من اليوم بدءت فطام ابنتي من الرضاعة الطبيعية (عمرها سنة و8شهور)
جلست من النوم والحمد لله ماطلبته بس لما جلسنا نتغدى قلت تريد (الدا) صاحت شوي
حطيت على صدري لصقة لأني حطتيت روج أحمر أحسه عادي بتشرب ومن شافت اللزقة صاحت و عالطول دموع معاها طاحت و خايفة ما أقدر أمسك حالي بالذات الليل
والله معورة فلبي…بس شو نعمل هذه سنة الحياة
ادعو لي بالتوفيق والهداية لبنوتتي وإذا عندكم أفكار لوقت النوم خبروني جزاكم الله خير
بالليل عطيها عصير او حليب بالفواكه وان شاء الله تتعود وكلها كم يوم وتنسى …
حبيبتي لازم تقوين قلبك عشان تنجحين
ترى كلها 3 ايام و تنسى
لازم تشبعينها عدل اليوم باليل عشان ما تطلب
أم عمار
تسلموا حبوبات أني مستحيل أضعف بس البداية صايرة صعبة علي الحمد لله من المغرب تزن شوي وتسكت عادي
وباليل أبوها اجازة بيكون معاي وما بيقصر
و رحم الله والديكم على الرد
بس كلها جم يوم وتنسى خلاص
بس كان المفروض تفطمينها بالتدريج يعني النهار تنفطم والليل ترضع رضعتين وعقب اسبوعين او 3 لين تنسى بالنهاار خلاص تبتدين تفطيمنها الليل
لانة صعب وااجد الفطاام مرة وحدة اني هذي كاانت طريقتي وية ولدي
وان شاء الله كل شي بيمرر على خيرر بس انتي قوي قلبش
شوفي حبيبتي
هالشغله سوتها اختي مع بنتها والحمدالله نجحت
قلت لاختي نقعي مره مع ماااء
وامسحي على حلمة صدرك بالمر
واذا طلبت لاتمانعي
عطيها بسرعه راح تشمأز منه
الفتره اللي فطمت اختي بنتها كانت عندنا اسبوع
وكانت بنت اختي وقت النوم الا تبيه وصياح وحالتها حاله
وكانت اختي تعصب عليها
وكنت اخذها من اختي وانومها بحضني
والله ليله من الليالي بنت اختي مدت يدها ع صدري كان تدور شئ
قلت لها عيب خاله لاتبينه ويع
ومن تجلس تفطرها
واحيان ماتاكل شئ
شوي شوي كرهت صدر اختي وخلاص ماعاد تطلبه كلش
لانه من تطلبه تمسح اختي حلمها بمره
وراح تحسين بسخونه بجسمك بعد الفطام لما يقرب ينشف الحليب من صدرك كلها 3 ايام وينشف بحيل الله
وراح ماتقدرين حتى تلمسين صدر من الالم
وقت النوم اكليها اي شئ تحبه
من العشاء اكرميها عدل
جربيها وادعيلي بالزوج الصالح
الله يساعدك اختي
بس كلها يومين ثلاثة وبتنتهين
في شي في مرحله الفطام يتعلق بالاكتئاب
واني عشت مرحله اكتئاب الفطام 
بس عدت ولله الحمد
ذكرتيني بنفسي لما فطمت بنتي انا وياها صيااااااااااح
الله يقويك تذكري ان اللي تسوينه لمصلحتها
بالتوفيق