معرض الحشرات في سيتي سنتر البحرين تجربة حلوة لأطفالنا 2024.

السلام عليكم ورحمة الله وبركاته

صار لي مدة ما انزل مواضيع بسبب ظروفي الشخصية ومشاغل الدنيا اللي ما تنتهي

بدون لا اكثر كلام ندخل في الموضوع مباشرة

قبل ليلتين طلعنا انا وزوجي وبنتي ورحنا ستي سنتر

المفاجاة انه كان في معرض للحشرات داخل المجمع

وبصراحة المعرض روعه يعني كل وحده عندها اطفال تروح ترى جدا مفيد

وفيه اقسام متنوعه
يعني بالصور راح تفهمون قصدي اكثر

طبعا فيه اقسام الى الحشرات وجميع المعلومات عنها ووظائفها ووظائف جميع اجزاء جسمها

بالاضافة الى قسم فيه عدد كبير من المجاهر يعني كل طفل يقدر يتعرف مثلا على ارجل الحشرات بجميع انواعها

وقسم خاص بالمطبخ وفيه شلون لازم الاطفال يديرون بالهم على الاكل حتى لا تجي عليه الحشرات

المهم رروحوا فسحوا اولادكم وخلوهم يستفيدوا

الحين جا وقت الصور وطبعا في قصة ظريفة صارت لنا واحنا بالستي سنتر ( بس ما كنت حامله كاميرا فكان نصيب التصوير بالموبايل )

لما رحنا في البداية كانت لابسة فانيلة بحرية وتنورة جينز
وهاذي صورتها بنوتتي الحلوة ولاحظوا وراهادعسوقة كبيرة في معرض الحشرات وكانت تتحرك بعد

المهم بكمل لكم قصة ملاكي بعدين بخليكم الحين مع الصور من المعرض

هاذي صورة بحيرة صغير وما ادري اذا تشوفون القزم الصغير
وطبعا عند حافه البحيرة فيه مجهار صغير
تقرأون الصفات وتطالعون ويش يطلع لكم

هاذي الصور حق صندوق عليه اسئلة والجواب داخل الصندوق

وفيه بعد صور للحشرات

هاذي تماثيل الى العقارب وتتحرك بعد

وهاذي الصورة من قسم المطبخ وطبعا ادرج المطبخ كل درج فيه معلومات عن شي معين

وهاذي حق تعليم الاطفال اذا تركوا الاكل على الطاوله بدون لا يغطونه شنو يصير فيه ؟؟؟؟؟

انجي الى ملاكي القمر طبعا دخلنا معرض الحشرات وكانت لابسة لبس وبعدين ما نشوف الا داقة صرعتها وتصيح وتصيح ولا ندري عن شنو المهم رحنا فوق فناء الماكولات واكلنا و كانت تبغي لازم جبس وكشب وجبن واخذنا لها ولكن الله لا يراويكم وش سوت في روحها
المهم لعوزت روحها من فوق الى تحت وطبعا هاذي صورتها بعد تبديل ثيابها

في النهاية اتمنى انكم استفدتون لو بجزء بسيط

واللي يعجبها موضوعي تدعي ان الله يعطيني اللي في خاطري
واللي تحب تقيمني نو بروبلم

بصراحة ما ادري الى متى لكن ما صار ليه فترة من افتتحوه

اعتقد بيخلونه فترة معقوله على اساس احنا في الاجازة الحين