شخباركم يا عرايس
احترت وين احط الموضوع , مدري مكانه صح أو لا
كـــــــــــل عــــــــــام وأنـــــــــتم بـخــــير وعيدكــــــــم مبــــــــارك .. مقدماً
بناات أنا محتارة شهدي (اعطي ) زوجي عيدية خصوصاً انه أول عيد يمر علينا وحنا متزوجين < الله يخلينا حق بعض
فكرت اشتري له قلم ألماس < يموت زوجي على الشي الفخم و الكشخة والماركة حتى ..
انزين واغلفها وحطها بستاند عليه ورود وفكرت بعد احط على كل وردة دولار كعيدية مني … مادري شرايكم و اللي عندها فكرة بعد تفيدنا وجزاها الله خير ..
وشكراً
حلوة فكرتج
وتقدرين تاخذين له طقم قلم وأزره مع بعض
عند الماسيه اشيه حلوة وبعد في مجوهرات دمشق
وفكره الستاند وايد حلو وخاصه فكرة في كل ورده دولار حلوة وووايد
وتقدرين بعد تحطين كافي معاه
انا عندي لج فكره حلوه ..
تشترين عطرين و قلم ماركه و بوك ماركه و كبك ماركه (لو يستخدم)
و تودينه عند محلات التزيين .. و تخلينهم يغلفون الهدايا بالاحمر .. و يحطونه في بوكس احمر .. و البوكس ما يكون مسكر .. يعني الهدايا تبين بس تكون مغلفه .. و يحطونه عليه الشفاف ..
و اشتري بطاقه يكون مكتوب فيها اشعار حب ..
و لو ما حصلتي .. تقدرين انتي تكتبين عالبطاقه ..
و تحطينها عالشفاف ..
و رووووعه بتطلع الهديه ..
ما ادري لو عندكم باريس غاليري .. ؟ انا خذت من باريس غاليري و خليتهم هم يرتبون لي في البوكس ..
وبقية الهدايا خليها حق مناسبات ثانيه…
ممكن تشترين له… بدله كشخه أو حذاء تكرمين…
أو أي شي تحسين إنه ناقصه..
الله يحفظك إنتي وزوجك لبعض…
أنا مثلك أول عيد يمر عليه أنا وزوجي…
وكنت محتاره مثلك إش أشتري له؟؟؟
ويوم رحت السوق لقيت خيارات كثيرررررررررررره
لدرجة إني احترت مره ثانيه!!!
وأخذت له فنيلتين علاقي حركات رمادي وزيتي شبابيه مووووووت
وأخذت له كذا جوتي للجامعه…
بس إممممممممممم أحس ناقص شغلات كثيره….
وبعطيه ريالات هههههههههههههه عيديه!
لا أمزح بعطيه شي يستاهله…
ومابوديها عند محل يزينها وكذا أحب التزيين البسيط وإللي
يكون فيه لمستي الخاصه والسحريه ههههههههههههه
<<أسولف بس…
تقبلي مروري…
انا شريت لزوجي ساعه كورلوف من البلو صالون تهبل نيو كولكشن وغلفتها وبحطه له على المخده مع ورده حمراء
ومفرش سرير جديد وقميص نو م لي جديد
وبغير بعض ديكورات الغرفه والصالة
أنا شريت بوك cartier شكله خبال وااااايد حلو…من باريس غاليري
وبعد قلم من crstien dior لونه ذهبي.. من باريس غاليري
وعطــــــور بعد باريس غاليري…
وبعد نعال أسود من محلات فارس جان تعرفينه…
وأخذت استاند عليه قاعدة بعد بالذهبي…
وقلت بسير باتشي بخليهم يرتبولي الهدايا على الاستاند مع بعض الاكسسوارات والكاكاو
وبحط خردة بس والله لين إلحين ما أعرف كم أحط يمكن ما بين 1000 إلى 2000 وبخليهم يحطولي إياهم بطريقة حلوه…
وبس… قولولي شو رايكم بفكرتي؟؟؟؟؟
ان شاء الله رياييلكم يستانسون عليها
روووووووووووووز