انا عندي مشكلة وابيكم … اذا ما عليكم أمر تساعدوني…
انا مقررة اني اغير شوي من صالتي وغرفة نومي وحمامي….
المشــــــــــــــــــكلة
اني ما اعرف ايش الأشياء الكمالية اللي لازم احطها… قصدي ان عندي اشياء وايد ما لها لزمة..
يعني في الصالة :: المكتبة ما ابغيها… لأنها تاخذ مساحة .. والصالة صايرة صغيرة… عشان جذي زوجي حط Stand للتلفزيون … بالأضافة الي الكراسي… شنو اقدر احط بعد …. ابي اشياء قليلة تعطي جمال ولمسة حلوة…
أما بالنسبة للحمام فما حطيت اشياء … الناس شيسوون في الحمام…
وغرفة النوم… عادية… السرير.. الدولاب.. والتسريحة… وخزانة المفارش "اسميها التابوت"…وعندي بعد خزانة ذات جوارير.. ما في شي رومانسي ..صح؟؟؟؟؟؟؟
اذا عندكم افكار قولو لي واذا ممكن تدعمونها بالصور….
يعطيكم العافية
بالنسبه للحمام عزكم الله
حاولي ماتملينه بالاغراض لانه قلة الاغراض يعطي راحه عند استخدامه لكن لو كان المكان واسع فهذا شي ثاني
اما بالنسبه للغرفه لو قدرتي حاولي تغيرين غرفة النوم اي حاولي تغيرين ترتيب اخزانه واسرير والتسريحه
وحاولي اتنسقين بالالوان مثلا
خلي الغرفه باللون البيج
والكفر والمفرش باللون البرتغالي
وحاولي تحطين كرسين مع طاوله باللون البني
وحطي على الجدار ورد صناعي بس يكون جميل
ولو كنت اعرف ارفق صور ماتاخرت بس للاسف مدري كيف ارفق صور مع النص
والصاله حاولي تفرشينها باللون الفاتح عسب يوحيلج بان المكان واسع لان الغامق يعطي المكان ضيق هذا مع الصاله ذات المساحه الضغيره
اتمنى اكون ساعدتج
بخليج مع الصور
ان شاء الصور اللي راح اعرضها تعجبج وتلاقين فيها مبتغاج
ابتدي بغرف النوم
واللحين صور للحمام