مشكلتي ويا حمود فالطلعه ساعدوني 2024.

مرحبا امهات .. اشحالكم..

عندي مشكله شبه يوميه مع ولدي محمد الي عمرة 4 سنوات

بشرحلكم الوضع واتمنى انكم تساعدوني

طبعا اغلبكم قرا موضوعي في قسم الشكاوي من عمتي كيف كانت تتصرف ويا عيالي مقارنتا بالبنت الي تربيها والي اكبر عن حمودي ب4 شهور

وبحكم انهم اطفال وفي بيت واحد يحبون يلعبون ويا بعض ومتلعقين في بعض ..

المشكله ان محمد يوم ابا اطلع البنت تمنعه بطريقه غير مباشره بتقولون كيف …

تقوله نحن بنسير البحر …. ولا نحن بنسير مول .. ولا نحن بنسير حديقه .. وطبعا اتالف من مخها وما يسيرون …

وهو يرفض ان ايي وياي حتى لو قلتله انا بوديك المكان الي تباه يقولي لا ابا اسير وياهم واشيله غصب اركبه السيارة وهو يصيح صياح هستيري …

مع اني اغريه وانفذ الي اقوله .. مثلا اذا قلتله بوديك محطة البترول اوديه .. واذا قلتله بوديك الحديقه اوديه …

ولا اذا قلتله لا تسير فوق عندهم ما يسمع كلامي يركض يسير .. اما البنت اذا عمتي قالتلها لا تنزلين ما تنزل .. تسمع الكلام .. مع انها دلوعه وما يرفضولها اي طلب ولا يرضون ان احد يقول عنها اي شي …. بس ما شاء الله عليها تسمع الكلام عكس ولدي ..

والشي الثاني ان البنت يوم تقوله بخبر عليك الاسد يركض ايي عندي يقولي ماما بتخبر عليه الاسد اقوله وين الاسد مافي اسد الا في حديقة الحيوانات يقولي لا هي قالت .. يعني يصدقها في كل كلمه تقولها واذا انا قلتله شي ما يصدقني ….

عطوني الحل كيف اخلي ولدي يركض وراي من اطلع ويسمع كلامي يوم اطلب منه شي …!!!!

ما شاء الله ولا رد ..

جزاكم الله الف خير على الاقل وحده من ال67 الي دخلوا بس يدعولي

الغاليه في طرق وايد تخليج تخترعين أساليب في التعامل مع ولدج..

المشكله هاذيلا يهال.. ما يفهمون

أنا أقترح عليج حل ..

ان تاخذين فتره طويله ما تودينه "ابعديه شوي عن البنيه" وانتي خذيه و طلعي و سوي مثل ما تسوين انتي يوم تقولين بوديك و وديه..

حاولي انج تيبينه باسلوب .. قوليله " حبيبي أنا كل يوم بوديك مكان..انته بس قولي وين تبا و أنا بوديك"

شوفي شو يطلع وياج هاذا بس عشان تراوينه انج صادقه معاه في التعامل

أما بالنسبه للبنت..أباج تحطينه في موقف مثلا وانتو هناك.. برايه خلي تخرط عليه شوي لأن هاذا من طبيعة الطفل أصلا " لا تحاتين" يعني مثل ما تقولين هي تقوله بنسير و بنسير و آخر شي ما بيسيرون " قوليله سير اسأل يدتك بتسيرون ولا لأ؟" خليه يسمع الجواب منها

عزيزتي اقري هالموضوع يمكن يفيدج أكثر
http://go.3roos.com/eSpNcqax2Q8

..

البنات طبعهم يسمعون الكلام احسن من الاولاد

شوفي اذا قالتله بنسير البحر او المول .. قولي لولدك اوكي .. بنسير البحر او المول ننتظرهم هناك
او مثل ما قالو الاخوات قبل .. روح اسأل جدتك وتعال ( اخاف الجدة ما تبي تكسف بنتها )خخخ

المسألة سهلة بإذن الله .. مسألة وقت وبيكبر ولدك وبيفهم

نوفه الجميله>>>اسكريم بالعسل>>>الشريفة هيا

مشكورين على اقتراحاتكم ..

بس ما بتصدقون اني طرشته كمن مره عند يدته ومثل ما قلتوا ما تبا تكسر بخاطر البنت وتقوله هي بنسير وهي تعرف انها ما بتسير … حتى يوم يطلعون بيسيرون عندهم موعد يقولوله بنسير الحديقه ولا البحر .. يعني فالنهايه يطلعون وهو يصر اسير وياهم وانا ما اخليه ويتم يصيح واضطر انا اوديه …

وبالنسبه للقصص يا مكثر القصص الي فيها عبر وامثال اقوله لكن يوم يشوفهم بيطلعون واذكرة بالقصص يطنشني .. مثل ما تقولون مسحووور الولد فيهم ..

قلت بخليه مرة عندهم اذا كنت بسير حديقه خليه يتادب ييلس وياهم فالبيت بس اخاف عمتي تطلع وتخليه بروحه لانها سوتها كمن مرة … واذا خذته يوم ترجع تقعد تتشكى انا اعرف ولدي يطفر فالطلعه ..

تعبت مب عارفه كيف اتصرف لا وبولد عقب شهرين يعني التعب بيزيد وحمود على هالطبع …

تصير مع ابني هالحركة هم اطفال ويندمجوا مع بعض والطفلة شايفة انه هو الا دائما يجيها فصارت لها شخصية عليه وهو يحبها يسمع كلامها ويصدقها وهي تبغاه معاها تغريه بشتى الطرق علشان الاطفال مايستغنوا عن بعض وهو عارف ان هي اللي بتسليه اما شقتكم او الطلعة معاكم ماتهمه كثر مايكون مع طفل من سنه اعتقد تجربي فكرة الشريفة هيا او انك تاخذي الطفلة كل مابين فترة تلعب معاه في الحديقة وتخبريه اذا يصير شاطر ويسمع الكلام بتاخذيها معاكم المرات الجاية الله يهديهم هالاطفال او تخبريه اذا ماسمع كلامك بتزعلي منه والمرات الجاية مابتخليه يروح عندها ابدا

الله يعينك

مجربه مع بنتي العناد وللحين ماني عارفه كيف اتفاهم اياها

بس لاحظت لما اهدئ اعصابي وأكلمها بهدوء وبعدين أحقرها تهون عن السالفه اللي تبغاها وتسكت جربي احقريه بس قبل لازم تقولي له الأسباب انهم بيروحون موعد مثلاُ مو الحديقه وهكذا وإذا مافاد أحقريه

ههههههههههههههههههههههههههههه مشكلتك عويصه اختي انا زيك عندي
بنتين الله يحفضهم هم يمشوني بمزاجهم
بس عندي لك فكره جربيها
يوم تخرجين من بيت عمتك والبنت تقوله بنسير البحر ولا بنسير المول
قوليله يالله حبيبي حنا نروح قبلهم البحر عشان نشتري اسكريم ولا شوكلات
وهم يجون بعدنا وقوليلهم بصوت عالي قدامه يالله بسرعه لاتتاخرو نستناكم
وروحو اي بقاله اوجمعيه واشتروله اسكريم اوشوكلات بعدين سوي ان الجوال حقك دق وسوي نفسك تكلمي البنت وانهم ماهم جايين يضحكو عليه هما بينامو وقوليله شفت تضحك عليك بس
<<<<<<<<<<<<<<<< بس كيف انفع مؤلفه هههههههه انشالله تنفع معك

هههههههههههه حلوة فكرة ام لولينا افكار جهنمية وان شاء الله تنفع مع حمود