~*¤ô§ô¤*~أول لوكاتي مع حركه مبتكره من عاشقه الدوحه ~*¤ô§ô¤*~ 2024.

هذي اول لوك انزله حصريا على منتدى عروس
سويته لاني كنت معزومه بيت رفيجتي وكانت جمعه بنات حلوه وايد
انشاء الله يعجبكم مثل ماعجبهم🙂

نبدأ بمكياج الوجه

اول شي وزعت المرطب من شانيل على بشره نظيفه تماما وتميت
اسوي مساج خفيف لين حسيت ان تشربته بشرتي تماما

نطرت خمس دقايق بعدها بديت اوزع الكونسيلر التيوب من ماك تحت العين باطراف اصابعي
بالطبطبه مع المسح بخفه و حطيت منه على عظمه الانف .

بديت بالفونديشن
واستخدمت فونديشن ايف سان لوران Oil free
حطيت منه في راحه يدي و معاه شوي من الكونسيلر
التيوب الي استخدمته لتحت عيني ومزجتهم عدل
وباستخدام فرشاة انجلوت وزعت هالخلطه على ويهي
بعد ما خلصت من وضع الفونديشن على كامل الوجه بالفرشاه بديت اطبطب عليه باطراف اصابعي وامسحه بخفه باتجاه الخارج
وصدقوني يابنات ان هالخطوه كانت الاساس في انه مكياج الوجه كان
حلو لان احس ان الفونديشن ثبت على ويهي

بعدها رشيت ثلاث رشات على ويهي من مثبت مكياج ميك اب فور ايفير
ونطرت شوي لين جف وعقب كملت باقي المكياج .
😎

وزعت كميه وفيره من اللوس باودر من ميك اب فور ايفير تحت العين باستخدام الفرشاه
الي بالصوره بالطبطبه حتى يلتقط اي شدو ممكن يتناثر والدرجه الي استخدمها افتح
من لون بشرتي بدرجه وحده بس , عشان تبين هالمنطقه افتح من باقي الوجه .

مكياج العيون :shy:
بلشت بالاي شدو

بعد ما مشطت حواجبي وزعت من شادو NAYLON تحت الحاجب و وصلته لين مدامع العين .
فوق الNAYLON حطيت من البيجمنت VANILLA بس ركزته على عظمه الحاجب عشان ابرزها اكثر بلمعه البيجمنت:handup:

باستخدام الفرشاه الي بالصوره وزعت طبقه خفيفه من الشدو الاسود الي بلمعه BLACK TIED
على كامل الجفن المتحرك وقبل كسره العين بشوي عشان تكون كأساس
لللون الي بحطه فوقها .

وفوق اللون الاسود وزعت من اي شدو CLUP وبديت ادمجه مع الشدو الاسود واموهه على كسره العين
لين حسيت ان اندمجو عدل واختفى اللون الاسود بالدمج .

عقبها وزعت من اللون الاخضر الخطير SURREAL على قوس العين
بحيث يندمج مع CLUP و اطلع به فوق قوس العين مع التمويه
لين احس ان اندمج منه شوي مع NAYLON الي حطيته تحت الحواجب
(r)

على قوس العين بالضبط استخدمت اللون الاخضر الي بالصوره
وبفرشاة الدمج من انجلوت
بديت امشي بها على قوس العين بس بدون ما اطلع من هالمنطقه عشان ادمج CLUP و SURREAL

بعد ماخلصت من الدمج وصلت للخطوه العجيبه والي احبها وايد وهي البيجمنت

استخدمت البيجمنت الي نزل في كولكشن دانس واسمه PASTORALE
وزعت كميه منه باستخدام الفرشاه الي بالصوره وانا اطبطب فوق الشدو SURREAL
على الجفن الثابت وبعد الطبطبه بديت امشي الفرشاه بشكل خفيف على
اللون الي تحته وطلع رووووووووعه من قلب وفيه لمعه واااو :eek2:
هالبيجمنت لونه عجيب عشان جذي سميت هالخطوه بالخطوه العجيبه
:cool2:

وبجذي خلصت الاي شدو

حددت عيني من تحت بنفس لون البيجمنت الاخضر لكن في هالخطوه
استخدمت eye seal من ميك اب فور ايفر الي يحول اي شدو لاي لاينر .
غمست فرشاة مكياجي للاي لاينر في السائل وخذت بها شوي من البيجمنت
وبديت اخطه تحت عيني لين نص العين بس , يعني ماوصلته لين مدامع العين .
ملاحظه : ماوصلت الاي لاينر لين مدمع العين عشان ابرز كسره العين الداخليه

بعدها استخدمت الكحل الكريمي من ماك
لتحديد العين من فوق , رسمت خط رفيع فوق الرموش العلويه
وانا ساحبته نتفه صغيره للخارج باستخدام فرشاة مكياجي

نكمل مكياج الوجه

خلصت مكياج العيون وبديت اشل اللوس بودر من تحت عيني
بفرشاة المروحه المعروفه .
باستخدام فرشاة ماك الشهيره 187وزعت بودره جيرلان الفضيه وبحركه
دائريه على كامل الوجه لين حسيت ان البودره صارت مخمليه .

حددت جوانب الانف بالفرشاه بهذا البلاشر من Pixi

وزعت الاضاءه باستخدام الفرشاة 187 من ماك على الجبهه
وعلى high cheeks.

خطوه مبتكره 💡

وهي حركه حلوه وايد واول مره اسويها لكلن طلت فضيعه
اول شي باستخدام فرشاة جيفنشي وزعت البلاشر المشمشي من روشاس
وبعدها نثرت كميه من بيجمنت ماك PINK BRONZE على الفرشاه ومسحت بها
فوق البلاشر الي وزعته على خدودي وصار فيه لمعه تجنن
وحلت المكياج كله :cool2:

نرجع نكمل مكياج العيون

رجعت لبيجمنت VANILLA وخذت منه لمسه باستخدام نفس الفرشاه
ووزعته تحت عيوني لكن بدأت من تحت زاويه العين الخارجيه وانا
ماسحته ومموهته باتجاه منابت الشعر بحيث ما تبين الا لمعه البيجمنت .
هالحركه دايما اسويها واحسها تعطي مكياج العين تركيز اكثر بالاضافه
لنظره ساحره:shy:

واخر خطوه من مكياج عيوني كحلتها من داخل بالكحل الاسود
من جيفنشي وطلعت الكحل شوي عند الزاويه الخارجيه عشان
يندمج مع خط الكحل الكريمي الي فوق الجفن العلوي
واستخدمت مسكره هلينا روبنشتاين وهالمسكره
ماستغني عنها ابد لانها تكثف الرموش بقوه . :yes:

الشـفـايف

حددت شفايفي بمحدد من استلودر

واستخدمت روج ماك VEGAS VOLT من كولكشن راكيل والقلوس RAQUEL

اللمسه النهائيه
رجعت رشيت رشتين وانا مغمضه عيوني على كامل الوجه
من مثبت المكياج من ميك اب فور ايفير .

الاظافر

لاظافري استخدمت هذا اللون المشمشي من هلينا روبنشتاين
لكن مدري ليش طالع احمر بالتصورير 🙁

وبجذي انتهيت من لوكي الاخضريكااا
وطلع مرتب ونعوم
اتمنى يكون عجبكم (a)

و الحركة أكيد حلوة.. (f) (f)

و ال Eye Seal عجبني حطيته بال shopping list:gum:

بسألج ايش رايج بفرش INGLOT??

و ال Eye seal ثابت و حلو يستاهل التجربة???

و المثبت مال فور ايفر ممكن ترشينه فوق الشدو عشان يثبته و لا هو بس للوجه???