ساعدوني والله تعبت مع بنتي

صباح خير وسعيد عليكم وجمعه مباركه ولاتنسون الدعاء في هذا اليوم المبارك وانا اكيييييييييييييييييد ماراح انساكم من دعواتي لااحلى خوات في ها المنتدى الرائع :L:انا الصراحه محبطه جدا جدا انا الحين بديت اعود بنتي على دخول الحمام وانتوا بكرامه بس احسها مومستوعبه الفكره اذا دخلتها الحمام نادر تسويها وبعدين تسويها على نفسها بدون ماحس انها منزعجه ولاشي كانها ماسوت شي تقولون كانها جالسه تسويها وكان عليها حفاظه هي تقول حمام ويع بس مامره قالت بروح الحمام يمكن لانها صغيره وانا بديت معها بدري عمرها سنه وعشره شهور الله يفتحها بوجيهكم ويرزقكم من واسع رزقه الحقوني بحل والله تعبت على فكره هي بكري واحس الموضوع متعبني نفسينا اسفه على الاطاله

هلا حبيبتي والله انا كمان شايله هم اذا وصلت بنوتتي لسن ابدا اعلمها احس بتصير حوسه .. بس والله احس بدري عليها
لانها باقي ماتفهم
يعني كان صبرتي الى سن السنتين وكم شهر
احسها بتستوعب اكثروهي لازم تسويها اكثر من مره باقي مو متعوده اصبري عليها شوي وفيه كلوتات تلبسيها اياها بدال الحفاظ ويمنع التسرب عشان ماتعدم المكان.. وما ادري انا باقي مو مجربه
.. بس الله يعينك حبابه ..

السلام عليكم اختي
موضوع تدريب الطفل على استخدام الحمام شي مب سهل ويبله صبر
ومافي عمر محدد للتدريب
متى شفتي استعداد الطفل ابتدي
يمكن بنتج للحين مب مستوعبه الحمام وانها مالازم تسوي وي وي او كاكا على عمرها
اجلي الموضوع شوي لين تشوفينها تسحبج لتغيير الحفاظه
او تقول لج انها منزعجه
بنتج ربي يحفظها نفس عمر بنتي وللحين ماعلمتها
باديه بس افهما الفرق بين الكاكا وال وي وي
وربي يسهل