هام الى بنات الشرقية 2024.

الى عرايس المنتدى ***

رجاء خاص الى بنات الشرقية خاصةالدمام والخبر

انا عروس زواجي قريب باقي شهر ونص ومحتارة ابغاكم تساعدوني بليز
ومش عارفة كيف ابدا معاكم 😮

عروس
اطلب منكم ّّّّانكم تدلوني على محلات للفساتين الجاهزة للمناسبات وتكون موديلاتها ناعمة وابغى اسماء محلات لتاجير فساتين الزواج وافكار جديدة لزفة العروس رجاءبنات ردو علي بسرعة انتظركم بليز (u)

هلا فيك اخت دلوعة زوجها

بالنسبة لفساتين السهره في الجمعه سنتر ومجمع الواحه بس اسعارهم غاليييييييه
واذا تبقين اسعار مناسبه عندك سوق الدمام ومجمع الحياة بلازه

وبالنسبه لمحلات التاجير ماعندي فكره ياريت باقي البنات يساعدونك

وافكار الزفه في موضوع في المنتدى يطرحون فيه البنات افكار جديده ياليت تستفيدين منه ومبروك مقدما

بارك الله لكما وبارك عليكما وجمع بينكم في خير

ولا تنسي مجمع الراشد

محل ( مختارات العبد الواحد ) في الطابق الثاني

صحيح أنه غالي ، لكن أحيانا يعمل تخفيضات حلوة

و يجيب أشياء حلوة ( أنا نفسي ماخذة أمس فستان حلو حق ثاني يوم بالمبارك بــ 1000 بعد ما كان بــ 1500 )

و فيه أماكن غيرة كثير هناك

و فيه أكيد إذا سمعتين بــ "شارع الحب "

فيه بلاوي مدعسة .. وبالذات " الفاتنة " اللي تحت يكون فيه أقمشة و فوق فساتين تهبل معضمها و قبل فترة كان فيه تخفيضات خيالية

و عند " مجمع الحطيبي " بـسيهات .. خصوصا الطابق الثاني .. أشياء روعة

وكمان " مجمع الزهراء " بالقطيف ، فيه أشياء ناعمة و حلوة و رهيبة

وكمان " سوق مياس " بالقطيف أيضا ..

و أماكن كثيرة ، حتى " الحياة بلازا " بالدمام فيها أشياء رهيبة

و إذا تبين شي أكثر أو كمان غير كل هذولا ،قولي لي ، حتى بالبريد الخاص ، لأني مثلك عروسة و ماخليت مكان مارحت له تقريبا في الشرقية
وحتى البحرين مثل " مجمع العالي " و " السيف " ..

تحياتي براءة

فيه بعد خياطين بشارع السويكت بالخبر
فيه منهم يأجرون فساتين للزفاف
عروس شكرا لكم يابنات علىالردود ماتوقعت انكم تردون بسرعة وعقبال كل البنات اللي ماتزوجوا ونخدمكم بالافراح

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top