تخطى إلى المحتوى
الرئيسية » نصايح عن تجربة تخلي عرسج مرتب

نصايح عن تجربة تخلي عرسج مرتب

نصايح عن تجربة .. تخلي عرسج مرتب
السلام عليكم ورحمة الله وبركاته

عرست من ثلاث شهور
وكان زواجي مساء الخميس
وكان هذا الخميس وسط أسبوعين عندي فيهم امتحانات فصلية في الكلية
ويوم الأربعاء اللي قبل العرس عندي امتحان
فكان لا بد أروح لأن الأجازة أخذها بعدالعرس
بس صدقوني مع ترتيبي أبد ما تعبت
بس التعب بيكون وقت قبل العرس
***
خذي لج نوته صغيرة
وكتبي الأيام اللي قبل العرس بأسبوع

وسوي جدول يناسبج
يعني ترتيبي كان مضغوط لضروفي الصعبة
بس الحمد لله كان كل شي مرتب
مثلا الثوب فصلته وقبل 3 اسابيع صار عندي
وبنفس الوقت رحت للكوشة ونسقت مع صاحب المحل كل شي
خليت الأغراض اللي باخذها معاي الكوافير جاهزة مثل العدسات و الطرحة
والأكسسوارات …. الخ
آخر أسبوع ما كان عندي أي شي أشتريه من السوق
خلصت كل شي
وبعدها العد التنازلي ليوم العرس
سويت لي حمام مغربي طبعا سويته بنفسي لأني متعودة أسوي لي

وارتحت يومين بعدين عملت حلاوة وريحت جسمي يوم
ومسحته يوم ثاني بزيت اللوز لفوئدة المعروفة ورائحته الزكية
وبعدين جاء يوم الحناء اللي هو قبل يوم من العرس
وتحنيت >> على فكرة كان النقش هندي وطلع رائع

وليلة العرس نمت من 12 لأني كنت قاعدة من النوم الصباح
والساعة 5 من قمت صليت ما رجعت نمت

وبعدها رحت الكوافير المغرب خلصت
وعلى طول الى الصالة
وبداء التصوير
ودخلت على الحضور الساعة 9ونص
ووو

خلاص بصيح ذكرت ايااااااااااااااااااام
وبقول لكم شي حاولي ما تفارقين الأبتسامة لأنج بتكونين أحلى
وكفاية انج بين اهلج وصديقاتج

ورايحة عند أغلى انسان عندج

ودعواتي لكم بالتوفيق
ويارب تعرس كل بنت

هلا أختي مرايم نصايح جدا مفيده وانشاالله البنات يطبقونها
والف مبروك للجميع والله يوفقكم جميعا

بالتوفيق اختي مرايم

تسلمين سويت بيبي

وتحياتي لج

مشكورة أختي على النصايح ..

و بالمبارك حبيبتي ..

ماشاءالله عليج اختي عرفتي تتصرفين

الله يهنيج يالغاليه

مبرووووووووك اختي

نور المنتدى برجوعك ونصايحك الحلوه

[frame="2 80"]اااااااااااااااااااالف مبروك تختي

عقبال الباقي

منه المال ومنج لعيال

نصائح مفيده للجميع

تسلمين

تحياتي
ونة حزن
[/frame]

انشالله الله يرزقني امين
تسلمين على هاذي النصايح الحلوه والف مبروك لج ان شاء الله
مع ان الترتيبات عندي في النوته بديتها من ايام الملجه والحمدلله
يارب مابقى شي وكل شي مرتب بأذن الله …
اول شي الف مبرووووووك

وتسلمين ع النصايح وعقبال ما نجربهن خخخخخ

ادعيلنا *_^ نعرس قريب لووول

الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.