الوحدة توتر عمرها وبعدين يوم تنزف اهم شيء تكون طبيعية وتبتسم

على قد ما تقدر بس ابتسامة بسيطة عشان لو كانت ملكة جمال وداخله

وهي معصبه ما بتطلع حلوة…

ومبروك مقدما لكل العرائس

واااايد استانست بردج يا الغالية ….
بصراحه عجبني الموضوع واااااااااايد

مشكوووره اختي Miss Tulip
على هذا الموضوع الحلووو

اصبروا شهر و بعدين بخبركم ان شاء الله
😉

مب مشكلة … لكن اذا كنتي حابة اضيفي شي من اللي تعرفينه…
انا مو متزوجه
بس مخطوبه

بس بعرس اخوي حطينا في كل طاوله بوكيه ورد صغير
وشمعدانات

ووقت الزفه طلعنا اثنين اطفال بنت وولد
وكان معاهم صندوووووق حلو ومقفول

وداخله حطينا بالونات اللي تطير وحطينا دبلتين للعرسان

طبعا العرسان افتحو الصندوق وطارت البالونات

ولبسوا بعض الدبل

بس كانت زفه خيااااااااااليه

الحين البنت حامل

ههههههههههههه

و الله فكرتج وااااااايد حلوة
عرسي 18/6 وبعد شهر العسل ببركم بنات اوكي
ادعولنا
عروس
الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.