تخطى إلى المحتوى
الرئيسية » دليل العروس السعودية الأول

دليل العروس السعودية الأول

هاي بنات إنتوا حلوين وإذا صرتوا عرايس بتطلعون أحلى
أنا أبي مشاركاتكم في تجهيزات العرس والعروس (بنات السعودية خطوة بخطوة)
بطاقات الزواج
هدايا العرس
الكوشة ومسكة الورد
الكوافيرات
المشاغل
الماكياج
الأكل
الملابس الجاهزة
الذهب والمجوهرات
الشكولاته والمكسرات
التصوير….الخ

أنا ببدأ
بطاقات الزواج
في الرياض أنا شفت أحلى شي وهذا أحد المحلات اللي عجبوني
العروسين
وعلى فكرة لا تحتارون بأرقام الهاتف تقدرون تدخلون الدليل وتلاقونه بجميع فروعه لان يمكن أنشغل الأيام الجاية ولا أدخل الموقع
طريقة البحث عن الرقم ادخلو google واكتبو دليل الهاتف
بيطلع لكم الدليل الإلكتروني دخلو حكومي تجاري أكتبو اسم الجهة والمدينه وبتطلع لكم النتايج
مساعدة لو كانت المدينة مو موجودة اكتبوا بالمربع اللي تحت المدينة اللي تبين
ساعات لازم تكتبي المدينة الرئيسية فوق مثلا الدمام
ولو كنت تبي شي من الخبر اكتبي في المربع اللي تحت الخبر انشالله فاهمين عي

محلات االشكولاته
وطبعا تقدرون تستعينون فيهم في الهدايا للمعازيم
جميع أرقامهم بالدليل تلاقونه

patchi
chocoline

محلات الكيك

في محل روعة بالخبر اسمه البحصلي ايجنن أذكر في عرس وحده سوت عنده كيكة زواجها مررررة كبيرة وتحت فيها نافورة ماي وفخمة مرررة
بس ما عندي رقمه بحاول أدوره لكم
بس هو في نفس شارع سعد الدين بالخبر

سعد الدين وطبعا هو للشكولاته بعد وتغليف هدايا المعازيم
وطبعا البقلاوة والحلويات الشرقية أكيد من سعد الدين

حلويات القصيم لكيك التقديم في الإسبوع أو البوفيه أكثر من روعة أنا صراحة ما شفت مثل طعم كيكهم يعني شكل وطعم بعد بعكس المحلات اللي اسوي الكيك بالكريمة شكل بس
ومعجناتهم روعة بعد وأسعارهم هي الأحلى

المكسرات
طبعا المهم في المكسرات في نظري جودتها يعني لا تاخذي من أي محل قبل ما تجربي بنفسش اللي بتاخذيه ونصيحة أبدا لا تاخذي المخلوط الجاهز لانه مايمشي وغالبا ايكون قديم اخذي منفصل واخلطيه بنفسش

الكوافيرات
في الشرقية
شعاع بالخبر وأنابصراحة ما أحبها
اللمسة بالدمام
طبعا أتوقع الكل زهق من ذول بس أنا عندي رقم وحدة من البحرين تجي ب1800
والكل يمدح شغلها فإذا حابين رسلو لي على الخاص وأول وحد تاخذه رسلو لها على أساس تاخذوه منها لان أنا مشغولة الأيام الجاية

الكوش
جاردينيا بالخبر بس أسعارهم نارر
بس أنا سمعت في القطيف في محل اسمه دنيا الطبيعة تقدرون تلاقون رقمه في الدليل مسكاته روعة وكوشه حلوة

المشاغل
أنا صحيح من الشرقية بس صراحة ما عندي فكرة عن المشاغل هني بس اللي يقدر ايروح الرياض وايشوف مجمع الأندلس فيه مشاغل نسائية تهبل
أنا أعرف وحدة سوت هناك ثوب زفاف مطرز من فوقه لتحته والطرحة كلها منثورة باللؤلؤ الإصطناعي والمقاس مزبوط مئة بالمئة
والسعر طبعا مو تقولو وايد لانه شغله كثير مررررة ب10000
بينما الشرقية قلو لها أقل شي 20000

الملابس
طبعا أقول لكم نصيحة الثوب كل ما كان بسيط أحلى صدقوني شوفو ثياب الأجانب وتعرفون أهم شي التفصيل والمقاس المطلوب يكون مزبوط
أنا ما عندي خبرة مرررة في هالسوالف
بس للقماش تقدرون تروحون
شارع الحب بالدمام

والخبر مول
والجلابيات الرياض وجدة أحلى من الشرقية بس السعفة بالراشد بالخبر حلوة بس اللي في البحرين أحلى
والملابس الجاهزة عند فيفث ساكس افينيو أشياء حلوة
وعلى أية حال هذا يعتمد على ذوق الوحدة في النهاية

العباية بالرياض والشرقية أحسن شي
بدون اسم
first choise
بو كنان
بس في محل بالدور النسائي في مجمع المملكة بالرياض حلو بس والله ما أعرف اسمه

التصوير عاد أنا في هالسالفة =صفر
أعتمد عليكم

الذهب والمجوهرات طبعا الكل يعرف سوق الذهب بمنطقته
بس اللي ناوي ياخذ خاتم أو شبكة ألماس هذي بعض الخيارات المفضلة عندي
في الرياض في مجمع المملكة
تيفانيtiffany
WWW.TIFFANY.COM
كارتييه في محلا ت ساكس فيفث افينيو
WWW.CARTIER.COM
بس المحلات أحلى وساعاتهم تجنن
على فكرة النجوم ياخذوم منه في معظم الأحيان هو أو شوبارد
طبعا هذا يرجع إلى تركيبته الفريدة فهي الأفضل في العالم
داماس بعد في نفس المحل

طبعا المجمعات الكبيرة في الشرقية تلاقين عندهم مجوهرات وساعات حلوة
مثل مجمع الراشد

خلاص تعبت

على فكرة أحد يعرف وين محلات شوبارد بالسعودية قولو لي ضروري

وبعد هدية لكم عندي رقم وحدة تتكفل بتجهيزات العرس مثل تغليف الهدايا وهذي الأشياء أنا شفت لها علب تهبل تجنن
اللي يبي الرقم ايقول لي oK
وانشالله أول وحدة اتاخذه تعطيكم اياه

:confused::confused::confused::confused::confused: :confused::confused::confused::confused::confused: :confused::confused::confused::confused::confused: :confused::confused::confused::confused::confused:

شفتو قد بكيت كل هذا تجاهل

أنا كنت بكمل بس جد مالي نفس:confused::pain::eek2:

اكيد مافي تجاهل ….

تسلمين حبيبتى

تحياتى النونه

أهلين بنات السعودية مرة ثانية:s2
اشلونكم عساكم بخيرعروس
المهم ندخل في الموضوع :cool2:
اليوم بنتكلم على شي محدد هو الماكياج:shy:
نبدأ بسم الله

أولا بنتكلم عن نوعية الماكياج وجودته
أولا ياحلوين :shy: البعض يعتقد إن الماركات الأجنبية تتفاوت في أسعارها بسبب جودتها العالية وتفوقها على نظيراتها من الماركات
مثال
ماركة شانيل ماركة عالمية وأسعارها مرتفعة بس روعة صح
طيب لو أقول لك ماركة بورجوا أسعارها معقولة وماركة فرنسية
البعض يقول لا أكيد الأفضل شانيل هذا كلام غير صحيح تدرون ليه
شانيل دار عرض مو مختصة بالماكياج بس لما اشتهرت وتوسعت ضمت الماكياج إلى تشكيلاتها وطبعا الإسم والشهرة يساهم في رفع السعر بينما بورجوا مختصة في الماكياج وبدت بعد شانيل بفترة طويلة وهذا طبعا له دور في سعرها وعلى فكرة اللي يقرا المجلات الأجنبية يقدر يعرف أحسن المستحضرات فمثلا كريم الإضاءة حق بورجوا يعتبر من أفضل المنتجات بالعالم
هلينا روبنشتاين أغلى من الماركات الثانية تدرون ليه لانها من أمريكا والشحن يلعب دوره بعد
المهم أنا بغيت أوضح للبنات اللي ما تسمح ميزانيتهم بشراء الماركات الغالية إن في بدائل ولها جودة عالية فلا تحتاروا
هذي بعض الماركات اللي تكون أسعارها معقوله
بورجوا

مايبلاين (تدرون إن ماسكارا مايبلاين المفضلة عند خبراء الماكياج مع إن سعرها 30ريال بس ولا ما في ماركة توصلت لتركيبتها )

ريفلون (عرضت لها هالي بيري و سندي كروفورد)

ريميل(عرضت لها كيت موس)

ماكس فاكتور (أكيد شفتو دعاياتها في التلفزيون ترى حقيقة استعملوها

في تايتانيك شفتو ثبات الماكياج مع الماي

لوريال وعلى فكرة يمدحوها مرة

طبعا الماركات المشهورة

شانيل-كريستيان ديور-استيه لودر-كلارنس-كلينيك-أوريجينز-جيفنشي-فيرساتشي-نينا ريتشي-هلينا روبنشتاين -اليزابيث اردن-بوبي براون-لانكوم-شيسيدو-كانيبو-شويميرا-….الخ
هذي بعض الماركات المتخصصة بالماكياج تقدرين تا خذين منها مجموعات

ألوان مثل اللي عند الكوافيراتprfitional

ماك-ميك اب فور افر

لمجلة make up
ادخلو
www.makeupmag.com

طبعا ما أعتقد الأماكن مشكلة لان معظم البنات يدرون وين والأنواع والصور متوفرة في قسم الماكياج والبنات ما يقصرون

وهذينصيحة شرائية من الخبراء لكم ولعيونكم عشان تجهيز أحلى عرايس

عند الشراء من الماركات المرتفعة الأسعار حاولي شراء علبة تحوي عددا من الألوان وليس لون واحد ,كما إن العلب التي تحوي مفعولا ثلاثيا(للوجه والعين والشفاه) تكون اقتصادية ومناسبة للشراء ,فشراء لون واحد يمكن أن يتسبب في اتلافه إذا لم يستهلك في مدة معينه

على أية حال موضوع وضع الماكياج والعناية بالبشرة مو موضوعنا أنا بس حبيت أعطي فكرة عن الماركات اللي يمكن للعروس الأخذ منها

وهذي مواقع لعيونكم

http://go.3roos.com/incTKJ8shec
www.makeupforever.com
www.lancome.com
www.chanel.com
www.clarins.com
وهذ فيه عدد كبير من الماركات
http://go.3roos.com/lZnmu60qtO7

الأماكن اللي يمكن تحصلون هذي الأشياء
في الشرقية
محلات ماك
روشان
السواني
قزاز

الرياض
هارفي نيكلز
دبنهامز
قزاز
روشان
السواني

وكثير من المحلات التي تبيع مستحضرات التجميل

يالله بنات باي

انشالله المرة الجاية نتكلم عن شي جدي:clap:د

هلا desert rose
ماقصرتي والله

اذا تبين اساعدك بمحلات الشرقيه انا جاهزه مع اني لسا ماجهزت:smile:

مع انك ماخليتيلي شي هذا وانتي من الرياض مشالله عليك(صح انتي من الرياض):s2

مشالله عليك ماخليتيلنا شي

علا العموم اذا تبين مساعده بمحلات الشرقيه انا بالخدمه

علا فكره ياحلوه سألتي عن محلات شوبارد

انا مدري اذا له محل بأسمه بس صراحه ماقد شفت بالشرقيه
بس بتلقينه عند مجوهرات معوض بالراشد الدور الأول

هلا والله بالزين Mكلهـ قمرهم ـمM :shy:

لا حبيبتي أنا من الشرقية بس ساكنة في الرياض فترة
وألحين انا بالشرقية

المهم أيوه ذكرتيني طبعا أبي مساعدة يالشيخة
ترى اللي قلته ولا شي بالنسبة لخبيرات السوق عروس

بس تدرين حبيبتي أنا ملاحظة على البنات اللي يشاركون كل من الشرقية ما أشوف أحد من الرياض ولا جدة :eek2:

خلاص المهم أنا بانتظار مشاركاتش الحلوة يالله باي

بسم الله الرحمن الرحيم
تسلمي اختي العزيزه DESERT ROSE علي المجهود المبذول
و في انتظار المزيد من مشاركاتك ان شاء الله تعالي
و تقبلي خالص تحياتي
هاي هاي هاي بنات:smile:

اليوم بنتكلم عن شي مهم جدا جدا جدا خاصة لسكان المناطق الرطبة

تبون تعرفون ايش

الشعر ياحلوات

طبعا التسريحات والقصات والصبغ والتمليس والتجعيد كله تلاقونه وأكثر في قسمه المخصص وبناتنا ما يقصرون

المهم أنا طبعا عندي لكم نصائح مهمة صدقوني بتخلق فرق كبير بحياتكم

كم وحدة تشكي منكم لما تغسل شعرها وتجففه بالمجفف الكهربائي يكش ويخترب بعد فترة بسيطة؟
أتخيل العدد
صدقوني أنا كنت أعاني من نفس المشكلة لامن سمعت من وحدة كبيرة بالسن نصحتني بالحل السحري
تدرون ايش هو
أرخص حل شفته بحياتي
المياه المعدنية إيه والله هذي المياه المعلبة اللي تيي مقاسات
إخذي لترين منها أو أكثر حسب الحاجة وغسلي بها شعرش بعد الشامبو والكوندشنر وحاولي تغسلين الفروة زين بواسطة الماء مع استخدام اليد
المهم بعدين خله شوي لامن ينزل الماي بحاله ونشفيه بالمنشفة

التجفيف
على طول بعدين مو تنطروا لامن الشعرينشف لأنه خاصة الأيام الحارة:cool2: العرق وافرازات الشعر تكون بها أملاح وكشة الشعر ترى من هالاملاح
المهم تقسمين الشعر إلى أقسام وكل ما كانت صغيرة أحسن وتدوم أكثر
وكل ماتجي تستشورين جزء قبل حطي الحل السحري الثاني
منتج كلينيك لفرد الشعر إسمه straighting hair
المهم هذ المنتج ايجي درجات على حسب نوع الشعر وهو بعكس المستحضرات الثانيةمو ثقيل وما ينفع وما تحتاجين إلا كمية صغيرة مرررررة ثقوا بكلامي
أنا جربت كثير وما عجبني إلا هذا
المهم لمل تخلصين من الاستشوار خذي كمية من المستحضر الذكور مع قليل من الدهان -أنا استخدم هير فود-وطبعا أنا أقول قليل يعني قليل يعني مو تخلون شعركم يثقل وايصير كأنه ملصق
عروس2

هذي أغلى نصيحة قدمها لي أحد عن الشعر
وصدقوني للمناسبات بس زيادة شوية سبراي مثبت بعد من كلينيك
أو أي ماركة تحبينها

وبتكونين كذاعروس

كل شي مانفع إلا هذي الطريقة مضمونة 100 ب100
على فكرة سعر المستحضر بحدود 50 ريال بس يدوم مدة طويلة
نلتقي إنشالله قريب وسلامتكم
:clap::cool2:عروس2:smile:

هلا desert rose

ياحليلك والله على هالنصيحه

بس بقولك شي

انتي صح ميه بالميه عروس

والله مايعدم الشعر غير المويه المالحه خاصة احنا بالشرقيه مويتنا مالحه

وتدرين انها ماتصلح للطبخ عشان كذا نجيب جراكل عذبه
المهم اني اخلص علا اهلي مويتهم حتى مااقدر اغسل جسمي فيها:shy:

اغسل شعري بالمويه العذبه واسشوره بس بدون جل لأن شعري دهني فإذا حطيت جل بيدهنه زياده:down:

بس ياعيوني سلامتك

بس بطلبك طلب
اذا وصل موضوعك عند محلات االملابس الداخليه وسعيلي شوي تراني فناااااااااااانه بالمحلات هاذي
🙂

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.