تخطى إلى المحتوى
الرئيسية » شلون طلبتوا المهر

شلون طلبتوا المهر

السلام عليكم ورحمة االله وبركاته
يا بنات بغيت اسالكم بشغله انتو يوم عرستوا طلبتوا المهر بالتحديد يعني مثلا طلبتوا 100 ولا 80 الف
ولا خليتوهم ييبون على كيفهم وهم بعد طلبتوا القاعه ولا لا
والشبكه انتوا الي شريتوها من المهر ولا اهل المعرس يابوها مع المهر
والبيت طلبتوه ولا لا مع اني اظنانه من سابع الاحلام هنيه في قطر ييبون لج البيت لازم تسكنيين معاهم
يله يا بنات خبرونا

هلا الغاليه كل عام وانتي بخير اول شي

انا عن نفسي اهلي قالوا لهم البنت بنتكم واللي تقدرون عليه وريلي هو اللي حدد المهر والحمدلله ما قصر

والشبكة (( طبعا هاي مش محسوبه من المهر )) ريلي قال لامايه لو تبا انا بعطيها بيزات الشبكه وتشتري على رايها بس انا في خاطري لو انا اللي اخذ لها الشبكه على ذوقي ونحن وافقنا يعني هو اللي يابها في النهايه

والبيت نحن ما طلبناه وامايه قالت خليهم على راحتهم وريلي هو بنفسه اللي فضل انا نسكن برا وما حب يسكني عندهم في البيت مع ان ما فيه حد غير امه وابوه واخته الصغيره:smile:

المهر و كل الاشياء على ذوقهم و الحمدالله ماقصروا

بس انا كان عندي شرط واحد ان الشبكه اخذ اي شي ابي و على ذوقي و وافقوا على هالشرط

اما البيت انا من زمان حاطه في بالي اني مابي اول ما اتزوج اني مابي اسكن في بيت بروحي لاني مب متعلمه على اشغال البيت و الطباخ و اشوه طلع ريلي ماعنده حد في البيت الا اخوه الصغير

مشكورات حبايبي على الردود

بالنسبة لي إحنا ما نطلب " الريّال و شيمته " و اللي يقدر عليه ..

القاعة عليه هو و هالشي معروف ..

الشبكة بعد من عنده ..

عروس اقتباس عروس     عروس
     
  والبيت طلبتوه ولا لا مع اني اظنانه من سابع الاحلام هنيه في قطر ييبون لج البيت لازم تسكنيين معاهم  
عروس   عروس

لا أختي لا من سابع المستحيلات ولا شي ,, و أنا أكبر مثال عندج .. ما طلبت بيت ولا تكلمت في الموضوع بس هو يبي يحطني

في بيت بروحي مع إن أنا ما عندي مانع لو أسكن مع أهله مؤقتاً لحد ما نبني بيتنا لكن هو مصمم على سالفة البيت .. يعني كلٍ و

ظروفه ..

يعني انتو عندكم الشبكه اهل المعرس يختارونها ؟؟؟

احنا عندنا ان العروسه تختار اي شبكة تبيها و تحجزها و تخبر اهل المعرس و ياخذونها لها .

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.