رح عرفكم بحالي " انا ام نيرين من فلسطين عمري 25 سنة موظفة في النيابة عطلتي الاسبوعية كل جمعة وسبت دوامي من 8 -3 عندي بنت عمرها سنة
مشكلتي انا بعد الحمل والولادة تغيرت للاسوء اكيد مثل معظم النساء
كان وزني قبل البيبي 58 كيلو وطولي 61 سم بعد الولادة بشهر بعد النفاس صار وزني 69 مع اني وصلت باخر شهر حمل 82 كيلو لكن هلا وعمر بنتي سنة رجعت سمنت كتير صرت هلا 75 كيلو
وهاد الشي بدايني كتير
وزوجي ما بيحكيلي انو تضايق من نصاحتي لكن انا حاسة وحركتي صارت كتير بطيئة وحتى بالشغل بضل قاعدة واكول
وكتير كسوله ما بقدر العب رياضة ولا حتى اسجل بجيم لاني سجلت بالنادي وفلست من التعب من اول اسبوع وبطلت اروح ونحفت ع النادي 3 كيلو
بس انا حبيت ابلش تجربة جديدة مع معاناتي بالنصاحة
لهيك قررت اكتب هاد الموضوع واكتب يومياتي من اكل وخلطات ورياضة
لانو عندي بعد شهرين عرس اختي رح تتزوج
وبدي كون كتير غير عن يوم خطبتها مو دبة وتعيانة
يا ريت تشجعوني وتكونو معي
رح اكتب كل يوم شو رح اكول وكم رح العب رياضة وشو الخلطة يلي رح استخدمها بدي بعد شهرين ارجع عروس جديدة لزوجي
ادعولي بالتوفيق
ام نيرين "دبلتي سر سعادتي "
21/6/2011
يلا مبروك قدوم الصيف والسمار والعرق
هدفي الاول 1. يصير وزني 65 سنة
هدفي الثاني : ارجع اهتم واعتني بشعري يلي كتير خرب بعد الولادة والاهمال
هدفي الثالث ترجع بشرتي انعم من الاول وللعلم انا بشرتي سمراء تميل للحنطية
رجلاي بدهن كتير عنااااااااااية خصوصا من المشي والوقوف ولبس الصنادل المكشوفة يوميا
واظافري واصابع ايدي بدهن شعر كمان
يعني لازم اقلب حالي 180 درجة
ورح اتحدا حالي هاي المرة وكون ملكة بعيني وبعين زوجي والكل
لي عودة وانا بكون سعيدة باي ردود او ملاحظات او مساعدتي بافضل الخلطات او رجيم
الله يوفقك
الى الأمام
بداية المشوار تبدأ بخطوه :clock:
المهم الاراده و العزيمه:017:
رح احكيلكم باختصار شو عملت من الخميس لليوم الاحد
كان هذا الفترة بس اكول شوربات وسؤال وفواكه اكتر شي باكول شمام وكرز وجرانيك
اليوم الصبح يمكن ما تصدقوني بس والله
كان وزني 73 كيلو
طبعا ما لعبت اي نوع رايضة ما كان معي وقت بس شغل البيت وتجهيز لحفلة ملكة اخي
وبالنسبة للخلطات
كنت اعمل سنفرة لجسمي بالزيت والحامض والسكر
علشان طبعا الخطبة وبجد كانكتير حلو وناااااااااااعم
وكمان عملت مرة فازين و كركم بس طلعت صفرة وقعدة ساعة امسح بجسمي علشان يروح الصفار
وشعري جبت خلطة من عند العطار اسمها خلطة الشعر السحرية السورية
يعني ل هلا مو باين خيرها من شرها بس بتسهل تسريح الشعر بس صراحة حاسة انو نشف شوي يمكن مو من الخلطة من استخدام مصفف الشعر
وبس
الفطور
مشروب بابونج + زنجبيل + نعنع ناشف +مريميه+ كمون + ليمون كاسة ع الريق
منقوشة جبنة ونقانق + لبن اب
الغذا كان خفيف كتير بس تفاحة وكرز وجرانيك
العشا تتتتتقيل
عصير + صدر جاج مشوي + شوربة فريكيه
بعدين جلي مع بسكويت
واخر الليل كملتها ب شوية مكسرات طبعا اليوم عجقت بس هاد مو بيدي والله