أبغى معلومات عن فرنسا لو سمحتوا . 2024.

السلام عليكم ورحمة الله وبركاته

أدور معلومات عن فرنسا من أسواق وفنادق ومناطق سياحية وأكثر

وياريت اذا تعرفون ايش البلدان الثانيه اللي ممكن أزورها عن طريق فرنسا وكيف؟؟

واذا في أسواق أسعارها معقوله ولا لا …

ياريت تفيدوني بسرررررررررررررررررررررعه

اختي ماحددتي وين بتروحين في فرنسا؟ باريس
اذا بتروحين باريس عندج احلى شي تسكنين في الشانزيليزيه لانه معظم المطاعم والكافيهات وبعض المحلات هناك وبالنسبه للسوق في منطقة الاوسمان بوليفار بتحصلين المراكز مثل لافاييت والبرنتمبس وباقي المحلات
عن طريق باريس ممكن تروحين بروكسل وايد قريبه او لندن او سويسرا
الأسواق بصراحة ماعندي خلفية عنها لاني بروح نشاءالله في شهر 6 بس الفنادق حجزنا في الهوليدي ان في باريس لمدة 5 أيام وفي نيس بعد 4 أيام بسعر 140 يورو =714 ريال هدا طبعا لان عندنا تخفيض من ارامكو بنص السعر اخدنا غرفة زوجية وعندي بيبي عمره سنتين دفعنا اله 10 يورو للسرير اللي بيحطونه

حنا رحلتنا بتكون 5 أيام باريس
4 أيام نيس
بعدين بنروح سويسرا
4 أيام جنيف
3 أيام ماحددناها الى الحين
وبعدين بنروح النمسا
4 أيام في فيينا
و4 أيام بنوزعها على زيلامسي وسالزبورغ

طبعا اول مرة أروح فيها هدي المناطق بس بعطيك موقع ادخلي عليه مفيد جددددددددددددا
خاص بامسافرين اكتبي في قوقل العرب المسافرون هدا موقع والثاني سفاري

مواقع مررررررررررررررررررة مفييييييدة عرفت كل شي عن الاماكن منهم

هلالالا
انصحج اتروحين نيس بس لا اتطولين فيها لانها مناسبه لللاجانب لانهم يقدرون ييلسون عالبحـــــــــــر ويتشمسون ..يعنى 4 ايام فنيس كافيه …بس الطبيعه فيها روعه ..وانصحج بفندق اسمه ريدسون ساس عالبحر … ومن نيس تقدرين اتروحين كان ومونت كارلو وموناكو ….

وفي باريس اذا قدرتى احجزى في فندق فالشانز بس ترا الاسعار غاليه .. وفي فندق اسمه كونكورد وايد حلو والمترو تحت الفندق بالضبط.. وتقدرين تاخذين المترو واتروحين منطقه الشانز .. اذكر محطتين بين الفندق والشانز … والحلو اللى فالفندق انه املاصق في مول وتقدرين تشترين منه اغراضكم الخفيفه من ماى وعصاير ..

والاسعار في فرنسا نــــــــــار وخصوصا فالصيف … واماكن التسوق وايد …بس اول ما اتروحين الفندق خل يعطيج خريطه اماكن التسوق وكم تبعد عن الفندق اللى بتسكنين فيه .. اللى اذكره شارع الشانزليزيه كله محلات… وعندج مول اسمه جاليري لافايت وايد حلو وكله ماركات ..

وابدا لا اتفوتين روحه الديزنى لاند .. ولاتقولين الديزنى للصغاريه …. ترا الالعاب روعه وايمر الوقت ولا اتحسون بالمره … بس الله ايعينكم ع طابور الدور …

اعتقد من فرنسا تقدرين اتروحين فرنسا وسويسرا وايطاليا ….

اموفقه ورحله سعيده مقدما … حطيتلح صورة نيس عشان تشجعين واتروحينها عروس وصورة الجاليري لافايت
[/IMG]

[/IMG]

طيب أنا ناويه أروح فيينا 5 أيام بعدها سالزبورغ يومين وزيلامسي يومين وبعدين ودي أنزل باريس ونيس وودي أمر قبل على جنيف ايش رايكم ؟؟؟

يعني أول محطه تكون فيينا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top