كي الحال يا اخواتي …
انا عاد اليوم ياي في بالي اطرح موضوع …ممكن يكون قديم …بس حلو ان الواحد يعيش ذكرياته..
الموضوع هذا يخص المعرسات … فشو رايكم يا المعرسات ان كل وحدة فيكم تذكر شو استوالها يوم العرس من الصبح لين المساء :eek2:
وانا ببدا يومي اللي كنت اعتبره مثل الحلم اللي مر بسرعة …
طبعا ليلة العرس ما ياني رقاد بالمرة … فقمت من الرقاد وانا تعبااااااااااانة … قمت الظهر واتغديت واتسبحت … بعدين انطلقت الي صالة الحدث (العرس)
و كنت متوترة وحالتي حالة وكنت اعصب على خواتي اليهال على الفاضي…:pain:
وكنتن اتابع تركيب الكوشة من حجرتي …واتخيلوا شو استوى..
انا كنت حاطة في بالي ان خلفية الكوشة بتكون مخمل عنابي وكرسي طويل ويكون بنفس اللون بس داخل معاه اللون الذهبي وعلى الكرسي مخدات… بس انصدمت من اللي شفته جدامي … ركبولي شيفون احمر وكرسي ذهبي مب حلو:down:
وطبعا يوم سرنا انكلم صاحب الكوشة .. تدرون شو قال؟؟؟؟
قال انا حسيت ان المخمل والكرسي اللي طلبتيه ما بيكون حلو فحبيت اغير شوي من عندي :confused:
فشو تتوقعووون صارلي في ذيك اللحظة؟؟؟ طبعا خواتي هدئوني وقصوا على وقالولي ان الكوشة حلوة …بس عقب العرس بفترة غيروا كلامهم
بس بالنسبة لي … هذا ما اثر فيني وايد لاني ما بغيت اخرب فرحة ليلة العمر…
اكيييييييد كل عروووس اتمر بمواقف اما اتكون حلوة او مب حلوة
اتمنى من كل عروس اتخبرنا بتجربتها عشان انعيد الذكريات وانفيد الغير
تحياتي …
Looooooooooona
:smile::smile::smile::smile::smile:
إن شاء الله لما أتزوج بقولج
بس إدعي لي
حبيت أشارك وأضيف رد على موضوعج الرائع وأتمنى ان البنات يشاركون
الكاشخة
ذكرتينى بالليله الحلوه واللى كانت اسعد ليله فيحياتى الله يسعدج إنشالله
انا اخترت الكوشه وكروت العرس والزينه اللى على الطاولات بروحى بدون أي مساعده من حد بس بعد كنت ابغى راي حد كبير لانه اللى كان ويايه اختى الصغيره
انا كنت مقتنعه بالكوشه 100%100 بس بعد بغيت رايهم
طبعا يوم تركيب الكوشه كانوا العمال ايكلمون اختى كل دقيقه ويوم وصلت الفندق بصراحه انصدمت من جمال الكوشه والترتيب اللى ماتوقعته
واللى حضر عرسي مدح الحمدالله كل شي حتى الخدمة ولين اليوم يذكرون ترتيبات العرس وحتى الفستان كان ايجنن والطاولات والزينه والإضاءه يعنى الحمدالله كل شي كان تمام
ما شا الله عليج يا اختي … اكيد كنتي مهتمة بكل تفاصيل العرس ..وذوقج حلو ..
والحمدلله العرس كان حلو
صح اني ما كنت مقتنعة انا بكوشتي … وكنت متضايقة وايد… بس الناس عيبهم العرس بعد ومدحوا كل شي
وهذا اللي غير من نفسيتي تجاه الكوشة الترتيبات شوي
ومشكووووووورة على المشاركة الحلوة
وانا في انتظار المشاركات
حبيت أشاركم السوالف الحلووه .. :cool2:
انا بعد كنت متوترة يوم العرس واعصابي فايره.. ولين الحين خواتي يذكوني بالمواقف الي كنت اعصب فيها ويضحكون علي 
2
بصراحه انا اخترت كوشتي وكنت مقتنعه فيها .. وشكلها كان رهيب ..
بس انصدمت فيها يوم العرس ماكانت نفس الفخامه اللي شفتها بالصوره ..
انقهرت صدق من الخااطر .. وبصرااحه .. أنصح كل بنت قبل لا تختار الكوشه وتعتمدها تاخذ نسخه عنها وتعطيها لأخوها أو زوجها عشان يشرف على العمال و تكون نفسها اللي اخترتيها انتي بالضبط ..
والحمدلله كل شي كان اوكي ومرتب ومنظم .. والكل يمدح فالعرس..
ليلة الفرح اللي هى بتكون ليلة الحنة عندنا في مصر كنت هلكانة من كتر التنطيط طبعا في الحنة وقبلها بأسبوع وأكثر كنت تعبانة من الفرش وتجهيزات الفرح وخلافه فجيت ليلة الفرح أحاول انام (مع اني كنت هأموت على النوم من التعب) اني أعرف انام، ولا فايدة ما نمتش الا الفجر تقريبا وبعدين قمت الساعة 9 فطرت مع اخواتي وبعدين أخذت حمامي ونزلت أنا وأختي الصغيرة على أوتيل الدار اللي كنت هاعمل فيها الفرح
الوقت الصبح عدا بسرعة وانا كأني رايحة فرح واحدة تانية مش حاسة بأى حاجة
المهم رحت الأول على الكوافير عملت باديكير ومانيكير والذي منه وبعدين رحت على اوتيل الدار مع الماكييرة
على طول عملت لي ميك اب انا واختي وبعدين أهلي جم لبست الفستان (اللي كنت طايرة به الحمد لله) وظبطولي الطرحة وبعدين اخت زوجي جت وبعدين العريس
اتصورنا وكأني في حلم ومش حاسة بأى حاجة
وبعدين رحنا على القاعة وأنا طايرة في السما أنا وزوجي
لما دخلت القاعة تفاجئت اني الكوشة غير اللي كنت مختارها
كنت مختارة كوشة شيفون أبيض في حرير ذهبي وارضية ستان لاقيتهم حطين كوشة شيفون ابيض في وردي ، وبوكيه ورد كبير في الخلفية كان جه هدية
وتضايقت جدا ولحد دلوقت كل ما اشوف الصور أزعل من شكل الكوشة
بس الحمد لله الفرح كان جميل وفيه فقرات حلوة خففت من موضوع الكوشة
طبعا ما كانش ينفع أغير حاجة فيها لأني كنت وصلت على الفرح على طول وما حدش كان شاف الكوشة اللى اخترتها من أهلي فما عرفوش
الحمد لله على كل حال
ربنا يتمم بخير لكل العرايس ويرزق كل البنات ويفرحها
بصراحه ذكرتينا بالأيام الحلوة :cool2:
وانا على العكس ما خفت ولا ارتبكت وفي الليل رقدت عااادي ولا كأنه
انا العروس وقعدتني امي تقريبا الساعه 10 الصبح
وقمت اجهز آخر الترتيبات عشان نسير دبي لان العرس في دبي وانا
من العين … لا وأخوي متفيج من الصبح وهو ماسك كاميرا الفيديو
فرحان يصورني وحالتي حاله يقولي خليها بتكون ذكرى حلوة
لين ماوصلنا دبي ..
والكوشه والترتيبات مادخلت عمري فيها اختي ماقصرت فنانه في الديكور
واختيارها حلو وغيرت فيها واايد …
والحمد الله كل شي طلع 
تمام والكل مدح في العرس
وكان منظم مافي يهال وااايد …
وانا زواجي بكون الشهر الياي يعني شهر 1 والله يتمم على خير :shy:
وادعوا لي بناات