لكل عروس مقبلة على التحضر للعرس انصح كل وحده فيكم تشتري دفتر و قلم و تحدد ميزانية للعرس
يعنى والله اذا كانت البيزات في ايدينج ترا كل شي بيطير هذا يعجبنى و ذا ك حلو و بعدين بتحسر ما عندي بيزات حق ليلة الزواج …..
صح والا لا
المهم حبايبي العروسات
الميزانية لازم اتكون مضبوطة يعنى بالدقة و لاتنسين الالة الحاسبةالصغيرة لازم اتكون في جنطج و الدفتر والقلم وياج وين ما تروحين
واللحينة قسمي الورقة الى الاقسام المهمه مثل قمصان النوم، احذية ، عبي و وقي، بدلات، عطور و مكياج ، ……ألخ و اخر شي حطي ميزانية للعرس مثلا عشرين الف ..و قسمي المبلغ حيث تتعطين لكل غرض مبلغ يناسبه مثلا للاحذية 2000 للقمصان النوم 4000 بس اهم قميص هو قميص لليلة الدخلة و للعطور و المكياج 5000 للعبي والوقي مثلا 3000 بس نصيحة منى لا تكثرين من البدلات لانج بعد العرس بتمتنين اشوي و يتغير معالم الجسم وخاصة اذا حملتى على طول … و العبي والوقي ترا الوضة تتغير وايبون موديلات ايديده فلا تكثرين منهم و هالله هالله بالذهب والالماس السوع و ركزي على الذهب ترا ها الايام الموديلات وايد حلوه و بعدين جيمته فيه و السوع انصحج بماركة او ماركتين غاليتنين والباجي نوعي لان الواحد اللحينه يلبس طقم على اللبس يعنى الثجال للمناسبات اما الماركات الارخص للمناسبات العملية.. و يا حبذا تشترين ساعة تتغير فيها الجلد والله اريحلج و احسن ماركة للين اللحينه بتغير الجلد و تام عندي للحينه هو البيكينت من باريس غاليري سعره بحدود 3000 و شي و عليه خصم بس العيب اللي فيه انهم نقصوا الجلود لجلد واحد والباجي تشترينه بسعر 180 او 280 هب متاكده لان اول ما نزل كان بخمس جلود انا المحظوطة هاهاه…و هيه و اذا قدرتي وفري مبلغ 5000 درهم لشهر العسل والله بتحتاجينه لانج هاك الوقت بتستحين من الريل و تتطلبين منه اشتري لي هذا وذاك لذا خلي المبلغ عندج احتياط سبحان الله يعجبج شي اهناك يكون المبلغ عندج..
و هيه لاتنسين هدية الريل في صباح العرس افضله ايكون ساعة لانها بتم مع بوكيه ورد …و شو بعد …..المهم انشالله ما اكون نسيت اي شي والله يوفقج
نصحية من اخت لخواتها … اذا كنت مقبلة على حياة زوجية سعيده حاولي انج ما تكلفين ريلج فوق طاقته يعنى هب لازم ايب لج هدايا كل شهر عشان ايدل انه يحبج المهم ما في القلب و حاولي انتي تفهمين ريلج في فترة الملجة تراها وايد مفيده عشان تفهموون بعضكم البعض و اذا كنت في شهر العسل ترا كل شي حلو بس عقب تنجلب الامور فحاولي انج توفقين حياتج مع شريك حياتج يعنى هب لازم كل طلباتج اوامر لو حتى كنت اتعودتي على جيه لان حياتج خلاص بتبدي من دخولج لبيت ريلج و حاولي اذا اشتد النقاش بينج وبين ريلج ان واحد منكم يرخي الحبل في النقاس لانه اذا اشتد منه ومناك انقطع بعدين ما شي فايده صح والا لا…..
و بعد كلمه ثانية لا تحاولين تبعدين ريلج عن ربعه لانه هب شرات الحرمه تقدر تهد الدنيا على شانه لان مجتمع الريايل غير مجتمعنا احنا… بعد شي ثاني اذا طلب منج الحجاب لا تزعلينه لان الريايل ما يرضون حد يطالع حرمتهم و كم و كم كنت اسير المراكز اتعجب والله من الريايل اللي يخلون حريمهم امطلعين القصه والكشخة اتقول انا ….يالله الناس اذواق بس انراعي الله اولا و نراعي الريل ثانيا….
سوري طولت عليكم الدرس والله وياكم لحياة زوجية سعيده
وينج عن اختج من زمان تراها مقبله على الزواج بعد 😉
موضوعج رائع ومفيد ان شاءالله
مع خالص تحياااااتى:
اختك المحبة شمس البحرين
ومشكووووووووووووورة يالغاليه
تحياتي
بس
بس حفظت النصايح زززززين
كل عروس لازم تقرأ هذا الموضوع
