خواتي ان شاء الله قريب بيبدأ العام الدراسي
والجامعة بتفتح
وبنشوف الربع ولمة الربع .. والبنات
وعندي تقريباً 6 بناااات .. حابة اهديهم شيئ
وايماناً مني بأفكاركم وخبراتكم وأذواقكم الحلوة .. متريه منكم انكم تقدمون لي افكار مشان الهدايا البسيطة الي بقدمها
وبصراحه ما اقدر اقدم شيئ غالي او فخم .. لانة حوسة الجامعة يبالها مصرف بعد
وبعدين ما في مناسبة معينة .. هو مجرد شيئ جميل كبداية للعام الدراسي الجديد
الاولى .. شخصيتها هادئة وطيبة ونفسيتها على طول تعبانة وحزينة . وبنت على قد حالها، واخلااااق مرة
الثانية .. شخصيتها سكررة مرحة ومبادرة وجرئية ومحاورة جيدة .. بصراحه اكثر وحدة شخصيتها تركب وياي .. يسمونا التوووم
الثالثة .. شخصيتها طيبة، وكثيرة التذمر والشكوى .. لكنها نشيطة ومثابرة على عملها اكثر من دراستها وهي صحفية
الرابعة .. شخصيتها طيبة بلااا حدود، وكرم بلااا حدود، ومبتسمة وخفيفة الظل ومرحة، ورقيقة ممكن ينكسر قلبها بسرعة
الخامسة .. شخصيتها حلوة ومبتسمة على طول، واجتماعية وتحب الناس، وانسانة بسيطة، وماشاء الله عليها متينة
السادسة .. شخصيتها روشة وتحب الفرفشة، متزوجة وزوجها زميل وأخ وعزيز وغالي.. وناس قمة في الاخلاق والاحترام، وطيبين مرة
الهدايا الي اقترحت عليي
حقيبة يد مميزة / محفظة نقود / شيلة / عطر / خاتم اكسسوار / فايل دراسي لحفظ الاوراق / مسكرة للرموش.
ياليت يا خواتي وحدة تساعدني ..
من خلال شخصياتهم شو اقدم لهم
تهمني جداً النفسية والرضاء
عشمي فيكم كبير .. وحابة اسمع ذوقكم واختياراتكم وافكاركم واضافاتكم
وفي انتظاركم
صديقتي العام سوت نفس فكرتج ووزعت اكسسوارات للموبايل وكلنا حطينا نفس الشي
كانت من ماركة ديور
بس في ماركات ثانيه ارخص
واتوقع صديقاتج بيستانسون عليها وفكره حلوه انكم تكونون نفس الشي ومطقمين في اكسسوارات الموبايل واتوقع بيستانسون عليها
مع التحيه
بالنسبه للاختيارات اللي حطيتيها مقارنه بفكرتي
حقيبة يد مميزه ,,,,, صعبه لان كل وحده الها ذوقها ويمكن تلبس شي مختلف وفي بعض البنات مايلبسون غير ماركات معروفه..
محفظة نقوود…..ماتقدرين ترضين كل الاذواق وبعدين الاغلب الحين يبون ماركات
شيلة …….. كل وحده تبي تكون مميزه واللي تلبسه ماتبي يكون على وحده ثانيه وبعد الاختيار صعب
عطر …. اوكي اذا بتشترين عطور حجمها صغير للحقايب مثل ماركة شانيل بتكون مميزه جدا بس بيكلفج لان عطور شانيل غاليه وانتي عندج ست بنات
خاتم اكسسوار …. صعب لان مب كل حد الحين يحب يلبس اكسسوار واكسسوار عن اكسسوار يفرق يعني في بنات يرضون يلبسون اكسسوار بس يكون ماركه وفي بنات مايرضون والاختيار صعب
فايل دراسي لحفظ الاوراق …….. اتوقع مابيحافظون عليه ومن الاسبوع الثاني او الثالث بيكونون قاطينه تحت سريرهم او في اللوكر
مسكره للرموووش…. الاختيار صعب لان مب كل البنات السته يحطون مسكره ويمكن ماتناسب بعض البنات
طبعا هالمقارنه من وجهت نظري بس حبيت اوضح لج ان اكسسوارات الموبايل مناسبه حق البنات
مع التحيه
هذا رايي وان شاء الله يعجبج ياقمر
الاولى .. شخصيتها هادئة وطيبة ونفسيتها على طول تعبانة وحزينة . وبنت على قد حالها، واخلااااق مرة
هذي اهديلها عطر +قرآن اوكتاب ادعية ..بما انها دايما حزينه تخلي عندها شي يحفظها ويبعد عنها الحزن وياريت لو القران او الدعاء يكون صغير ومنلف بشي راقي….
الثانية .. شخصيتها سكررة مرحة ومبادرة وجرئية ومحاورة جيدة ..
حقيبة يد
الثالثة .. شخصيتها طيبة، وكثيرة التذمر والشكوى .. لكنها نشيطة ومثابرة على عملها اكثر من دراستها وهي صحفية
فايل دراسي بس حاولي تغلفينه بشكل جدا حلو وراقي وفني واذا حابة تظيفين شي فعطيها سلسلة بسيـــــطة ونــــــــاعمة
الرابعة .. شخصيتها طيبة بلااا حدود، وكرم بلااا حدود، ومبتسمة وخفيفة الظل ومرحة، ورقيقة ممكن ينكسر قلبها بسرعة
خاتم اكسسوار
الخامسة .. شخصيتها حلوة ومبتسمة على طول، واجتماعية وتحب الناس، وانسانة بسيطة، وماشاء الله عليها متينة
محفظة نقود +شيلة او وحده منهم
السادسة .. شخصيتها روشة وتحب الفرفشة، متزوجة وزوجها زميل وأخ وعزيز وغالي.. وناس قمة في الاخلاق والاحترام، وطيبين مرة
اشتريلها علبة مكياج بما انها معرسه عشان تكشخ لزوجها 
والله يوفقج مع زميلاتج ويخليكم لبعض صديقات وحبيبات على طووول ان شاء الله
اختج#رومانسية#
يخليلي ياكِ يااااااااا رب
ما قصرتي يالحلوة على الفكرة الحلوة
ومقدور عليها ان شاء الله
ربي يسعدك ويجعل اياكم خير وبركة
وبالنسبة حق الماركات الي عندي مسكرة من استي لودير، والشنطة مب ماركة لكنها شغل يد ومشكوكة بألوان زاهية وبناتية ولونها خضرة مع وردي وهذي موضة السنة، والعطورات افضل بالهدايا البسيطة تكون عطورات عربية واغلبها ثمنه معقول
……………………………………..
#رومانسية#
عساني اشوفك بخير وبصحة يا قلبي
بصراحه مشاركتك اخجلتني .. وما قصرتي يا الغلى
جبتي على كل وحدة بالضبط شو محتاجة
ربي يزيدك .. ويوفقك على دعواتك الحلوة
وهذا ان دل فهو يدل على قلبك الابيض
وعندي لش اسأله حول
الاولى .. العطر ..شو تقترحين ؟؟
الثالثة .. السلسلة النعومية الي قلتي عنها ..شو قصدك ؟ سلسلة تنلبس؟
وعسى الله لا يحرمني منكم يا الغاليات
وربي يجزاكم خير ان شاء الله
هذا واجبنا ياقلبي !! واحنا في الخدمة دووووم
**************************
الاولى .. العطر ..شو تقترحين ؟؟
والله انا اخر عطر عجبني هو STELLA
نـــــاعم وحلووو وايد
وعندج بعد
CHANCE من ماركة channel
الثالثة .. السلسلة النعومية الي قلتي عنها ..شو قصدك ؟ سلسلة تنلبس؟
اي حبيبتي السلاسل اللي تنلبس وهذي امثلة
واي شي ثاني لاتترددين
#رومانسية#
 |
اقتباس |  |
 |
المشاركة الأساسية كتبها الشيخة |  |
 |
| [CENTER]السلام عليكم ورحمه الله
خواتي ان شاء الله قريب بيبدأ العام الدراسي وبنشوف الربع ولمة الربع .. والبنات وعندي تقريباً 6 بناااات .. حابة اهديهم شيئ وايماناً مني بأفكاركم وخبراتكم وأذواقكم الحلوة .. متريه منكم انكم تقدمون لي افكار مشان الهدايا البسيطة الي بقدمها وبصراحه ما اقدر اقدم شيئ غالي او فخم .. لانة حوسة الجامعة يبالها مصرف بعد الاولى .. شخصيتها هادئة وطيبة ونفسيتها على طول تعبانة وحزينة . وبنت على قد حالها، واخلااااق مرة يمكن تعطينها شيلة الثانية .. شخصيتها سكررة مرحة ومبادرة وجرئية ومحاورة جيدة .. بصراحه اكثر وحدة شخصيتها تركب وياي .. يسمونا التوووم حقيبة يد مميزة الثالثة .. شخصيتها طيبة، وكثيرة التذمر والشكوى .. لكنها نشيطة ومثابرة على عملها اكثر من دراستها وهي صحفية فايل دراسي لحفظ الاوراق الرابعة .. شخصيتها طيبة بلااا حدود، وكرم بلااا حدود، ومبتسمة وخفيفة الظل ومرحة، ورقيقة ممكن ينكسر قلبها بسرعة عطر الخامسة .. شخصيتها حلوة ومبتسمة على طول، واجتماعية وتحب الناس، وانسانة بسيطة، وماشاء الله عليها متينة مسكرة للرموش السادسة .. شخصيتها روشة وتحب الفرفشة، متزوجة وزوجها زميل وأخ وعزيز وغالي.. وناس قمة في الاخلاق والاحترام، وطيبين مرة خاتم اكسسوار و محفظة نقود حق ريلها الهدايا الي اقترحت عليي ياليت يا خواتي وحدة تساعدني .. عشمي فيكم كبير .. وحابة اسمع ذوقكم واختياراتكم وافكاركم واضافاتكم وفي انتظاركم |
||
 |
 |
ان شاء الله يعجبج اختياري لكل وحدة
يعني قصدت اشيا مثل هذي وتكون في علبه صغيره اكسسوارات للموبايل
هذا غلوس من ديور عجبني بس حبيت احطه لانه حلو حق هديه
يسلم لي ياكِ
ما قصرتي يا الحلوة
واختياراتك عجبتني وخصوصاً فكرة البنت السادسة
لانه مزجتي الهدية لها ولزوجها .. واعتقد انها فكرة كلش حلوة
يسلمووووا يا الغلى من قلبي
……………………………………….
#رومانسية#
يا الوردة انتي والله انش قمر
مب كأنه العطورات هذي يبالها ميزانية لحالها؟؟!!
ههههههههههه
حرام عليش .. في العطورات الفرنسية افضل اهديها لما يكون عيد ميلاد وحدة
يعني مناسبة وحدة .. هني بحتار من الي اعطيها عطر فرنسي
ياليت لو تخبريني عن عطورات عربية حلوة ونعوومية
وتذكرين لي اسمائهم واسعارهم مرة وحدة
ومرسي يا الحلوة على الاكسسوارات اختى مرة عجبوهاا
………………………………………….. …………..
فطيم-19
فديتها انا والله هالفطيم
يسلموووا يا عيوني على متابعتك واهتمامك
ربي لا يحرمني منك قولي ان شاء الله
بصراحه كل الاكسسوارات الي حطيتها روعة
وعلى فكرة ربعي هذولة مب شلة .. يعني نادراً جداً ما نمشي شله مع بعض
وكلهم ماشاء الله عليهم مؤمنات وحلوين وابد ما يطالعون بعضهم وهذا الي يعجبني فيهم
كل وحدة عيونها تارسة الله يحفظهم ويزيدهم
بس جننتيني على قلووووز ديوووووور
حلوووو مررره وذوقك الاحلى
ممكن تقولين لي حجمة يكون شكبر.؟
وكمان سعره لو شريتيه قبل؟.
يسلموا يا الغاليات ربي يجعل ايامك سعد وهنا
تحياتي،،
للاسف حبيبتي ماعندي خبرة في العطور العربيه ابد
العطور العربيه اللي عندي كلها هدايا بس انا ماعمري شريت عطر عربي
وعلى فكرة في عطور عربيه اغلى بكثير من العطورات الفرنسية!!!!!
انزين شرايج تشترين لها شي ثاني …… ماسكارا او جلوس او مجموعة مانكير
اشتريه من محلات لايف ستايل عندهم اشياء حلوة ورخيصة