تخطى إلى المحتوى
الرئيسية » ممكن يا مجد اشويه جزاج الله خير

ممكن يا مجد اشويه جزاج الله خير

السلام عليكم ..

مجد حبيبتي حبيت استشيرج في جم شغله .. و كلهم من كانيبو ..

من جم يوم كنت بسعوديه ودخلت محل كانو يايبين جهاز لفحص البشره .. 🙁 يوم شف بشرتي بصور المقربه اخترعت محمره ومادري اشلون صايره مع انه منظرها صحي حده المهم ونسبت الدهون زايده

اللي هناك نصحني بجم شغله من كانيبو قبل لا اخذهم حبيت اعرف رايج انتي فيهم ,, و عطاني الكتلوج و اشر لي على اللي احتاجه ..
خفت اخذ اساس و اتطورط لانه اللي بالمحل ريال وماعرفت اجرب اللون ,, بس خيره لاني شفت بالكتلوج كريم اساس و علاجي بنفس الوقت بس مادري اذا نازل او لا ,,

اشرايج فيه مجد مابي اخذ شي و اغير ويطيح بجبدي …

انا بشرتي مثلج مختلطه مايله لدهنيه ..و عمري 28

وبقولج شنو نصحني فيه وابي رايج ابكل منتج..

اول شي المنظفات خطوتين

CLEANSING CREAM

والخطوه الثانيه ..

INSTANT FOAM

وبعدين نصحني بالبودره

SILK PEELING POWDER

وبنسبه لترطيب بعد في خطوتين

و اختار لي من مجموعة الحرير اللي تحارب علمات التقدم بسن المبكره..

اللوش و المولوشن..

وكريم العين ..

ابصراحه اقنعني فيهم ..

وقلت كل ما يخلص عندي شي من شيسيدو راح اغيره بكانيبو..
بس مجد جنه اسعارهم وايد ولا الحل اللي بسعوديه جذيه

يعني قالي كل منتج تقريبا اب 27 دينار معقول..

منتظره رايج حبيبتي لانه يهمني..

ان شاء الله مجوده ما تقصر وياج ..
وعليكم السلام ,

أهلين أم عفاس عروس ,

الحمد لله على سلامتج أولاً ,, ثانياً ممكن تقولين لي بالضبط أي محل بالسعودية كان فيه

هالجهاز ,, وبأي مدينة لو تكرمتي ,

وثواني وراجعة لج إن شاء الله بالإجابة عروس ,,,

هلا عمري مجد .. متعبينج و الله معانا

الجهاز فافافووم … بمجمع الظهران .. بظهران ..

شوفي أنا أمس واللي قبله كنت بالسوق , ومريت كانيب في كذا مكان ,,

وغريبة ما شفت المنتجات الجديدة ولا هالكريم الأساس ,

باين تهم ينزلنه بالسعودية وبعدين دول الخليج ,

شوفي بالنسبة لهذا الكريم أنا أول مرة أشوفه بصراحة , وشكله جديد ,,

وما أدري إذا يناسب جميع البشرات وإلا لا ,, وما أدري عن تغطيته وملمسه لأنه مثل ما قلت لج

أول مرة أشوفه ,

يتبع الإجابة عروس ,,

طالما بشرتج مختلطة إلى دهنية نفسي فشوفي أنا شنو أستخدم ,,

CLEANSING GEL

أحطه على كل الوجه مع تجنب منطقة العين , وبعدين أفرطه على وجهي عدل عدل بس

بكل لطف عروس ,, وبعدين أمسحه بهذه

SPONGE CHIEF

وبعدين أستخدم هذا الفوم المنظف ,

INSTANT FOAM

وكانيبو الماركة الوحيدة اللي عندها تنظيف مزدج عروس ,,

وحتى لو كنت حاطة مكياج , بإمكانج إستخدام الجل المنظف وبعدين امسحيه بالفوطة ,

واغسلي الفوطة بماي بعد كل استخدام , لكن إذا توسخت بالميك أب اغسليها بشامبو ,

وبعد عملية التنظيف أستخدم هالتونيك

اللي على اليسار

وبعدين الإيمولشن اللي على اليسار لأنه للبشرات المخنتلطة إلى الدهنية ,

وللعين أستخدم EYE CONTOUR BALM 15 mL مو الكريم , لأن بشرتي مثل ما قلت دهنية

فأستخدم البالم بدل الكريم لأنه دهني ,, والبالم والكريم نفس المفعول ونفس النتيجة ,

لي رجعة عروس ,,

يعني اللي قالج عليه كله تمام وسليم عدا CLEANSING CREAM لا تشترينه اشتري

بداله CLEANSING GEL ,,

لأن الكريم المنظف يناسب البشرات الجافة إلى العادية ,

أما الجل المنظف فهو للبشرات الدهنية والمختلطة ,

وفيه بعد زيت منظف للبشرات الجافة جداً ,,

لكن أنا أنصحج بالجل المنظف ,

والحلو في هذه المنتجات وخصوصاً لاين البشرة الدهنية إنها تنظم إفراز الدهون بالبشرة , وأنا

لاحظت هالشي والله ,, حسيت بشرتي فعلاً حلوة ونظيفة والدهن مو مثل أول من استخدمت هالمنتجات

مشكوووره يا عمري تعبتج معاي والله ..

بس اممممم بنسبه للكريمات اللي عندج احسن ولا اللي قالي عنهم؟؟

هذيلا منتجاتي من كانيبو وسبق وحطيتها في موضوعي هذا :

http://www.3roos.com/forums/showthre…=191056&page=7

لحظة بقولج شي عن بدرة الحرير أو تقشير الحرير بعدين بقولج منو أحسن منتجاتي وإلا

اللي قالج عليهم ,

بودرة الحرير أو تقشير الحرير

SILK PEELING POWDER

هذي سلمج الله عبارة عن بودرة بيضاء , لما تحطينها بإيدج ما يطلع من العلبة إلا بقدر اللي

يكفيج بس !!! يعني لما تقلبينها عشان تبين تحطين منها براحة إيدج ما يطلع منها إلا قدر بسيط

يكفي للإستخدام واحد ,, وهذه العلبة تكفيج ل 40 إستخدام بس ,,

لما تحطينها بإيدج تخلطينها بشوية ماي وبعدين وزعيها على الوجه مع تجنب منطقة العين

وسوي مساج بإيدج لكامل الوجه بحركات دائرية وبلطف ولما تحسين إن الوجه بدا يشد معاج

حطي شوية ماي تلاقينها تحولت إلى رغوة ,, وترى ما تحسين بأي خشونة أبداً ,, لأن البودرة

نااااااعمة جداً ,,

أتمنى أفدتج حبوبة , ونتيجتها وجه نضر ونظيف وتحسين بلمعة نظافة عروس ,,,

أتمنى أفدتج حبوبة ,, وترى ما فيها تعب والله عروس , هدفي خدمتكم عروس ,,,

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.