ياهلا ومرحبا فيكم جميع
موضوعي مو جديد ومألوف ودايما نسمع عنه بس غافلين عنه
انا بكتبلكم بالعامية وباسلوبي علشان يكون من القلب للقلب
أبسالكم وش قدمنا لحياتنا الزوجية
تصفحت اغلب المنتديات لقيت كلام البنات الليالي الرومنسية باانواعها الحركات الغريبة
الهدايا و………….و………………….الخ ومن هذا الكلام اللي ماينتهي وانا مااقول فيها شئ
بالعكس شعور حلو انك تسعين لارضاء زوجك
بس هل هذا كافي لاسعاد الرجل او انها سعادة مؤقته وسحابة عابرة !!!!!!!!!!!!!!!!!!!!!
كل زوجة تطبخ وتلبس وتكشخ تبغي ترضي هالزوج !!!!!!!!!!!
بس للاسف فيه رجال لاقدروا التعب ولا مشاعر الزوجة ولاشي وبمجرد زعل بسيط
نكروا جميلها وناظروا لغيرها……………………
وياكثر مانسمع ونشوف من خيانة الرجال واهتمامهم بغير الزوجة رغم تعبها وتضحيتها
طيب لية؟ وهنا مربط الفرس
الحين احنا نصلح ونتعب اعمارنا بس هل احتسبنا بذلك وجه الله اما ارضاء للزوج فقط
كل وحدة تسأل نفسها هذا السوال ؟؟؟؟؟؟؟؟؟؟؟؟؟؟؟؟؟؟؟؟؟؟؟
مثلا : زوجك دخل من برا استقبلتية بالعطر واللبس الزين بس هل تبسمتي في وجهه
وتذكرتي قول الرسول علية افضل الصلاة والتسليم ( تبسمك في وجه اخيك صدقة)
فمابالك بزوجك اللي له من الحقوق مايعجز اللسان عنها
والله مرت عليه نماذج كثيرة من تصرف الزوجات وشعورهم تجاه الزوج والله استغرب
واقول الله يغفر ذنبهم
مثلا : الزوجه مسشوره شعرها ومتظبطه وراها زيارة طبعا تخاف ابو الشباب يشوفها
ويخرب الشعر تقوم تتظاهر بالنوم او المرض اوحتي تطول في المطبخ حتي ينام واذا دخلت
وشافته نايم قالت فكه نام الله لايعاقبنا
نست ان الزينه للزوج وانها تغضب الله وملائكة بتصرفها……………………
وفي زوجات يلبسون ويتفننون وتشقير وملابس وجاء الزوج وماعلق او ماانتبه لها تعبان
مسكين او ماله خلق يمدح قامت الزوجه وعصبت وقالت الشره عليه اللي متعبه نفسي
وهو مادرا عني ووووووو طيب ليه ماطلبتي الاجر من الله
كل شئ تقدمينه لزوجك حتي كوب الماء لك اجر فيه اذا احتسبتي الاجر
حتي اذا نمتي معاه وانتي مكرهه ومالك نفس مهدوده من البيت والعيال واحتسبتي
وصبرتي لك اجر ماتتخيلنه
والله ان مقصرين يابنات والله ان الزوج حقه عظيم وان الصبر عليه من أسباب دخول الجنه
لاتقولين مايستاهل هو مايهتم فيني هو يخليني هو يروح ويسهر ويسافر طيب هنا الصبر
اجل نصبر على الزوج الطيب لا الصبر على الاذي هو الصبر اما الرجل الطيب هذا من الاحسان
ويابخت من صبرت واحتسبت والله لو تعرفون اجر اللي تصبر على اذي زوجها في الدنيا
يجي يوم القيامه وتتمني الزوجه ان زوجها كان يقرضها بالمقاريض من كثر الاجر اللي تلاقيه
تذكري ان اول مايقاضي الله يوم القيامة الزوج وزوجته وان الرجل يجلس في منطقة بين الجنه
والنار الي ان تسامحه زوجته
تذكروا يابنات هذا الاجر واكثر للزوجه الصابره
كم من زوجه نام زوجها وهو زعلان عليها وتقول بكيفه مصيره يرضي ماابغي اعوده لااله الا الله
والله لو وحده من صديقاتك مانمتي الين ترضيها لو برسالة جوال
كم من زوجها يطلبها زوجها للفراش وترفض بحجة ان مالها نفس ونست انها لايجوز لها ان ترفض
ولو انها على حد السيف الا ان يسامحها <<<< يارب رحمتك
ليه ماتسلمين على راسه وتقولين سامحني يالغالي وتاخذين بخاطره والله ان اعرف زوجه
اذا رفض زوجها يشتري شي من السوق تقول والله ماانام معاك وليه علشان وسخ الدنيا
والله لو تحس انه رايح لمرأه ثانيه ينام معاها لكن ارضتها لو برموش عيونها طيب ليه ننتظر
الشر يوقع والمصيبة تعم ونندم بعد فوات الاون
ليه مانبدا حياة جديدة اول خطوة فيها ارضاء الله سبحانه وتعالي قبل كل شئ
كم من زوجة ارضت زوجها بمحرم مثل نمص الحواجب او عيد ميلاد او اغاني
او اشياء ماهو من الايق ذكرها هنا
ونست ان من ارضت الناس بسخط الله سخط الله عليه وسخط
الناس عليها ومن اسخطت الناس برضاء الله رضى الله عنها ورضي الناس عليها
ليش مانحط الله بين عيونا في كل تصرف لاافراط ولاتفريط
اش تخسر الزوجة لو طلبت رضاء الزوج
مثلا: وانتي طالعه تروحين تبوسينه وتقولين مسموحه اطلع حتي لو رضى من اول
بس زيادة في الموده والحب وتقولين انت اهم شئ ودي اشوف ضحكتك قبل مااروح
لو حتي لاهلك ليه ماتتركين اثر في نفسه
وبعضهم يطلعون وهم يتحلطمون وهو مو مره راضي بس من كثر البربره قال روحي
وهي كانها متفضله عليه
يااختي والله لو زوجك مريض او حسيتي بفراقة ان تموتين من القهر والندم وتتمنين
انه بعافيته ولايفارقك لو دقيقة لاتخلين الشيطان يلعب عليك ويقول تغلي, اتركيه , طنشية
كذا بيحبك ويموت فيك لاوالله بالعكس الا انتي في ذنب عظيم وغفلة عسى الله ان يخرجك
منها
ياما زوجات كاملات ومع كذا ازواجهم عيونهم لبرا ولايحترمونهم وتقول الزوجه سويت وسويت
ولافاد طيب ابسألك هل احسنتي مابينك وبين الله هل كل عملك خالص لوجه هل قمت
في ثلث الليل الاخير وتركتي لذة النوم ورفعتي ايديك ان الله يسخرلك زوجك ويرده لك؟؟
هل حرصتي على ايقظ زوجك للصلاة مثل ماتيقظينه للسوق او لزيارة اهلك؟
هل اهديتي له شريط هادف مثل ماتهدين له الاغاني والاشعار وكلمات الحب؟؟؟
يارب اكون وصلت لك مافي داخلي
والله ان مقصرين وانا اولكم بس خير الخطئون التوابون
تذكري ان الزوج جنتك ونارك
ويابخت من ماتت وزوجها راضي عنها
ويااسفاه لمن ماتت وزوجها غضبان عنها
قال الرسول صلي عليه وسلم ( من ماتت وزوجها راضي عنها دخلت الجنه)
الله مااعظمه من جزاء ومااحلاها من
بشارةلامانه منقووووووووووووووول ودمتم بود اختكم مجروحه بس مجبوره
جزاك الله خير
وبصراحه انا كنت شايفه نفسي مؤديه واجباتي
الزوجيه على اكمل وجه واقول ما يلاقي زييييييي
بس بعد ما قرأت الموضوع راح اعيد النظرشوي
وشكرا مره ثانيه
جــــــزااك الله خيـــــر ..
والله يغفــــــــر لنــــــــــــــا زلاتنــــــــــــــــا ..
.,.