تخطى إلى المحتوى
الرئيسية » دبش العروس خاص بالمكياج ،،،،،،

دبش العروس خاص بالمكياج ،،،،،،

(l) نظرأ لكثرة العرايس بها المنتدى اقولكم الف مبروك والله يوفقكن يا بناتِ

وايضاً لكثرة الاسئلة حولين المكياج ,,, حبيت اوضح الاساسيات المهمه لكل عروس انها تشتريها ضمن دبشها (( زي ما نقول في السعوديه ))
ترى انا مدبشه لعرايس العيلة من طقطق لاسلام عليكم واسئلوني ولا تنحرجون (( بس لااحد يسئليني عن الطقاقات ولا المصورة ))

شوفوا حبايبي اول شي نقول بسم الله (( الي تطبع الورقة وتاخذها السوق معها لاترمي الورقة الا وهي ماسحة لفظ الجلالة ))
1- شنطة المكياج .
2- (غسول للوجه _ منظف للوجه والعين مع بعض افضل من Diorفي جل وفي بلحليب المهم حسب نوع البشرة – تونك ) وافضل من ماركة ديور او شيسيدو .
3- القطن الدوائر الطبي – المسحات القطنية الدائرية والمستطيلة – علبة اعواد اذاني طبي – سفنج لتوزيع كريم اساس ) طبعاً هذه لتنظيف بعد المكياج او قبل النوم او الصباح
وعود الاذاني عشان تحطين فية المنظف وتمسحين العين من تحت والرموش .
فرش للمكياج (( فرشه نحيفة جداُ لتخطيط من تحت العين وزاوية العين الداخلية – فرشة متوسطة الكثافة لوضع الشدو – فرشة لتوزيع اللون _ فرش لوضع الروج نحيفة ومتوسطة – رش اضافية لشدو – فرشة تحديد العين من اسفل بآي لاينر )) واسائلي عن طريقة استعمال الفرش قبل شرائيها .
4-الكحل ( اسود من ديور عشان بالبابونج مريح للعين – (ازرق – اخضر من اي ماركة انتِ مرتاحتلها) غامق – ابيض من ديور ايضاً )
5- آي لاينر اسود من اف سان لوران واحد واخر من لانكوم اثنين تكفيك اكثر من سنة .
6- ماسكرة اسود من ديور افضل شي واحدة تكفي _ واحدة زرقاء واخرى لون انتي تفضلينة .
7- قلم رسم حواجب برجوا او من ديور واحد يكفي .
8- كونسلر من اف سان لوران مريح وسهل الاستعمال .
9- كريم اساس انا استخدم من ديور رائع ولكن عندك نينا رتش او HR هلينا روبان تشي واستخدمي الي من الوري اذا كنتي حنطيهة
واحسن شيء خذي منه شوي وزعية على وجهك في المحل طبعاُ من تحت الغطى واذا رحتي البيت شوفي اللون اذا كان مناسب اشتريه بس اكتبي الرقم لاتنسين الي حطيتي منه .

10- البودرة من ديور لا يعلى عليها اختاري الي تناسب مع درجة كريم الاساس .
ملاحظة اشتري كريم الاساس والبودرة من نفس الماركة وبعضهم يحبون البودرة المضغوطة وبالتالي تغنيك عن كريم الاساس .
11- آي شدو الظلاال الي ما تروح صالونات كثير انصحها تشتري التالي
اقتني الماركات لانها افضل من الرخيص التي تسبب حساسية العين وافضلها من ديور ومن هلينا روبان تشي ولا مانع من فور افر والالوان الفاتحة من برجوا فقط هذه مجربة على مر السنين و اعرف افضل منها لاني ما جربت غيرها .
اكتفي ب 0 موف _ كحلي _ فوشي – اسود – احمر- الذهبي – بني – زيتي 0
الفاتحة 0 طبيعي – بامبي على لؤلي من برجوا – ابيض 0
واصلاً ما راح تتعبين لو اشتريتي من ديور او من برجوا الجديد لانه العلبة فيها اللون ودرجاتة وهذا يعتمد عليكي في دمج الالوان وتوزيعا .
12- اقلام تستعمل مع الشدو او بدل الشدو هذا اذا كنتِ ماهرة في وضع المكياج او تعلمي عليها لانها تثبت الالوان مدة اطول وموضة .
13- البلاش او محمر الخدود من ديور او فيه لون حلو من برجوا اسمة يمكن لؤلؤي توزعينة على الوجه كلة يعطي لون مرة رائع وانت ِ اشتري حسب استخدامك والي ترتاحين له بس لاتكثرين خذي من ديور له اكثر من استخدام ورائع ويكفيك سنه او اقل شوي
14- محديدات الروج اكتبي الالوان الي تبغينها بورقة واكتبي مع كل محدد الروج الي معاه .
15- المناكير شوفي الالوان واختاري المهم فقط ولاتنسين مزيل المناكير استخدمي ماركة زينه او اشتري من الصيدلية واشتري شنطة البدكير عشان تعتنين بيدك ورجولك ِ وتسرين احلى عروس .
16- امشاط وفرش لشعر ايطالية مرة رائعة اشتري خمس انواع تلاقينها عند القزاز لونها بني شفاف ( اذا كنتِ من السعودية )ولاتنسين مراية ومشط لشنطة اليد .
واخيراً اعتني برقبتك مثل ما تعتني بوجهك .
ولاتنسون استعملي الوصفة الي كتبتها لكم في ركن العناية بالجسم … كانت الوصفة للرجل بعنوان وصفة مكوناتها موجودة في كل بيت …..
وسامحوني اذا كنت نسيت شيء ما ذكرته وذكروا بعض يا بناتي ….

واي سؤال انا تحت امركم ترى كلكن بناتي ………..(l)

يسلمووووووو الام الحنون الله يعطيك العافيه والله انى كنت محتاجه لاحد يدلنى لاحسن الماركات الله يسعدكى دنيا واخرهعروس
الله يعطيج العافية وعساج على القوة و مشكووووووووووووووووووووووووووووورة على كل شىء:o
شكراً حبيباتي عروس المدينة والاخت وندرفول صح اسمك ….
على الرد واذا تبغون ادبشلكم واقولكم ماركات (( الملابس ال …….. والقمصان …….. )) ادلكم وافيدكم بكل الي تبون …….. عشان ما تشترون شي ما ينفعكن وانتن عرايس او متزوجات جدد ……. انا امُكنّ وماراح اقصر معكنّ ,,,,,(l)عروس
مشكوووووووووة حبيبتي
هلا والله وغلا بالحناااان كله

الله لا يخلينا من وجودك معنا في المنتدى

وسعيدة جداً بمشاركتك لنا ، وموضوعك الرائع والمهم

على فكرة …..

إيش معنى (( دبش العروس )) ……؟؟؟؟

هل تعني جهاز العروس ….؟؟؟عروس

وفي إنتظار المزيد منك يا الأم الحنون

تسلمي يالام الحنون على كل اللي كتبتية , واحب اقولك اني انا عروس واجهز للزواج وانتي الله يعطيك العافية ذكرتيني باشياء بسيطة كانت غايبة عن بالي.
بس انا ابغى استعين بك او باي وحدة لها الخبرة في الشدو .
انا ابغى علبة شدو موجود فيها الالوان اللي دايم استعمالها وابغاها تكون ماركة واصلية لان انا بشرتي مررررة حساسة , فلو وحدة عارفة رقم اي ماركة حلوة ممكن تساعدني,
والله يعطيك العافية ويجزاك الله الف خير
اختكم :
ريم الرياض:cool:
عن إذنك يالأم الحنون بجاوب على عروس

😮

أنتي مو سمينة مرة ، وبعدين راح تلقين عند لا سنزا و تامي مقاسك

وأتوقع يكون ( xl ) ، وعلى فكرة المحلات العادية عندهم قمصان روعة

وحركاتها حلوة ، أكثر من إلي عند الماركات

روحي لــ( طيبة ، و الأندلس ، والمجــد ) ….يعني خذي جولة 😉

ولا تنسين ترى الأيام هذي فرصة ، يقولون أغلب المحلات مخفضة

وإلا أنا والله ماأدري عن شيء ، وماطلعت للسوق

:s

الأ م الحنووون ننتظر خبرتك ياعمري ، لا تحرمينا من ردودك

إيش رأيك تكتبين لنا موضوع عن (( اللبس ))

هلا والله وغلا بالريم

سمعت أن فيه حقيبة عند (( نعومي )) فيها ألوان كثيرة وحلوة

وسعرها ….. أحلى وأحلى حول ( 100 ريال )

هذا إلي أعرفه

عروس

اشكـــــــــــــــــرج يا امي الحنون والله اني استفدت منج وااايد وانا متحمسه اني اسير ازهب الحين حق عرسي اشكرج و عسااج دوووم متهنيه ياااارب

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.