تخطى إلى المحتوى
الرئيسية » شوفو شو صار فيني

شوفو شو صار فيني

  • بواسطة
هلا خواتي انا بقولكم عن تجربتي في حفلة زفاف وحده من قريباتي

بصراحه قبل كم يوم سرنا العرس و ماشاء الله انبهرنا بكل شي

وبعد ما مر نص الوقت بدينا نشوف يهال شالين هدايا و كل ياهل شايل هديتين و ثلاث

و لا شفنا حريم شالين سلال هدايا و يوزعون على المعازيم و مو اي معازيم بس اللي يعرفونهم و احنا و بعض المجموعات المساكين ملبوسين ولا كانا موجودين

صبرنا ليييين يت وحده و حطت السله على طاولتنا و عدلت شيلتها و شلت السله و راحت يعني احنا :eek2: ولا على البال

بصراحه انا مو سالفة هدايا بس انكسر خاطري

اشوف البشاكير و اليهال يحصلون و احنا لا و المشكله ان الهدايا كلها 4 انواع لو مو اكثر و وايد شكلها حلو و راقي

حسيت بالاهانه بس بعد فكرت ان هذي تجربه حلوه عشان الواحد يتعلم درس و يعرف ان هذي الحركه وايد جييب و مو حلوه :down:

لان اللي كانوا يوزعون يعطون معارفهم اكثر من هديه و اللي مايعرفونهم مايحصلون شي :rolleyes:

المهم انا عاد يوم بغينا نطلع ودعت ام العروس فشافت اني مو شاله هدايا المسكينه سارت يابتلي هدايا لي و للي ويايه واللي في البيت بعد
بس اش بعده يوم خلاص عفت نفسي من الهدايا و تميت اجامل و اضحك وانا من داخلي وايد متضايقه :eek2:

المهم انا شايفه اكثر من طريقه في توزيع الهدايا :shy:
1.توزيع الهديا على المعازيم و هم داخلين
2. توزيع الهدايا على المعازيم و هم طالعين
3.توزيعها عشائي
4. توزيع الهدايا على الطاولات لكل وحده على كرسيها

و انا بصراحه افضل آخر طريقه شورايكم ؟


تحصل وايد بالأعراس

ولا يهمك

:cool2::cool2::cool2::cool2:
عادي حبيبتي تحصل كثير وأنا مرة طلبت هديتي بنفسي عروس2لأني دخلت متاخره العرس بعد العروس من دخلت فناديت اختي الكبيرة لن اصحاب العرس أصدقائها وقلت لها انا ما عندي هديه فعطتني بدل الهديه ثلاث هدايا.:smile:
:down:]
تحصل وايد بالأعراس
لا تحطين في باااااااااااااااااااالج واااااااااايد تستوين في الاعراس

بس فكره توزيع الهدايا علي الطاولات احلي …

بت ديره

ادخيلي حد من المعازيم يدعي على العروس واهلها ………

شو بيصير

ولله ما يسوى علي اوزع هدايا واخر شي يدعون علي؟

اي والله وايد اصير خصوصا اذا اذا كانوا معرفة قريبة وبعد ما يعطونك وجة:confused:
بس تدرين انا ما افتكر بالمرة بهذي الخرابيط بس احب اخذ لخواتي الصغار اللي في البيت:smile:

أختي الغاليه

الغاليه لا تكدرين خاطرج ولا شي
تحصل هذه الحركات مرات بقصد يعني يهتموا بالقرايب أكثر من المعازيم
ومرات تحصل بدون قصد الكل يكون مشغول ومتوتر ويصير هالشي
بس موضوعج راح يفيد الأخوات اذا كانت عندهم مناسبة
زواج الهم أو لأخوانهم وخواتهم
عشان يحطون هذي النقطه في الحسبان
جزاك الله ألف خير غاليتي
وبعض الخوات عرضوا كيفية عرض الهدايا في العرس
وفي مواضيع وايد ولازم الكل قبل ما يقبل على العرس
ويكون في شي للتوزيع…لازم يكون مرتب كل شي
عشان محد ينقصه شي أو يحط في خاطره أو يزعل

بارك الله فيج…موضوعج راح يساعد الأغلبيه
لوضع هذي النقطه في الحسبان

أختك في الله
شيخة المزاين

عادي عادي تحصل وايد:down:
طبعا هدا شي انا بعتبره قلة ذوق :eek2:
بس ممكن يكونوا مانتبهوا:eek2:

بس لو اصحاب الفرح اللي بيوزعوا بنفسهم هاينتبهوا اكيد:smile:
لان االلي بيكون المال مش لاله بيفرقه عالمحسوبيات
و المعارف…

وكتير بتجرح وتضايق وتحز في نفس الواحد
يعني هي مش مسالة هدية هي مسالة تقدير …
وانا بتذكر موقف زي هدا لمدرستي في المدرسة لهلا الموقف حازز في
نفسي وبيالمني …
مش شيالة في قلبي منها ..
لكن موقف قد ما بيالمني علمني اني ..انتبه لكل شي بعمله تجاه الاخرين
واحط نفسي في مكانهم

بس انتي ماقولتيلينا ايش طلعت الهدايا
ياللا بدي اعرف:smile:

الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.