أخواتي يوم السبت 5 – 6 – 2024 إن شاءالله بسافر الى ماليزيا وعندي بنتي فديتها عمرها سنة وحدة … وايد محتارة كيف بتكون تغذيتها في السفرة لأني أبدا ما أعطيها أي شي غير اللي أطبخه في البيت .. يعني أي أكل من الجاهز أبدً ماجربته
أفيدوني الله يخليكن
انا لمه سافرت مع ولدي اخذته سيريلاك ورايس ملوبا وخضار ملوبا
شسوي مطره اعطيه جذيه لانه مااقدر اطبخ بالسفر
الروب الزبادي بسهولة تحصلينه هناك.. أخذي معاك الجبن المربعات ممكن تعطينها مع السلايس… اي وعلى فكرة الأجبان ماهي كثيرة في البوفيه مال ماليزيا يعني أخذي معاج او الجبن المعصارة انا كنت انزله كل يوم حق ولدي واعطيه مع السلايس او الكرواسان…
سفرة سعيدة وترحون وترجعون بالسلامة,.,
اعتقد كلشي متوفر هناك وتقدرين تطبخين لها اللي تطبيخينه في عمان
الله يوفقكم
والا بتغربلين ادا ما تاكل انا سافرت اغراض ولدي كلها وديتها ايايي و كان تمام اشوة كنت قاريه مواضيع بالمنتديات عن التجارب السيئة للطفل اثناء السفر و اصريت اني اخد اكله كله ايايي لاني مسافرة شهر كامل
و خديت الخلاط الصغير و حليب و بعد طول السفره و هو في اسهال و فيه طفح حفاظ و سخن مرتين
و الحبوبة بنتي من رحنا لين ما ردينا يمكن والله العظيم تاكل جكن ناجتس وحدة بس لان البلد اللي رحتها مافيها مادكونالز في كل مكان و رجعت و بنتي ضعيفة و كشتها كشة للحين تقول لي انا ما ابي اسافر اياج بقعد ايا يدتي من التعديب اللي جاها
و خدي بعض الادوية ادول – مضاد حيوي بودرة – دوا الزوع و الاسهال – دوا الكحة تحاميل احتياط فولتيرن و بندول – دوا الزكام
يعني احتياط ان شاء الله اسم الله عليها ما يجيها شي بس كام لازم تكوني مستعدة
انا بصراحة استعملت المضادات مع اني رحت لدكتور بس ووصف لي نفس المضاد و دوا الصخونة اللي لا يراويج خلى ولدي يصبب عرق قمت و عطيته من االلي اوديهم
و في الطيارة تقدرين تقولين للمضيفة ابي ماي للحليب هم مستعدين بصراحة تعطينها المرضعة و تقولين حطي 200 مل او حطي حليب و ماشي الحال
ولا تنسين غيارين على الاقل لان و الطيارة تقلع ولدي و انا في الحمام اسهال مسكين من الخرعة
و انا اولادي عندهم ربو يعني قبلنا مكينة البخار
و سفرة ممتعة ان شاء الله وتروحين و تردين بالسلامة
اي صج لا تنسين كبوس لبنتج عن الشمس