هذا الملف بيكون ملف شامل إن شاء الله بمساعدتكم ..
باطرح تساؤلاتي وطرحوا تساؤلاتكم
وباجاوب وجاوب
ونتشارك .. عشان يكون فعلاً ملف شامل لكل عرايس البحرين .. والدول الخليج
بالنسبة للمكياج أنا محتارة وين ممكن أحط مكياج ؟
عند فردوس ،، صالون خولة (خولة) ،، نورة الكعبي ،، أنا جربت خولة في الخطوبة طلعتني صراحة قمر بشهادة الجميع وبعيوني شفت جمالي زاد 
وصراحة ودي أجرب فردوس بس ما ادري إذا أسعارها هي نفسها 80 دينار شامل المكياج والتسريحات .. وهل مكياج بيطيح علي ،، صراحة خايفة ،، ونورة الكعبي ما ادري بجم بس بعد خايفة … وطبعاً الشعر باسوي عندهم لأن ماعندي وقت وخاصة إني من المحرق ..
والله ودي أجرب وحيدة .. (صالون رونق) .. كلمن يقول يسوون الشعر عجيب .. بس وين اسوي مكياج قريب منها .. وايد صعبة..
صراحة محتارة والوقت ضايق عندي ومو عارفه من أحجز حق الشعر ابي يسوون شعري حلو وخاصة إني شعري ناعم بس جاف من الأمام اشوي وخشن وأحس يبيله سمات أكثر يعني مد أكثر
ومخليه للمكياج والشعر أكثر شي 80 دينار؟؟؟ اشرايكم وين اروح
أبي اطلع حلوة ..
وابي أحجز حق المكياج والحيرة بعد ماكلتني .. من اخليهم تحط لي مكياج .. ملامحي ناعمة وما احس أحد يجيدها .. وويهي وايد صغير .. ابي وحدة تطلعني كدة على سنغة عشرة …
بالنسبة للحناية بعد ابي احجز حناية
في المحرق عندنا راضية العجمية بس لغوية وتتأخر وأعرف وحدة اسمها عفاف جربت حنها .. صراحة مو فن شكلها ما تعرف تحني عرايس .. سمعت عن شهناز هندية بس ما ادري
ابي وحدة سريعة وحنها حلوة ومشهورة وتقدر تحني جماعة
ابي وحدة اقدر ايبيها البيت لأن العائلة بتتحنى معاي .. وأبي حنى تقريباً ادفع 20 دينار أو كلش كلش 25 دينار .. من حنها حلو وناعم تسوي حنى عروس مال اول تترس اليد تراس بالنقش ..
وابي اسوي دفه وشيله ..؟؟
وين ممكن يسوون لي ستايل كشخه وراقي .. وخاصة إني ما احب الألوان وايد .. بس احب حركات ناعمة .. وابي حركات حق عروس ..
السديم والله ذوق الأميرات (لعلم اسوي دفاتي عنده) والله وين؟؟
ابي دفه حق عروس ؟؟ شلون تكون لازم وشلون لازم ما تكون ؟؟؟
واشياء وايد محيرتني ؟؟ ابي جواب عليها ..
وإذا اي وحدة عندها تساؤل تطرحه وإن شاء الله بنجاوب عليها
😮
روحي عايشه البلوشي مكياج وشعر وحيده الكل يمدحهم
أحتج الدااانه
المكياج أنصحج بفردوس الحلواجي
او ميساء القلاف روعة مكياجها انا مجربتها تسوي ستايل لبناني ناعم وراقي
عبايات دانيا في المحرق عندهم ستايل حلو
الحنة صراعة ما أثق إلا في رشنا يعجبني حناهم
هذا راي واتمنى اني اكون ساعدتج
المكياج احلى شي سلوى والشعر كمان او عندك صالون العفراء بسوق واقف واجد حلو
والحين مسوين طراز جديد وروووووووعة انا من جم يوم شفت مكياج وشعر الى بنت
في العفراء وتقريبا مثل ما وصفتي شعرها والملامح زيك وطلعت تهبل
الحنا فيه بنت اسمها سميرة بالرفاع حنا كثير حلو
وبعد في بنت بجدعلي بعد حلو وعندي بنت تحني
حلو حناء هندي واماراتي وبحريني ورخيص
والدفه الحسناء ودانيا وال ابراهيم وابو حسن حلوين بالمحرق
وان شاء الله افدتك باللي تبين
والف الف الف الف الف مبرووووووووووووووك
تحياتي
ونة حزن«®°·.¸.•°°·.¸¸.•°°·.¸.•°®»
مكياج = وايد يمدحون عايشة البلوشي وفردوس البعض يعجبهم ستايلها والبعض لا وسمعت وايد عن وحدة اسمها سلوى فالمنتدى اتسوي مكياج حلو و صالون العغراء في مدينة حمد رووووعة مكياجهم
الشعر = وحيدة فنانة ماشاء الله عليها و وحدة تشتغل فالريجنسي اسمها نهاد سوت شعر بنت المحروس اذا جفتي صورتها على غلاف مجلة ليالينا وايد حلو كان
الحنة = وايد اسمع عن رشنا يقولون حلو
تفصيل العباية = اختاري موديل ناعم وراقي واهم شي تختارين خلق كشخة عشان يطلع لج الموديل طبعا من تجربتي احس مافي احسن من الكريب السعودي الياباني ماعرف محلات العبايات في المحرق بس فالرفاع شغلهم حلو عندج بيت العبايات موديلاته شي شي بس اسعاره نار وعندج مونتانا يسوي لج الموديل اللي تبينه بالخلق والسعر اللي يعجبج وتقدرين تقاصصينه ويوافق مايغربل
اممممم بعد عندج فيمي زون توه من فترة فاتح وشغله حلو الصراحة كلهم بالذات المحلين روعة ارتحت ليمن تعاملت معاهم وشغلهم نظيف ومرتب وكشخة والقياس ماتغربلت معاهم ضطوا لي اياه ماشاء الله
وموفقة ان شاء الله فالمكياج والشعر والختيارات والله يسرلج امورج ويوفقج ويهنيج يارب
هلا اختي أثير الهمس
نسيت أقول لج عن العباياات عندج الجوهره السوداء والسديم والنامليتي
وفي محل جنب الكازينوه اللي بمحرق اسمه مذهله تصمم لج العبايه مع الشنطه
وبخصوص الحنااايااات عندي اسماء وارقااام حنايااات واااااااااايد اذا تبينهم برسلهم لج
عالخاص وبالخصوص حنه زهره ومنيره لااااا يعلى عليه ما شاء الله جنه طبع ودقيق
واي شي تبين حاضرين لج ان شاء الله نقدر نساعدج
والله يوفقج
أختج الدانه
كلش روعه وسريعه بعد وبعد وياها كذا وحده احنون الاهل
والف مبروك مقدما
