تخطى إلى المحتوى
الرئيسية » هام للبنات للي تبي تسوي مسكه

هام للبنات للي تبي تسوي مسكه

السلام عليكم ورحمة الله وبركاته
اليوم موضوعي على مسكة العروس
انا وايد اشوف بنات يدورن مسكات غريبه وتلزم عالمسكه
روحوا اسألوا اي وحده بالعرس عن المسكه ترا الناس ماينتبهون انها غاليه او رخيصه او غريبه المهم شي حلو متناسق
انا عن نفسي سويتها شي راقي وكله ورد اكزوتيك لان فستاني مافيه شغل كلش
لازم اللي تبي تسوي مسكه تحط في بالها شي واحد اذا فستانها فيه شغل ماتسوي شي عفسه ومسكه كبيره ترا مو حلوه لان البنت اذا تكون حبتها صغيره ومش طويله المكسه تبين بنص جسمها والناس مايشوفون الوجه يشوفون المسكه !!!
ترا حطوا ببالكم اللي بمحلات الورد ربحانين ربحانيين يقولون لج بنحط لج ورد مادري شنو ولازم عالاقل 500 او 600شدعوه لانهم يدرون عروس عندها فلوس وتدفع لانها متوهقه
انا سويت مسكتي ب300 وغالي بعد لانكم لو تفكرون فيها تسوون باقه شكبر لناس ب300 فيها 30 ورده شلون مسكه طولها 30 سم ب300 او 600 وتوصل 1000 شدعوه
فكروا ومرات عادي مايقولون لبايع المحل انها مسكه رفيجتي قالت له ابيها على شكل مسكه
وطلعت حلوه بس لازم حد يجبيها لكم الفندق

وشكرا لكم

تسلمين على النصيحة

بس المسكة حقت العروس ترتيبها غير عن المسكات الثانية

على كل حال تسلمين على النصيحة

هلا اختي ممكن تقولين وين سويتهاااااااااااااا؟

واشلون احجز للمسكه قبل العرس باسبوع

من قال لج ان ترتيبها غير العروس تحس بالترتيب بعدين انتي اذا شاطره تقدرين تطلعين شطارتج فيها على فكره انا مسكة خطوبتي جاوبها لي كبييييييييييره تلوع الجبد انا بدقايق سويت منها مسكه لي والكل انذهل منها
انا انصحكم بماسيس بس مش اي واحد وانصحكم بالمناسبات عند الفلبيني بن
وانصحكم بالمحل مال الورد اللي جدام فاملي فود سنتر بشارع النصر
والله ما هان تبارك وفعلا الصغيره ارق وانعم اهم شي تناسب الحفل

مشكوره وموفقه ان شاءا لله

صح احس انه المسكه الكبيره والدفشه

تخلي الواحد ينتبه اكثر للمسكه بدل ماينتبه لوجه العروس

في مسكات تكون كلاسيك ومب كبيرة بس تكون طويلة وشرات ماقلتي اهم شي تكون متناااااااااسقه وحلوة ويا الفستان

تسلمين عزيزتي

مراحب عرايسنا الحلوين

اني مسكتي للحين ما حجزتها بقى لحفلتي 3 اسابيع تقريبا بس بحجزها هاالاسبوع

بسويها في مزاهير في البحرين اسعارهم أوكي // بـ 20 دينار إلى 30 يعني أسعار معقولة اذا قلنا لعروس

على العلم من اني بحرانية

و السلام عليكم

بحر الأشواق كأنش اني عروس

لأن اني بعد خطوبتي بعد 3 اسابيع تقريباً و ناوية اروح احجز الباقة خلال هالاسبوع في مزاهير في البحرين طبعاً .. بس الفرق اني اشوف ان 20 و 30 دينار مو قليل هي كلها باقة ورد حق ليلة وحدة ويوم ثاني بتدبل و ما اعتقد احد بيلتفت لها ذاك الزود .. بس شنسوي

ومشكورة اخت ليلة عرسي على الموضوع عروس

اختي ليله عرسي اشلون اختار المسكه حق الفستان مااعرف اشلون يعني اختار طويله او قصيرة مع العلم انا قصيرة مش طويله طولي 155 يعني مع الكعب قولي 160 فكيف اختار المسكه علموووووووووووني
الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.