حبيت يابنات افيدكم بطريقتي بوضع المكياج
الاهل دايما يتمكيجون عندي00والحمدلله (ماامدح نفسي)لكن الحمدلله اجيد وضع المكياج
المهم انا خلال هالدرس بتكلم عن كل شي (الفراشي والالوان والارقام)من طقطق لسلام عليكم مثل مايقولون00
اول شي الاساس وانا عطيتكم سابقا خلطه الاساس السر 00 مع الكونسيلر مهم جدا
فبنبدا بمكياج العيون
انصح دايما نبدا برسم الحواجب حتى تبرز مساحه العينوللحواجب استخدم علبه منbenefit
تحتوي على جزئين بودره وكريم نبدا بالكريم نستخدم الفرشاه المايله(موجوده في العلبه)
ونرسم الحواجب ومن ثم نستخدم الفرشاه الدائريه مع البودره ونحدد فوق الكريم حتى يثبت اللون
وافضل ان لون الحواجب ما يكون اسود كثير علشان ماتغطي عل العين وجمالها
ننتقل للشادو
في علبه شدوو رووعه خاصه للبنات الي يصعب عليهم وضع المياج السموكي
من ماركه فرنسيهatelier
تحتوي العلبه على خمسه الوان مدرجه وخالصه ماعليج الا انج تحطينهم على عينج
ونصيحه ابتدو من فوق لتحت (من الحواجب ونازل)اسهل لدمج الالوان
فرقم العلبه الي بتكلم عنه اليوم plat 03
نبتدي من تحت الحاجب على طول ,نستخدم فرشاه من make-up for ever
رقمها 8sb
نضع افتح لون في العلبه لون بيج الفاتح اوف وايت تحت الحاجب ونصيحه مديه شوي لحد نص العين
بعده نستخدم فرشاه روووووووعه من2 ben nye) fdb)
ونسيح للون التالي بيج جاي على اورنج خفيف00تحت اللون البيج
وبعدها ننقل للون الثالث برونز فااااتح وندمجه تحت الاورنج
بنفس الفرشاه
بعدها ننتقل للاسود ونحطه على الجفن المتحرك ونطلعه شوي لفوق وجربي تفتحي عينك وتشوفي في المنظره لازم الاسود يبان شوي فوق عند الجفن الثابت
واخبرا اللون البيج الغامق على بني فااااااااتح
نستخدم الفرشاه(ben nye)
fdb 1ونضع هذا اللون فوق الاسودبدايه من الجفن الثابت وحاولي تدمجينه عدل
وبس بعد البريك بكمل لكم طريقه الكحل الاسوووووووووود
اتمنى انكم تستفيدون
تدرين نفس طريقتي في الشدو
بس ماجربت احط البني فوق الاسود بجربها
وفعلا جذي اسهل بوايد
بس انا احط الشدو كله ولما اخلص ادمج بين كل لونين اريح
واحسن لي عشان العينين يكونون نفس الشي
كملي واحنا معاج
مشكورة عزيزتي على الطريقة
بس لو في صور بيكون أوضح
و السلام ختام:cool:
لكن ابى اسال عن كريم يكون حلو للمناسبات يكون للكريم لمعة مثل لمعة الصدف يعنى مو لمعة زري
ابى الكريم واسم اللمعة
ولازم استخدام الكونسيلر ولاموشرط
وشكرااااااااااااااا
بالنسبه لج يافنكوشه ما انصحج تستخدمين كريم لمعته منه وفيه لان دايما يكون خفيف وما راح يغطي بس بالنسبه للمعه ممكن تستخدمين اساس عادي وتحطين لمعه بودره احلى واثبت بالذات في الاضاءه لونج بيطلع رووووعه وبكون رااقي00
في من ماك لونين iridescent powder
1-golden bronze
2-silver dusk
حطي منهم على عظمتين الخد واطراف العين الداخليه والخارجيه وعظم حوالي الوجه
المهم نكمل الكحل ممكن استخدم لون اسود من ben nye
وفرشاه ماك 208 انصحكم فيها للكحل
نحدد العين( وهذا كحل مائي )فوق العين وتحت
وبعده نستخدم فوقه الشدو البودره اسود من ماك carbon
علشان ما يسيح وعشان يبين اسووووووووووود حطي داخل العين قلم اسود من revlon
استخدمي الولاعه وحطيها على طرف القلم وحددي العين من الداخل
(لاتحطينه على طول ليحرق عينج):dd:
وبعده استخدمي الفرشاه من ben nye db12
واستخدمي اللون البني الفاااااتح اللي استخدمناه للشدو وسيحيه تحت خط الكحل (تحت العين)مع الاسود
المسكارا انا استخدم 2
استخدم فرشاه l’oreal voluminous 4x
مع علبه max factor 200 calorie
يعني ما استخدم فرشاه ماكس
مادري يطلع احلى اغلض واطول جربوا
نوصل للروج مع هالمكياج انصح بروج فاتح لحمي مثل ما قلت رووج اليسا (الموضوع السابق)
لا حرمنا 
منكم
وراي عزيمه يوم الخميــــــــــــس
وموضوعج جا بوقــــــــــــــته