البنوتة طبقت وياها هالشي صارت وايد متوترة وما تنام وتظل بالساعات صاحية وتصيح وانا اصيح وياها
واليوم صرت من اقربها من ذراعي تنام وهي مقربة راسها من صدري وبعدين اخليها بسريرها وتنام بهدوء
مع العلم اني ارضعها صناعي
شرايكم يا امهات؟؟ انيمها على ذراعي والا لا؟؟
بس بعدين صرت انيمه بس في النهار على السريره وانا ارقد وياه
وبعدين اتعود صار حتى في الليل ينام ابروحه بس لازم انا معاه اكون
وشكرا
فديتها الغاليه نجوده يسلمها ربي
والله يا أم شجاع مدري بشنو أنصحج لأني والله وأني اقرا موضوعش وارد عليه وبنين على دراعي
وأني أشوف الافضل أنش ماتعودينها النوم عالذراع لانهم بيكبرون وهم يحبون هالوضعيه
أمي بالسابق نصحتني لمن كنت بنفاسي بعلوووي وما طعتها وتندمت ….
لاني كنت كل حاطه علوووي بحضني وحتى هو قاعد أو نايم
وما حسيت بأني غلط بتعويده عالحضن الا لمن جيت شقتي بعد النفاس
وصار ماينام ويقعد الا بحظني صار عود وهو ماينام الا بحظني
وكان يحب يلعب في الارض ومايرضى اشيله فدراعي
معني انا اموت عليه هههه وكله ابغا اشيله
وكله يقولون لي بيتعود بيتعود ولاشوفه اتعود ولحد اللحين ماشاءالله عليه عمره سنه وشهر ومايحب وايد الشيل يحب يمشي بروحه ويروح للكل ماشاءالله عليه
ولدي عادي ما شاء الله عليه مع اني وحدة كنت ع طولللللللللللللل حاملته متخرعه فيه وهو بجري واول حفيد في بيت اهلي من جذي كله حاملين وحاطينه بحضنهم
بس احين ما شاء الله عليه من صار يقعد عاددددددددي يحب يلعب ع الارض ويفضل الدراجة ههه
واوقات اذا مشغولة اخليه بسريره وينام لحاله الحمد لله
في أمان الله
انا ولدي كنت ما اعرف ارضعه قاعدة لازم منبطحة لانة صدري صغير جدا
ووضيعتي من اول ما جبته اني انبطح صوبه وارضعه لكن هو بعد اسبوعين يصيح كل يبى حظني
ولما كبر اكثر صار ما يرضى بس بحظني وانا قاعدة لازم احمله وادور ابه
رغم اني ما علمته هو متعلم بروحه والي يشوفني يقول لي انتين علميتيه
انا الي سويته انه ما يسكت في سريره فاخذه في حظني
واذا ما سكت في حظني وظل يصيح شنو اسوي في هالحالة
اكيد بحاول اسكته واذا ما رضى يسكت اقوم احمله وادور ابه ويسكت يعني انا اشوف هو الي يبي جذي ومو انا الي عودته مثل ما الناس تقول
وعلى فكرة ولدي الحين عمره 3 سنوات ونص وينام في حظني وساعات ما يرضى ينام ويقول مافيه نومة
احمله وادور ابه عشان يتعب وينام واعتقد ان كل طفل يختلف عن الثاني
واذا تعبان عادي ينام بروحه بس ينام صوبي على السرير وهو مجود يدي وبعدين اشيله اوديه سريره
اذا تنام بروحها استانس احسها كبيييره
صج عندكم وعندنا خير
أني ولدي ما ينام إلا على ذراعي ولما أشيله يقعد ولين ما أحسه خلاص نام أشيله من صوبي لكن من أقوم من على السرير يقعد واذا أحطه في سلته ما يطول في النوم
لازم يبغيني صوبه وأنس واجد متأذيه من هالشي ولاني عارفة شلون أعوده ينام بروحه
المشكله اذا أني تعبانة أنبطح صوبه وأرضعه وأغط وهو ينام ويظل على ذراعي
الله يعينا