بنات البحرين يا هلا فيكم… انشاء الله الاسبوع الياي لنا زيارة انا وزوجي الى البحرين وابا فاقرب وقت معلومات قبل الاربعاء .. 8/3/2006 ابغي اعرف:
كم يعادل الدينار البحريني = الدرهم الاماراتي؟
وشو اجمل الاماكن اللي ممكن نستمتع فيها..
والفنادق اللي ممكن نرتاح فيها وطبعا ما تكون نار في الغلا…. يعني نبا شي معقول ومرتب…
واذا فيه اماكن رومنسية نقدر نتمشى فيها …
والمحلات الرخيصة و الشعبية و السناتر اللي ممكن نتجول فيها ؟؟
يعني معلومات بالتفصيل عن بلادكم….
بس لا تتاخرون علي …………..
وحياكم الله في البحرين
والدينار = 10 ريال سعودي الدرهم اكثر من الريال
احسبيها
بس المهم لاتفوتين البحرين لأنها جد تينن وجوها لطيف الصبح لين الساعة 4 العصر حر بس بالليل بارد وحلو آنا الاسبوع اللي طاف
كنت عندهم وعليكم بالعافية ……………….
الدينار البحريني = 10 درهم اماراتي ترى الحسبة بالتقريب وإن شاء الله صح………..
نصيحة مني لا تجين البحرين هالأسبوع لأن عندنا الفورمولا اللي بيكون ثلاث أيام 10 و 11 و 12 مارس وبتكون الشوارع زحمه والبلد كلها أجانب والفنادق كلها محجوزه
فإذا تبغين تجين تأكدي من حجز الفندق عشان ما تتوهقين
وحياه الله ضيوفنا