حيّا الله عرايسنا الحلوين…
هذي الكيكة، تقدم دافية، و مع كوب كوفي مممممم يا سلاااام 
أنا سويت نص المقادير، لكن بكتب لكم المقدار كامل…
بسم الله نبدأ…
نجهز صينية كيك مستطيلة أو مربعة، و ندهنها بالزبدة، و نحمي الفرن على حرارة 325 فهرنهايت=160 مئوية…
مقادير الكيكة:
125غ = إصبع و ربع زبدة بحرارة الغرفة
نص كوب سكر
بيضتين
كوب طحين
1 و نص ملعقة صغيرة بيكنج باودر
1 ملعقة كبيرة حليب بارد
3-4 تفاحات (يفضل إستخدام التفاح الأخضر)، مقشر و مقطع شرايح رقيقة… (قطعوا التفاح قبل ما تصفونه عالكيكة على طول، عشان ما يصير لونه بني)…
نص كوب مربى مشمش، ندفيه شوي عالنار
أول شي نخلط الزبدة مع السكر…
بعدين نضيف عليهم البيض و نخلط لحد ما يمتزجون مع بعض…
في الأخير، ننخل الطحين و البيكنج باودر على مقدار البيض…
خليط الكيك بيكون عندنا ثقيل شوي، مو سائل مثل الخليط العادي، فنحطه بصينية الفرن اللي جهزناها، و نساوي الوجه…
نجيب بعدين شرايح التفاح و نصفها على الوجه، و ندهنها في الأخير بمربى المشمش اللي دفيناه…
ندخلها الفرن لمدة 40 دقيقة… و هذا شكلها لما طلعناها…
نخليها 10 دقايق قبل ما نقطعها، و في هالوقت نجهز صوص التوفي…
نص كوب سكر بني
نص كوب كريمة خفق
50غ = نص إصبع زبدة
نرفع المقادير في قدر صغير على نار متوسطة…
نحرك المقادير بدون ما نغليها، لحد ما يذوب السكر، بعدين نزيد الحرارة، و أول ما تغلي نرجع نخففها مرة ثانية… و نخليها تغلي بهدوء لمدة 3 دقايق، أو لحد ما يثقل الصوص…
نقطع الكيك و نوزعه في صحون، بعدين نصب عليه الصوص على طول… و هذا شكله…
و هذي صورة عن قرب…
أتمنى إنكم تجربونها، لأن طعمها رائع… و بالعافية عليكم (f)
واااااااااو شكلها روعة والله
الله يعطيكي العافية على الحلى الرائع شكرااااااااا
تجننن ماشاء الله تبارك الله
شكل الطبق يفتح النفـــــــــس
يعطيــــــــــــج العافية يااارب
تسسسلمين يا ديوووسة .. مع اني ما أحب طعم التفاح كثير في الكيك بس ماشاء الله شكل الصور تغري .. وباين على الكيكة رهييييييييبة مع الصوص..
الله يعطيج ألف عافيه يارب
تسلم الايادي ياعسل
رووووووعه الصور والشرح
تسلم الايادي
 |
اقتباس |  |
 |
المشاركة الأساسية كتبها توت 2024  |
 |
 |
| بجد والله ذوق تسلمين وجاري التطبيق | ||
 |
 |
الله يسلمج عزيزتي (f)
|
اقتباس | |
|
المشاركة الأساسية كتبها amoula000 |
|
|
| واااااااااو شكلها روعة والله الله يعطيكي العافية على الحلى الرائع شكرااااااااا |
||
|
|
العفو حبيبتي، و انتي الأروع بمرورج (f)
|
اقتباس | |
|
المشاركة الأساسية كتبها ^ السفيرة^ |
|
|
|
تجننن ماشاء الله تبارك الله شكل الطبق يفتح النفـــــــــس يعطيــــــــــــج العافية يااارب
|
||
|
|
الله يعافيج و يسلمج يالغالية…
نورتينا (f)
|
اقتباس | |
|
المشاركة الأساسية كتبها همسه الشوق |
|
|
| وعليكم السلام ورحمه الله وبركاته..
تسسسلمين يا ديوووسة .. مع اني ما أحب طعم التفاح كثير في الكيك بس ماشاء الله شكل الصور تغري .. وباين على الكيكة رهييييييييبة مع الصوص.. الله يعطيج ألف عافيه يارب |
||
|
|
حياج الله يا هموسة… جربيها بتعجبج إن شاء الله
|
اقتباس | |
|
المشاركة الأساسية كتبها kholoud_sa |
|
|
| ماشاء الله شكله لذيذ تسلم الايادي ياعسل |
||
|
|
الله يسلج و يخليج عزيزتي (f)
|
اقتباس | |
|
المشاركة الأساسية كتبها أم نجود الأحساء |
|
|
| يعطيك العافية | ||
|
|
الله يعافيج حبيبتي…
نورتينا (f)