جبتلكم طريقتى في عمل الكانيلونى
ممكن طبعا يتعمل منه حلو وحادق بس انا بحب الحادق منه
وادى شكله النهائي
ودلوقتى هحط المكونات والطريقه
المكونات
1.5 كوب دقيق
2 كوب لبن
3 بيض
لحم مفروم معصج
ملح وفلفل
للتغطيه
كوب عصير طماطم
3 ملاعق كبار جبن رومى مبشور
الطريقه
نبجهز الدقيق
نضع على الدقيق الملح والفلفل
نضيف اللبن
ثم البيض
نجهز الطاسه لازم تكون تيفال ونمسحها بملعقه سمنة
وتؤخذ كبشه او مغرفه كبيرة من المقدار وتوضع على الطاسه
هتاخد شكل الطاسه المدور
نستني لحد ما تجمد ونلاقيها بتنفصل عن الطاسه
نقلبها عالوجه الاخر
ونكرر العمليه مع باقي المقدار حتى تنتهي الكميه
ناخذ قطعه ونضع على حرفها لحم مفروم وممكن سبانخ او اى شيء للحشو
ونلفها
ونضعها في صينيه مستطيلة حتى تنتهى الكميه
نضع كوب الطماطم المعصورة
وعليها الجبن الرومى
نضعها في الفرن حتى تذوب الجبن
وبالهنا والشفا
معقول الاكلة معجبتش حد
"اللهم رب الناس، أذهب البأس، واشف، أنت الشافي لا شفاء إلا شفاؤك، شفاءً لا يغادر سقماً”
أسأل الله العظيم رب العرش العظيم أن يشفي أخى
تسلم ايديكى ياقمر
جزاكم الله خيرا على مروركن الطيب