تخطى إلى المحتوى
الرئيسية » طفلك ضعيف الشخصية تعالوا نتحاور

طفلك ضعيف الشخصية تعالوا نتحاور

السلام عليكم خواتي بنات عروس

بصراحة انا متعودة ادخل واقرا كل جديد بهالقسم.. وتشجعت اني اطرح مشكلة ولدي عل وعسى تساعدوني ونلقى حل لها

ولدي الله يسلمكم عمره الحين 5 سنوات ونص.. وطول فترة تربيتي له حاولت اني اعلمه الاشياء الصح وازرع فيه المبادئ والقيم .. يعني علمته اولا انك لازم تكون مسالم وتبتعد عن المشاكل.. لووو شيصير لا تكذب ابدا.. حتى لو تغلط احرص على قول الصدق وانا ما بعاقبك.. والحمد لله رب العالمين.. ولدي بشهادة كل الناس بداية من اهلي واهل زوجي والمدرسات وادارة المدرسة .. الكل يمدحه ويحبه.. وهذي نعمة احمد ربي واشكر فضله ليلي ونهاري عليها..

القصة وما فيها ان ولدي لما كان عمره 3 سنوات ونص دخل الروضه.. كنت دايما احذره .. لا تمد يدك على أي احد.. وحتى اذا احد ضربك.. تراه اخوك .. ويلعب معاك .. لا ترد وتمد يدك عليه.. قول له الله يسامحك.. وخبر المدرسة وبس.. طبعا الامور كانت طبيعية..في بعض الاحيان كان يرجع البيت ويشتكي بس كالعادة كنت اهديه واقول له معليش هذا اخوك ما يقصد يضربك وبكره عااادي روح والعب معاه.. كانت الامور عاديه والروضة كانت صغيرة وعدد العيال فيها مو كبير وكل شي كان تحت السيطرة…

المشكلة الفعليه حسيت فيها كبرت لما انتقل ولدي من قبل سنتين لمدرسة ثانية.. هالمدرسة اكبر وما شالله عدد التلاميذ وايد كبير.. وطبعا انا ما تخليت عن نصايحي له .. خلك مسالم ومااا نبي مشاكل..الولد مسكين كان ينفذ اللي ينقال له بالبيت.. لكن انتو تعرفون.. ان مو كل العيال يتربون بنفس الطريقة.. وكل واحد فيهم ينشأ في بيئة مختلفة.. يعني يمكن الاشياء اللي احنا نزرعها ونكبرها في عيالنا.. في امهات يشوفونها تافهة ويتقاضون عنها.. وبالفعل انا لاحظت هالشي.. ولدي صار يرجع من المدرسة يوم مضروب على وجهه.. يوم مرفوس على رجله وآثار الله يعزكم جزمة الجاني عروس واضحة على بنطلونه.. ويوم يرجع يقول لي ان فلان سرق أكله.. ويوم يرجع وقميصه كله عصير..لااااا واحلى شي لما رجع لي ذات يوم وظهره مخرم.. اقول له شصاير من سوى فيك جذي.. يقول لي هذا فلان يبري القلم ويجربه في ظهري….ما لقى الاخ مكان يجرب فيه الا ظهر ولدي مسكين:ss:

ومع هذا كله الولد مسكين ينقهر وما يقدر يسوي شي… انا والله انقهر وياه لكن ما يطاوعني قلبي اقول له اذا احد مد يده عليك عامله بالمثل… يا جماعة والله ما تربينا على هالشي.. ولا اذكر مرة بحياتي اني انطقيت والا احد مد يده علي.. لكن هالايام كل شي تغير.. حتى العيال فقدوا برائتهم.. من كم يوم تخبرني المدرسة ان بنت تجرأت وضربت زميلها بحد المسطرة والله ستر وما راحت عينه..ويوم استدعوا امها .. الام بكل برووود قالت هذي طفلة وما تفهم ويااااويلكم اذا رجعتوا مرة ثانية وخبرتوني ان بنتي سوت وسوت ترى بنقل بنتي من المدرسة.. شرايكم؟؟؟!!

ساااامحوني طولت عليكم وصجيت راسكم.. بس اللي ابيه منكم يا خواتي العزيزات انكم تنوروني..

هل غلطت لما علمت ولدي على الاخلاق الحميده؟؟؟
هل كان من المفروض اني اعلمه ياخذ حقه بيده؟؟؟؟
والله ما يطاوعني قلبي اني اخرب شغل 5 سنوات من التعب والسهر.. لو انتو مكاني شبتسووون؟؟؟؟

أختي يسعدني أن ان أكون أول من تعلق على المشكلة

واللي جذبني اني اكمل الموضوع للأخير ( هو ان ولدش نفس عمر بنتي الله يحفظهم ويهديهم ان شاء الله)

الله يعطيش العافية على هالتربية ،، وان شاء الله يرفع راسش لما يكبر قولي آمين

بالعكس مو غلطانة انش علمتنيه على الاخلاق الحميدة ،، ولكن برايي أن الأطفال كل واحد ياخد حقه بروحه والكبار المفروض مايتدخلون ..

يعني اني من ناحيتي مااحب عيالي يضربون وضايق لما احصل شكوى عليهم من القريب والبعيد ،، ودايما أعلمهم الصح من الخطأ وأقول ليهم لما أحد يضربكم قولوا للمدرسة ..

لكن لما تجي طفلتي وتقول (( ماما اليوم البنت الفلانية ضربتني وضربتها) أحاول اسالها ليش وليش لكن صراحة مااقول ليها لا تضربينها عشان تاخد حقها بروحها وماينلعب عليها بعدين …

لكن لما أعرف انها هيه الغلطانة أو هيه اللي بدت هنيه تحصل العقاب ..

ماادري فمتين على فكرتي لو لا ،، ارجو ان تكون فكرتي واضحة وتاخدينها برحابة صدر

والله يحفظش لش البطل ان شاء الله

اختي (بسمة أطفالي).. انا بعد يسعدني انج دخلتي موضوعي وقريتيه وعطيتني ردج.. وبالعكس منكم نستفيد عروس مشكلتي مع ولدي انه مستحيل يمد يده… يعني لا جاني ولا مجني عليه.. يعني مستحيل هو يبدأ بضرب اي طفل بالمدرسة وحتى لما احد يتعدى عليه ماااا يرد.. هذي مشكلتي..

اخواني وعيالهم يعلمونه ويقولون له اللي يمد يده عليك لا تسكت عنه .. بس والله احس اني من داخلي مو راضية عن هالشي..ما ابيه يتعلم على العنف وبنفس الوقت يكسر خاطري لما اشوفه ما يعرف ياخذ حقه

الله كريم وان شالله يارب الله يخلي لج عيالج ويحفظهم لج..تحياتي لج

اختي موضوعك حلو ..!!
واكيد بستفيذ من الموضوع..
في السنوات القادمه ان شاء الله..
خصوصا انه ولدي للحين صغيرون ..!
عمره سنه و3 شهور تقريبا ..!

عموما مو غلط تعلمين ولدج الصح من الغلط ..
بس الاكيد انو ما تحدين من شخصيته ..!
و مع مرور الوقت اهي الا بتحكم كيف يتصرف ..

يعني ممكن تقولين له هذا عيب وهذا غلط ..
بس لا تخلينه ينهي الشي على حسب ما انتي تقولين ..!
يعني مثلا انتي تقولين انه اذا احد ضربك هذا اخوك وجذي ولا تضربه..

ممكن تفسرين له الغلط من الصح وبس ..! وهو يتصرف مثل ما يبي..
ومهما صار بين الاطفال حلو لكبار ما يدخلون ..!
ومع مرور الوقت بيعرف شلون يتصرف ..
لانه اذا انضرب وظل بدون لا يسوي اي شي …!
بتسوين شخصيته جبانه وخوافه ..
خلي تلقائي والا يحس في يسووي ..
كلنا كنا اطفال ومع مرور الوقت عرفنا انه ده غلط وده صح ..!

علشان جذي نصحيه خلي يسوي مثل ما شخصيته توديه ..
على الموقف حلو تنبهينه انه غلط وصح .. بس خلي يتصرف ..!
هذا رايي واتمنى اكون افدتج ولو بشكل بسيط ..!

هذا الموضوع كان يراودني لان المشكلة نفسها اعاني منها مع ابني علمته مايضرب وكل شي نفسك كأنك تتكلمي عن نفسي بس بصراحة تضايقت من الايصير لابني تخيلي ان كان طفل معاه في المدرسة نزعه قميصه اكثر من مرة وهو ساكت ولما اعترف خليت ابوه يتدخل ويكلم المدرسة علشان يتصرفوا وطبعا غير المواقف اللي يحصلها من ضرب وغيره صار ابني مايعرف يدافع عن نفسه وشخصيته ضعيفة احس السبب احنا الامهات واتمنى الموضوع يتثبت للامهات لان فعلا هذي مشكلة تربوية واجتماعية يمكن يشوفها البعض صغيرة بس هذي من اساسيات تكوين شخصية الطفل من ناحية تربوية واجتماعية ولو ودي ينعاد الزمن وتكون شخصية ابني اقوى بس في حدود الاحترام
هذي نفس مشكلتي مع بنتي الحين توها في الخامسة ماكانت تدافع عن نفسهااا حتى اللي اصغر

منها يضربوها وهي بس تطالع او تصيح الحين هي بالروضة الحمد لله ان الروضة راقية واللي فيها كلهم

مؤدبين يعني مااتوقع توصل لضرب الاطفال الحين توها بدات شوي تدافع عن نفسها بنفسها

يعني لما كانت صغيرة كله تنضرب اقول اليها اضربي اللي يضربش ماترضى ابداااااااا ولا تعرف

الحين هي فهمت انها لازم تحمي نفسها شوي يعني ولدش بيتعلم بعد فترة يدافع عن نفسة بنفسة

ولو تخلي ابوة يروح للمدرسة ويكلم المدرس يكلم طلاب الفصل ان ممنوع الضرب وانتوا اخوان بدون لا

يكروا اسم ولدش ويحببوهم ببعض

أخواتي الغاليات
أم علاوي
إيسمار
رابنزول

اسعدني مروركم.. وردودكم القيمة فرحتني واااااايد.. والله يخلي لكم عيالكم يااااارب..جزاكم الله خير..

ويااااااريت باقي الامهات يدخلون ويردون علينا ويعطونا رايهم

هلا أختي الله يحفظلج ولدج يااارب..

لا انتي مو غلطانة ابداااا… بس لازم تعلمي ولدج الدفاع عن النفس
يعني لما حد يضربه خليه يكون قوي ولا يخاف ما يسكت…
يخبر الاستاذ ولا المدير علشان يعاقبو الي ضربوه بس لا تقوليله هذاك اخوك
لا تضربه لا.. كذا شخصيته بتكون ضعيفة..
ولدي عمره سنة وتسعة شهووور.. اذا حد صرخ في وجهه من الاطفال يرد الصرخة
باقوى خخخخخخخخ والله الي عنده من الاطفال يخافوا.. دوووم مأذي بنت عمه يصرخلها
ويسوي حركة انه متعصب وهي مسكينة تصييييييييح.. الله يحفظهم…

عروس اقتباس عروس   عروس المشاركة الأساسية كتبها عروس جنان عروس عروس   عروس
     
 

هلا أختي الله يحفظلج ولدج يااارب..
لا انتي مو غلطانة ابداااا… بس لازم تعلمي ولدج الدفاع عن النفس
يعني لما حد يضربه خليه يكون قوي ولا يخاف ما يسكت…
يخبر الاستاذ ولا المدير علشان يعاقبو الي ضربوه بس لا تقوليله هذاك اخوك
لا تضربه لا.. كذا شخصيته بتكون ضعيفة..
ولدي عمره سنة وتسعة شهووور.. اذا حد صرخ في وجهه من الاطفال يرد الصرخة
باقوى خخخخخخخخ والله الي عنده من الاطفال يخافوا.. دوووم مأذي بنت عمه يصرخلها
ويسوي حركة انه متعصب وهي مسكينة تصييييييييح.. الله يحفظهم…

 
عروس   عروس

الله يحفظ لج ولدج يااااارب…
والله الحين احاول اغير طريقتي معاه واقول له هالشي وان شالله ينفع
تحياتي لج اختي عروس

كل الشكر للأخت رانيا البحرينية.. لتغييرها عنوان الموضوع.. عشان كل الاخوات يدخلون ويشاركونا بآرائهم وتجاربهم

في انتظار مشاركاتكم أخواتي الكريمات

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.